ឯកឧត្តមរដ្ឋលេខាធិការ ឃុន សាវឿន អញ្ជើញដឹកនាំមន្ត្រីជំនាញ​ចុះពិនិត្យ​ស្ថានភាពការចិញ្ចឹមត្រី បង្កង នៅស្រុកជីក្រែង ខេត្តសៀមរាប

ចេញ​ផ្សាយ​ ១៤ សីហា ២០២៤ 872

នៅថ្ងៃទី១២ ខែសីហា ឆ្នាំ២០២៤ ឯកឧត្តម ឃុន សាវឿន រដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ បានអញ្ជើញ​ដឹកនាំមន្ត្រីជំនាញចុះពិនិត្យស្ថានភាពការចិញ្ចឹមត្រី និងការចិញ្ចឹម​បង្កង របស់វារីវប្បករ ស្ថិតនៅឃុំអន្លង់សំណរ ស្រុកជីក្រែង ខេត្តសៀមរាប ដោយមានការចូលរួមពីលោកនាយ​ខណ្ឌរដ្ឋបាល​ជលផលខេត្តសៀមរាប ការិយាល័យកសិកម្ម ធនធានធម្មជាតិ និងបរិស្ថាន ក្រុមប្រឹក្សាឃុំអន្លង់សំណរ និងថ្នាក់ដឹកនាំសហគមន៍​នេសាទអន្លង់សំណរ។ 

ឯកឧត្តមរដ្ឋលេខាធិការ មានប្រសាសន៍ថា ការចុះទៅពិនិត្យនេះ ធ្វើឡើងក្នុងគោលបំណងគឺដើម្បីស្វែងយល់អំពីដំណើរការ​នៃការធ្វើវារីវប្បកម្ម​របស់កសិករចិញ្ចឹម និងភ្ញាស់ត្រីឆ្តោ ត្រីប្រា ត្រីឆ្ពិន ត្រីកាប និងបង្កង សំដៅដល់ការជួយគាំទ្របច្ចេកទេសបន្ថែម និងជួយសម្រប​សម្រួលរាល់នូវបញ្ហារបស់វារីវប្បករ៕