ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញដឹកនាំក្រុមការងារជួបសំណេះសំណាល និងពិភាក្សាការងារជាមួយសហព័ន្ធម្រេចកម្ពុជា និងសមាគមម្រេចសរីរាង្គ នៅស្រុកសណ្តាន់ ខេត្តកំពង់ធំ
ចេញផ្សាយ ៦ សីហា ២០២៥ 200
នៅក្នុងរយៈពេល២ថ្ងៃ គឺនៅថ្ងៃទី៤-៥ ខែសីហា ឆ្នាំ២០២៥ ឯកឧត្តម ឈុំ ឆុនលី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារ អគ្គនាយកដ្ឋានកសិកម្ម និងមន្ទីរកសិកម្ម រុក្ខាប្រមាញ់និង នេសាទខេត្តកំពង់ធំ ជួបសំណេះសំណាលពិភាក្សាការងារ ជាមួយសហព័ន្ធម្រេចកម្ពុជា និងសមាគមម្រេចសរីរាង្គ ដែលមានទីតាំងស្ថិតនៅឃុំទំរីង ស្រុកសណ្តាន់ ខេត្តកំពង់ធំ។
សមាគមម្រេចកំពង់ធំមានផ្ទៃដីសរុបចំនួន ៩៣ហិកតា ដែលមានសមាជិកចំនួន ៦០គ្រួសារ មានផ្ទៃដីដាំដុះម្រេចសរីរាង្គចំនួន ៣៤ហិកតា (ទទួលបានទិន្នផល៦០ ទៅ១០០តោន/១ឆ្នាំ) ក្នុងនោះមានម្រេច សុវត្ថិភាពមានចំនួន៥៩ហិកតា។ ផលិតផលម្រេចរបស់សមាគមទទួលបានការគាំទ្រពីទីផ្សារ ដោយមានក្រុមហ៊ុនមួយចំនួនដូចជា៖ ក្រុមហ៊ុន អូឡាំ (Olam) ក្រុមហ៊ុន Agree Cook ក្រុមហ៊ុន Sela pepper Co.Ltd ក្រុមហ៊ុន S.E.A.T.S Inc ក្រុមហ៊ុន Sing natures of Asia Co.Ltd ។
សូមបញ្ជាក់ថា ក្រៅពីការគាំទ្រពីទីផ្សារនៅក្នុងស្រុកសមាគមក៏មានបំណងនាំម្រេចសុវត្ថិភាព ទៅកាន់ទីផ្សារប្រទេសចិនថែមទៀត។ នៅក្នុងការជួយគាំទ្រដំណាំម្រេចកម្ពុជានេះ ក្រសួងកសិកម្ម រុក្ខាប្រមាញ់ និងនេសាទ ក៏បានសហការរៀបចំបែបបទជាមួយសហព័ន្ធម្រេច កម្ពុជាយ៉ាងសកម្មផងដែរ៕
