ព័ត៌មានផ្សេងៗទៀត
ឯកឧត្ដម សុខ វិសាល អនុរដ្ឋលេខាធិការក្រសួងកសិកម្ម អញ្ជើញចូលរួមក្នុងពិធីអបអរសាទរខួបលើកទី៧៥ ទិវាកុមារអន្តរជាតិ០១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ ១២មិថុនា និងទិវាកុមារកម្ពុជាឆ្នាំ២០២៤
ចេញផ្សាយ ០៤ មិថុនា ២០២៤ 1122
នៅថ្ងៃទី០៤ ខែមិថុនា ឆ្នាំ២០២៤ ឯកឧត្ដម សុខ វិសាល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមក្នុងពិធីអបអរសាទរខួបលើកទី៧៥ ទិវាកុមារអន្តរជាតិ០១មិថុនា ខួបលើកទី២៣ ទិវាពិភពលោកប្រឆាំងពលកម្មកុមារ ១២មិថុនា និងទិវាកុមារកម្ពុជាឆ្នាំ២០២៤ ក្រោមប្រធានបទ « រួមគ្នាអនុវត្តការប្តេជ្ញាចិត្ត ដើម្បីបញ្ចប់ទម្រង់ធ្ងន់ធ្ងរនៃពលកម្មកុមារ » ដែលទិវានេះធ្វើឡើងទីស្តីការក្រសួងការងារ និងបណ្តុះបណ្ដាលវិជ្ជាជីវៈ ។
ពិធីនេះប្រព្រឹត្តទៅក្រោម អធិបតីភាព ឯកឧត្ដម ហេង សួរ រដ្ឋមន្រ្តីក្រសួងការងារ និងបណ្តុះបណ្ដាលវិជ្ជាជីវៈ និងជាប្រធានគណៈកម្មាធិការជាតិប្រឆាំងពលកម្មកុមារ។
បន្ទាប់ពីការអានសារលិខិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងចំណាប់អារម្មណ៍របស់តំណាងអង្គការ និយោជក សហជីព រួចមក ឯកឧត្ដម ហេង សួរ រដ្ឋមន្ដ្រីក្រសួងការងារនិងបណ្ដុះបណ្ដាលវិជ្ជាជីវៈ បានថ្លែងសុន្ទរកថាគន្លឹះ សង្កត់ធ្ងន់ទៅលើបញ្ហាប្រឈមថ្មី ដែលមានជនខិលខូចប្រើប្រាស់ក្នុងប្រព័ន្ធ Digital ដើម្បីលួងលោមអូសទាញចាប់ជម្រិតកុមារ ធ្វើឱ្យកុមារក្លាយជាជនរងគ្រោះ។
បើតាមឯកឧត្តមរដ្ឋមន្ដ្រី ហេង សួរ បញ្ហានេះទាមទាឱ្យមានកិច្ចសហការពីអង្គការក្នុងស្រុក NGO និងស្ថាប័នពាក់ព័ន្ធដើម្បីបន្តយន្តការសង្រ្គោះ ប៉ុន្តែបង្កើនយន្តការទប់ស្កាត់៕
