ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ប៉ែន ផល្លីកា អញ្ជើញដឹកនាំក្រុមការងារជំនាញជួបសំណេះសំណាលនិងផ្សព្វផ្សាយឧបករណ៍នេសាទដល់ប្រជានេសាទ នៅស្រុក-ក្រុងចំនួន៣ ក្នុងខេត្តសៀមរាប
ចេញផ្សាយ ៣០ មីនា ២០២៥ 2862
ឯកឧត្តមអនុរដ្ឋលេខាធិការ ប៉ែន ផល្លីកា អញ្ជើញដឹកនាំក្រុមការងារជំនាញជួបសំណេះសំណាលនិងផ្សព្វផ្សាយឧបករណ៍នេសាទដល់ប្រជានេសាទ នៅស្រុក-ក្រុងចំនួន៣ ក្នុងខេត្តសៀមរាប
======================
នៅរយៈពេល២ថ្ងៃ គឺថ្ងៃទី២៧-២៨ ខែមីនា ឆ្នាំ២០២៥ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយ លោក អ៊ឹម គឹមលាង អភិបាលរងខេត្តសៀមរាប លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងមេបញ្ជាការប្រចាំការខាងជើងបឹងទន្លេសាបចំណុះឱ្យយោធភូមិភាគ៤ បានចុះជួបសំណេះសំណាលជាមួយប្រជានេសាទសរុបជាង៩០០នាក់ ក្នុងនោះមាន៖ នៅសង្កាត់ចុងឃ្នៀស ក្រុងសៀមរាប អ្នកចូលរួម៥៥០នាក់ ឃុំអន្លង់សំណរ ស្រុកជីក្រែង២៥០នាក់ និងឃុំកំពង់ភ្លុក ស្រុកប្រាសាទបាគង១០៧នាក់។
កិច្ចពិភាក្សាផ្តោតទៅលើជីវភាពប្រជានេសាទតាមរយ:ផលត្រី ការរួមគ្នាថែរក្សា និងជួយអភិរក្សផល ជលផលក្នុងបឹងទន្លេសាបឱ្យមាននិរន្តរភាព និងវឌ្ឍនភាពផលត្រីឱ្យកាន់តែសម្បូរណ៍។ នៅចំពោះមុខអង្គពិធី ឯកឧត្តមអនុរដ្ឋលេខាធិការ បានថ្លែងអំណរគុណដល់ប្រជានេសាទក្នុងភូមិសាស្រ្តស្រុក-ក្រុងទាំងបីដែលតែងតែសហការបានល្អជាមួយមន្រ្តីជំនាញ និងមន្រ្តីពាក់ព័ន្ធ រួមទាំងកម្លាំងអន្តរាគមន៍ដែលឈរជើងនៅបឹងទន្លេសាបប៉ែកខាងជើង។
ក្នុងឱកាសនោះដែរ ឯកឧត្តមក៏បានដកស្រង់យកស្មារតីកិច្ចប្រជុំនៅខេត្តពោធិសាត់ ស្តីពីវឌ្ឍភាពក្នុងការបង្រ្កាបបទល្មើសនេសាទគ្រប់ប្រភេទ កាលពីថ្ងៃទី២៤ ខែមីនា ឆ្នាំ២០២៥ ដែលខ្លឹមសារទាំងនោះបានអនុញ្ញាតឱ្យប្រើប្រាស់ជាបណ្តោះអាសន្ននូវឧបករណ៍នេសាទរួមមាន៖ ១-របាំងលបរ៉ាវប្រវែង២៥០ម៉ែត ក្រឡា០,០៣ម៉ែត្រ; ២-កាណូតអូស ឫរុញលៀសដោយម៉ាស៊ីនកម្លាំង១៨សេះ ក្រឡាឈ្នាង ០,០៣ម៉ែត្រ និងម៉ាស៊ីនរែងលៀសកំលាំង៦សេះ; ៣-ករណីមងរាយក្រឡា០,០២ម៉ែត្រ ប្រវែង២០០ម៉ែត្រ ; ៤-មងអូសដោយដៃ ក្រឡា០,០១៥ម៉ែត្រ ប្រវែង១០០ម៉ែត្រ។
