វិទ្យាស្ថានស្រាវជ្រាវនិងអភិវឌ្ឍន៍ជលផលសមុទ្រ

ចេញ​ផ្សាយ​ ៨ មករា ២០១៩ 6613

វិទ្យាស្ថានស្រាវជ្រាវនិងអភិវឌ្ឍន៍ជលផលសមុទ្រ

តួនាទី និងភារកិច្ចវិទ្យាស្ថានស្រាវជ្រាវ និងអភិវឌ្ឍន៍ជលផលសមុទ្រ

• ស្រាវជ្រាវ អង្កេតតាមដាន ស្ថានភាពមច្ឆជាតិ និងធនធានជលផល សមុទ្រដទៃទៀត ជីវចំរុះ អេកូទ្បូស៊ីសារគរសាស្រ្ត និងបច្ចេកទេស និងសេដ្ឋកិច្ចសង្គម នៃការនេសាទសមុទ្រ

• សិក្សាស្រាវជ្រាវ និងកំណត់ប្រសិទ្ធភាព នៃឩបករណ៍នេសាទសមុទ្រ

• ស្រាវជ្រាវអំពីការជះឥទ្ធិពលលើធនធានវារិជាត ដែលបណ្តាលមកពី សកម្មភាពនានា

• ស្រាវជ្រាវវិទ្យាសាស្ត្របច្ចេកទេសវារីវប្បកម្មសមុទ្រ និងចងក្រង ផ្សព្វផ្សាយឯកសារវិទ្យាសាស្ត្របច្ចេកទេសវារីវប្បកម្មសមុទ្រ

• ស្រាវជ្រាវអំពីទំនាក់ទំនង និងផលប៉ះពាល់ រវាង់ការធ្វើវារីវប្បកម្ម សមុទ្រ និងវារីវប្បកម្ម

• បង្កើត រក្សាទុក ផ្លាស់ផ្តូរ និងផ្សព្វផ្សាយនូវរាល់មូលដ្ឋានទិន្នន័យ និង ព័ត៌មានវិទ្យាសាស្ត្រជាមួយគ្រប់ស្ថាប័នពាក់ព័ន្ធ និងអ្នកប្រើប្រាស់ ដើម្បីអភិរក្ស គ្រប់គ្រង និងធានាដល់ការប្រើប្រាស់

• សិក្សាស្រាវជ្រាវ បង្កើនសមត្ថភាពមន្ទីរពិសោធន៍ខាងផ្នែកចំណី ជំងឺវារីសត្វ វារីរុក្ខជាតិសមុទ្រនិងសេនេទិច

• សិក្សាស្រាវជ្រាវ ផលិតប្រភេទវារីសត្វ វារីរុក្ខជាតិសមុទ្រគ្រប់ប្រភេទ ដែលជិតផុតពូជ

• បំពាក់បំប៉នសមត្ថភាពជំនាញបច្ចេកទេសវិទ្យាសាស្រ្ត និងការ គ្រប់គ្រងធនធានជលផលសមុទ្រ

• ធ្ធើសហប្រតិបត្តិការជាមួយអង្គការជាតិ អង្គការអន្តរជាតិ អង្គការ មិនមែនរដ្ឋាភិបាល និងស្ថាប័ននានាក្នុងកិច្ចសហការ ស្រាវជ្រាវ ជលផលសមុទ្រ

• អនុវត្តភារកិច្ចផ្សេងៗទៀតដែលថ្នាក់ដឹកនាំប្រគល់ឱ្យ។

រចនាសម្ព័ន្ឋនាយកដ្ឋាន

       វិទ្យាស្ថានស្រាវជ្រាវ និងអភិវឌ្ឍន៍ជលផលសមុទ្រ មានការិយាល័យចំនួន ៤ និងមន្ទីរពិសោធន៍ ១

