ព័ត៌មានផ្សេងៗទៀត
ឯកឧត្តម ប៉ែន ផល្លីកា អនុរដ្ឋលេខាធិការ អញ្ជើញចូលរួមពិធីអបអរសាទរខួបលើកទី៧៥ ទិវាកុមារអន្តរជាតិ នៅសាលមហោស្រពនៃមជ្ឈមណ្ឌលសន្និបាត និងពិព័រណ៍កោះពេជ្រ
ចេញផ្សាយ ៣០ ឧសភា ២០២៤ 2365
នៅថ្ងៃទី៣០ ខែឧសភា ឆ្នាំ២០២៤ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួម ក្នុងពិធីអបអរសាទរខួបលើកទី៧៥ ទិវាកុមារអន្តរជាតិ០១ មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ១២មិថុនា និងទិវាកុមារកម្ពុជាឆ្នាំ២០២៤ ក្រោមប្រធានបទ "វិនិយោគលើកុមារថ្ងៃនេះ សំដៅបង្កើនមូលធនមនុស្សក្នុងយុគសម័យបរិវត្តកម្មឌីជីថល" ។
កម្មវិធីប្រព្រឹត្តទៅ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តំណាងដ៏ខ្ពង់ខ្ពស់សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាជាតិកម្ពុជាដើម្បីកុមារ នៅសាលមហោស្រពនៃមណ្ឌលសន្និបាត និងពិព័រណ៍កោះពេជ្រ។
អង្គពិធីនេះធ្វើឡើងក្នុងគោលបំណង ផ្តោតទៅលើការរីកចម្រើនផ្នែកបច្ចេកវិទ្យាឌីជីថល ដែលបាននាំមកនូវកាលានុវត្តការងារ នយោបាយ សេដ្ឋកិច្ច និងសង្គម ព្រមទាំងលើកម្ពស់គុណភាពជីវិត ការងារ បង្កើនទំនាក់ទំនង និងកិច្ចសហប្រតិបត្តិការល្អជាមួយបណ្តាប្រទេសជុំវិញពិភពលោក។ ទន្ទឹមនោះដែរការរីកចម្រើនផ្នែកឌីជីថលនេះ ក៏មានលេចឡើងនូវការប្រឈមជាច្រើន ដូចជាឧក្រិដ្ឋកម្ម ការចាប់ជំរិត ការជួញដូរខុសច្បាប់ ការកេងប្រវ័ញ្ច និងការរំលោភបំពានផ្សេងៗតាមប្រព័ន្ធអនឡាញ ដែលធ្វើឱ្យក្លាយជាបរិបទថ្មីអាចផ្តល់ផលប៉ះពាល់ធ្ងន់ធ្ងរដល់ប្រជាពលរដ្ឋ ជាពិសេសស្រ្តី និងកុមារ ទាំងផ្លូវកាយ ផ្លូវចិត្ត ផ្លូវភេទ ហើយបញ្ហានេះកំពុងរីករាលដាលនៅលើពិភពលោករួមទាំងកម្ពុជាផងដែរ៕
