ឯកឧត្តមរដ្ឋមន្រ្តី អមដំណើរដោយឯកឧត្តមលី យ៉ុងផាត់ និងសហការីបានអញ្ជើញមកពិនិត្យសកម្មភាព ប្រមូលផលអំពៅ និងខ្សែច្រវ៉ាក់ផលិតកម្មរបស់រោងចក្រកិន និងផលិតស្កអំពៅ

ចេញ​ផ្សាយ​ ១៨ ធ្នូ ២០១៩ 3216

បន្ទាប់ពីពិធីសំណេះសំណាលជាមួយប្រជាសហគមន៍ព្រៃឈើប្រាំបីមុម ឯកឧត្តមរដ្ឋមន្រ្តី អមដំណើរដោយឯកឧត្តមលី យ៉ុងផាត់ និងសហការីបានអញ្ជើញមកពិនិត្យសកម្មភាព ប្រមូលផលអំពៅ និងខ្សែច្រវ៉ាក់ផលិតកម្មរបស់រោងចក្រកិន និងផលិតស្កអំពៅរបស់ក្រុមហ៊ុនភ្នំពេញស៊ូហ្គឺ របស់ឯកឧត្តម លី យ៉ុងផាត់។

តាមការឲ្យដឹងពីអ្នកគ្រប់គ្រងទូទៅថារោងចក្រមានសក្តានុពលផលិតក្នុងមួយថ្ងៃបានស្ករស ចំនួន ១ពាន់តោន និងស្ករឆៅ ចំនួន ១ពាន់តោន ដោយប្រើអំពៅប្រហែល ១ម៉ឺនតោន ក្នុងនោះ ក្នុងនេះ៣០ភាគរយក្រុមហ៊ុនផលិត និង ៧០ ភាគរយទៀតទទួលបានពីការចុះកិច្ចសន្យាទិញពីប្រជាពលរដ្ឋ និងក្រុមហ៊ុនក្នុងស្រុក។ ទីផ្សារធំនាពេលបច្ចុប្បន្នគឺប្រទេសវៀតណាម និងក្នុងស្រុក ហើយអនាគតត្រៀមរៀបចំឯកសារស្នើសុំនាំចេញទៅកាន់ទីផ្សារដ៏ក្រៅតំបន់បន្ថែមទៀត។

ឯកឧត្តមរដ្ឋមន្រ្តីបានវាយតម្លៃខ្ពស់ចំពោះឆន្ទ:វិនិយោគរោងចក្រផលិតស្កអំពៅរបស់ឯកឧត្តម លី យ៉ុងផាត់ ដែល បានចំណាយទុនជាង ២០០ លានដុល្លារ ដែលនេះជាសកម្មភាពមួយយ៉ាងសំខាន់ក្នុងការចូលរួមចំណែកជួយអភិវឌ្ឍវិស័យកសិឧស្សាហកម្មដំណាំអំពៅ ក៏ដូចជាវិស័យសេដ្ឋកិច្ច និងចូលរួមបង្កើតការងារជូនពលរដ្ឋនៅមូលដ្ឋាន បានចំនួនជាងមួយពាន់នាក់ ។