ដូចខាងក្រោម៖

1.  ការិយាល័យរដ្ឋបាល

2.  ការិយាល័យជីវសាស្ដ្រ

3.  ការិយាល័យស្រាវជ្រាវបច្ចេកវិទ្យាជលផល

4.  ការិយាល័យសេដ្ឋកិច្ចសង្គម

5.  មន្ទីរពិសោធន៍ មានថ្នាក់ស្មើការិយាល័យថ្នាក់កណ្ដាល

            ការិយាល័យនីមួយៗ និងមន្ទីរពិសោធន៍ដឹកនាំដោយប្រធាន ១ រូប និងអមដោយអនុប្រធានមួយចំនួនជាជំនួយការ តាមការចាំបាច់។

      តួនាទីភារកិច្ចរបស់ការិយាល័យនីមួយៗ និងមន្ទីរពិសោធន៍ មានដូចតទៅ

១០.១.ការិយាល័យរដ្ឋបាល

• គ្រប់គ្រង សម្របសម្រួលរាល់សកម្មភាពការងារផ្នែករដ្ឋបាល និងបុគ្គលិក និងពិធីការ

• រៀបចំផែនការសកម្មភាពទូទៅប្រចាំត្រីមាស ឆមាស និងឆ្នាំសម្រាប់វិទ្យាស្ថាន

• សម្របសម្រួលការងារទំនាក់ទំនងផ្ទៃក្នុងជាមួយរដ្ឋបាលជលផល បណ្ដាស្ថាប័ន និងអង្គការនានា

• គ្រប់គ្រងការងារគណនេយ្យ និងផ្គត់ផ្គង់របស់វិទ្យាស្ថាន

• គ្រប់គ្រង និងថែរក្សារាល់ចលនទ្រព្យ និងអចលនទ្រព្យរបស់វិទ្យាស្ថាន

• ចាត់ចែងការការពារធានាសន្ដិសុខរបស់វិទ្យាស្ថាន

• សរុបរបាយការណ៍ប្រចាំខែ ត្រីមាស ឆមាស ប្រាំបួនខែ និងប្រចាំឆ្នាំ ស្ដីពីសកម្មភាពនិងលទ្ធផលការងារ របស់វិទ្យាស្ថាន

• អនុវត្ដភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថាន ប្រគល់ឱ្យ។

១០.២. ការិយាល័យជីវសាស្ដ្រ 

• សិក្សាស្រាវជ្រាវលក្ខណៈជីវសាស្ដ្រ និងអេកូឡូស៊ីនៃធនធាន ជលផលសមុទ្រ

• សិក្សាស្រាវជ្រាវ និងតាមដានការជះឥទ្ធិពល និងផលប៉ះពាល់ លើប្រព័ន្ធអេកូឡូស៊ី

• សិក្សាស្រាវជ្រាវអំពីទំនាក់ទំនងរវាងវារីវប្បកម្ម ព្រៃកោងកាង ឬការអភិរក្សជាមួយនឹងផលស្ដុកធម្មជាតិ

• សិក្សាស្រាវជ្រាវលក្ខណៈរូប គីមី និងជលសាស្ដ្រនៃដែនសមុទ្រ

• សិក្សាស្រាវជ្រាវការជះឥទ្ឋិពលពីប្រភេទវារិជាតផ្សេងៗ ដល់ ធនធានជលផល

• សិក្សាស្រាវជ្រាវពីសារធាតុកំណបាតសមុទ្រ

• សរុបរបាយការណ៍ប្រចាំខែ ត្រីមាស ឆមាស ប្រាំបួនខែ និង ប្រចាំឆ្នាំ ស្ដីពីសកម្មភាព និងលទ្ធផលការងាររបស់ ការិយាល័យ

• អនុវត្ដភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថាន ប្រគល់ឱ្យ ។

១០.៣ ការិយាល័យស្រាវជ្រាវបច្ចេកវិទ្យាជលផល 

• សិក្សាស្រាវជ្រាវឧបករណ៍នេសាទ និងបច្ចេកវិទ្យានេសាទសមុទ្រ

• សិក្សាស្រាវជ្រាវ និងវាយតម្លៃផលនេសាទ នឹងផលស្ដុក ធនធានជលផលសមុទ្រ

• សិក្សាជ្រាវជ្រាវផលនេសាទ និងកំណត់ផលិតភាពនៃ ឧបករណ៍នេសាទសមុទ្រ

• សិក្សាស្រាវជ្រាវការសាងសង់នាវានេសាទ និងទីតាំងផែ នេសាទ

• សិក្សាស្រាវជ្រាវបច្ចេកវិទ្យាសម្រាប់អភិវឌ្ឍធនធានជលផល

• សរុបរបាយការណ៍ប្រចាំខែ ត្រីមាស ឆមាស ប្រាំបួនខែ និងប្រចាំឆ្នាំ ស្ដីពីសកម្មភាពនិងលទ្ធផលការងាររបស់ ការិយាល័យ

