ព័ត៌មានផ្សេងៗទៀត
ថ្នាក់ដឹកនាំជាន់ខ្ពស់ក្រសួងកសិកម្ម អញ្ជើញដឹកនាំមន្រ្តីជំនាញពាក់ព័ន្ធផ្តល់វគ្គបណ្តុះបណ្តាលស្តីពី «ការប្រើប្រាស់ជី និងថ្នាំកសិកម្ម» នៅក្នុងខេត្តចំនួន៤
ចេញផ្សាយ ៥ មិថុនា ២០២៦ 261
ចាប់ពីថ្ងៃទី៣ ដល់ថ្ងៃទី៥ ខែមិថុនា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំ លោកប្រធាន និងអនុប្រធាននាយកដ្ឋានផ្សព្វផ្សាយកសិកម្ម ព្រមទាំង លោកប្រធាន និងអនុប្រធានមន្ទីរកសិកម្មខេត្តទាំង៤ ផ្តល់វគ្គបណ្តុះបណ្តាលស្តីពី «ការប្រើប្រាស់ជី និងថ្នាំកសិកម្ម» ទៅដល់មន្រ្តីកសិកម្មឃុំ -សង្កាត់ នៅក្នុងខេត្តចំនួន៤ ដែលរួមមាន៖ ខេត្តព្រះវិហារ ខេត្តស្ទឹងត្រែង ខេត្តក្រចេះ ខេត្តត្បូងឃ្មុំ។
វគ្គបណ្តុះបណ្តាលនេះ ធ្វើឡើងក្នុងគោលបំណងពង្រឹងសមត្ថភាពមន្រ្តីកសិកម្មឃុំ-សង្កាត់ លើកកម្ពស់ប្រសិទ្ធភាពគុណភាពការងារមន្រ្តីកសិកម្មឃុំ-សង្កាត់ នៃការផ្សព្វផ្សាយបច្ចេកទេសកសិកម្ម និងបង្កើនគុណភាពស្ថិតិកសិកម្មឱ្យកាន់តែប្រសើរឡើង៕