ទន្ទឹងនឹងនោះដែរ កិច្ចប្រជុំពិភាក្សា ក៏ទទួលបាននូវសំណូមពរមួយចំនួនពីប្រជានេសាទ ដោយសារការអនុញ្ញាតនេះគ្រាន់តែជាការសាកល្បងក្នុងអន្តរកាលនេះ ដោយរង់ចាំការណែនាំជាថ្មីម្តងទៀត ក្រោយពេលអនុវត្តរួច និងរង់ចាំច្បាប់ថ្មី ស្តីពីជលផលចូលជាធរមាន ដើម្បីដាក់ឱ្យអនុវត្តជាផ្លូវការ៕
======================
នៅរយៈពេល២ថ្ងៃ គឺថ្ងៃទី២៧-២៨ ខែមីនា ឆ្នាំ២០២៥ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយ លោក អ៊ឹម គឹមលាង អភិបាលរងខេត្តសៀមរាប លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងមេបញ្ជាការប្រចាំការខាងជើងបឹងទន្លេសាបចំណុះឱ្យយោធភូមិភាគ៤ បានចុះជួបសំណេះសំណាលជាមួយប្រជានេសាទសរុបជាង៩០០នាក់ ក្នុងនោះមាន៖ នៅសង្កាត់ចុងឃ្នៀស ក្រុងសៀមរាប អ្នកចូលរួម៥៥០នាក់ ឃុំអន្លង់សំណរ ស្រុកជីក្រែង២៥០នាក់ និងឃុំកំពង់ភ្លុក ស្រុកប្រាសាទបាគង១០៧នាក់។
កិច្ចពិភាក្សាផ្តោតទៅលើជីវភាពប្រជានេសាទតាមរយ:ផលត្រី ការរួមគ្នាថែរក្សា និងជួយអភិរក្សផល ជលផលក្នុងបឹងទន្លេសាបឱ្យមាននិរន្តរភាព និងវឌ្ឍនភាពផលត្រីឱ្យកាន់តែសម្បូរណ៍។ នៅចំពោះមុខអង្គពិធី ឯកឧត្តមអនុរដ្ឋលេខាធិការ បានថ្លែងអំណរគុណដល់ប្រជានេសាទក្នុងភូមិសាស្រ្តស្រុក-ក្រុងទាំងបីដែលតែងតែសហការបានល្អជាមួយមន្រ្តីជំនាញ និងមន្រ្តីពាក់ព័ន្ធ រួមទាំងកម្លាំងអន្តរាគមន៍ដែលឈរជើងនៅបឹងទន្លេសាបប៉ែកខាងជើង។
ក្នុងឱកាសនោះដែរ ឯកឧត្តមក៏បានដកស្រង់យកស្មារតីកិច្ចប្រជុំនៅខេត្តពោធិសាត់ ស្តីពីវឌ្ឍភាពក្នុងការបង្រ្កាបបទល្មើសនេសាទគ្រប់ប្រភេទ កាលពីថ្ងៃទី២៤ ខែមីនា ឆ្នាំ២០២៥ ដែលខ្លឹមសារទាំងនោះបានអនុញ្ញាតឱ្យប្រើប្រាស់ជាបណ្តោះអាសន្ននូវឧបករណ៍នេសាទរួមមាន៖ ១-របាំងលបរ៉ាវប្រវែង២៥០ម៉ែត ក្រឡា០,០៣ម៉ែត្រ; ២-កាណូតអូស ឫរុញលៀសដោយម៉ាស៊ីនកម្លាំង១៨សេះ ក្រឡាឈ្នាង ០,០៣ម៉ែត្រ និងម៉ាស៊ីនរែងលៀសកំលាំង៦សេះ; ៣-ករណីមងរាយក្រឡា០,០២ម៉ែត្រ ប្រវែង២០០ម៉ែត្រ ; ៤-មងអូសដោយដៃ ក្រឡា០,០១៥ម៉ែត្រ ប្រវែង១០០ម៉ែត្រ។
ទន្ទឹងនឹងនោះដែរ កិច្ចប្រជុំពិភាក្សា ក៏ទទួលបាននូវសំណូមពរមួយចំនួនពីប្រជានេសាទ ដោយសារការអនុញ្ញាតនេះគ្រាន់តែជាការសាកល្បងក្នុងអន្តរកាលនេះ ដោយរង់ចាំការណែនាំជាថ្មីម្តងទៀត ក្រោយពេលអនុវត្តរួច និងរង់ចាំច្បាប់ថ្មី ស្តីពីជលផលចូលជាធរមាន ដើម្បីដាក់ឱ្យអនុវត្តជាផ្លូវការ៕