• អនុវត្ដភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថាន ប្រគល់ឱ្យ ។

១០.៤. ការិយាល័យសេដ្ឋកិច្ចសង្គម

• សិក្សាស្រាវជ្រាវចរិតលក្ខណៈនៃអ្នកប្រើប្រាស់ធនធានជលផល និងការជះឥទ្ធិពលរវាងការនេសាទនិងសង្គម

• សិក្សាស្រាវជ្រាវការអនុវត្ដន៍បច្ចេកវិទ្យា និងការនេសាទ

• សិក្សាស្រាវជ្រាវការប្រើប្រាស់ និងតុល្យភាពនៃផល ផលិតផលជលផល

• សិក្សាស្រាវជ្រាវការប៉ាន់ប្រមាណ និងវាយតម្លៃសេដ្ឋកិច្ច សង្គមជលផល

• សិក្សាស្រាវជ្រាវទីផ្សារ និងតម្លៃផល ផលិតផលជលផល

• សិក្សាស្រាវជ្រាវ វិភាគលើការប្រកបរបរចិញ្ចឹមជីវិត និងប្រព័ន្ធអភិបាលកិច្ចនេសាទ

• សរុបរបាយការណ៍ប្រចាំខែ ត្រីមាស ឆមាស ប្រាំបួនខែ និងប្រចាំឆ្នាំ ស្ដីពីសកម្មភាព និងលទ្ធផលការងាររបស់ ការិយាល័យ

• អនុវត្ដភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថាន ប្រគល់ឱ្យ ។

១០.៥. មន្ទីរពិសោធន៍ 

• សិក្សាស្រាវជ្រាវ វិភាគលើវិធីសាស្ដ្រ ការពារ និងវិធីព្យាបាលជំងឺវារិជាត

• សិក្សាស្រាវជ្រាវ និងវិភាគ សារធាតុគីមីនៃធនធានជលផល

• សិក្សាស្រាវជ្រាវ និងកំណត់អត្ដសញ្ញាណវារិជាត

• សិក្សាស្រាវជ្រាវ វិភាគគុណភាពទឹក និងតាមដានសុខភាពប្រព័ន្ឋអេកូឡូស៊ីជលផល

• សិក្សាស្រាវជ្រាវកាកសំណល់សារធាតុលោហៈ ជាតិពុល ជំងឺ និងសេនេទិច

• សិក្សាស្រាវជ្រាវ និងវិភាគលើផលិតភាពចំណីធម្មជាតិ និងចំណីសិប្បនិម្មិតដើម្បីបម្រើឱ្យការងារវារីវប្បកម្ម

• សរុបរបាយការណ៍ប្រចាំខែ ត្រីមាស ឆមាស ប្រាំបួនខែ និងប្រចាំឆ្នាំ ស្ដីពីសកម្មភាពនិងលទ្ធផលការងាររបស់ មន្ទីរពិសោធន៍

• អនុវត្ដភារកិច្ចផ្សេងៗទៀត ដែលថ្នាក់ដឹកនាំវិទ្យាស្ថាន ប្រគល់ឱ្យ។

មន្ត្រីវិទ្យាស្ថានស្រាវជ្រាវ និងអភិវឌ្ឍន៍ជលផលសមុទ្រ

       មន្ត្រីនៅក្នុងវិទ្យាស្ថានស្រាវជ្រាវ និងអភិវឌ្ឍន៍ជលផលសមុទ្រមានចំនួនសរុប ១០

(ស្រី ០១ ប្រុស ០៩) ចំនួននេះត្រូវបាន បែងចែក ជាកំរិតជំនាញ ដូចខាងក្រោមនេះ៖

ទំនាក់ទំនង