ឯកឧត្តម ចាន់ ជេស្តា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំគណ:ប្រតិភូ ចុះសួរសុខទុក្ខកងវរសេនាតូចលេខ២ នៅខេត្តកំពត

ចេញ​ផ្សាយ​ ៣១ មីនា ២០២៤ 1759

នៅថ្ងៃទី៣០ ខែមីនា ឆ្នាំ២០២៤ ដោយមានការអនុញ្ញាតិពីឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និង នេសាទ ឯកឧត្តម ចាន់ ជេស្តា រដ្ឋលេខាធិការ បានដឹកនាំគណ:ប្រតិភូក្រសួង ចុះសួរសុខទុក្ខកងវរសេនាតូចការពារព្រំដែនលេខ២ ការពារព្រំដែនគោក  តំបន់ប្រតិបត្តិការសឹករងខេត្តកំពត។

នាឱកាសនេះ ឯកឧត្តមបាននាំយកគ្រឿងឧបភោគ បរិភោគ និងថវិកាមួយចំនួនដែលជាអំណោយដ៏ថ្លៃថ្លារបស់ ឯកឧត្តមរដ្ឋមន្ត្រី  ឌិត ទីណា ប្រគល់ជូនអង្គភាពកងវរ:សេនាតូចលេខ២ ដេីម្បីលេីកទឹកចិត្ត និងផ្សារភ្ជាប់ជីវភាពជាមួយកងទ័ព ការពារព្រំដែន នាឱកាសពិធីបុណ្យចូលឆ្នាំប្រពៃណីខ្មែរ ដែលនឹងឈានចូលមកដល់នាពេលខាងមុខ៕