ព័ត៌មានផ្សេងៗទៀត
ការផ្សងប្រផ្នូលក្នុងព្រះរាជពិធីច្រត់ព្រះនង្គ័លពោតនិងសណ្តែកទទួលបានផលល្អ
ចេញផ្សាយ ២២ មករា ២០១៨ 4206
លទ្ឋផលនៃការផ្សងប្រផ្នូរ តាមរយៈគោឧសភរាជ ឲ្យបរិភោគនូវក្នុងព្រៈរាជពិធីតម្រាពីបរមបុរាណ នៅក្នុងឆ្នាំ២០១១នេះបានបង្ហាញថា ពោតនិងសណ្តែកក្នុងឆ្នាំនេះ នឹងទទួលបានផលល្អ។ បន្ទាប់ពីការភ្ជួររាស់ និងសាបព្រោះ ពោត សណ្តែក ល្ង ជានិមិត្តរូប ចំនួន៣ជុំនៅវាលព្រះមេរុរួចមក ក្រុមអ្នករៀបចំពីធីបានដឹកគោឧសភរាជ (គោបារបស់ព្រះមហាក្សត្រ) ចំនួន២ ឲ្យបិភោគវត្ថុទាំង៧យ៉ាងរួមមាន ស្រូវ ពោតសណ្តែក ល្ង ស្មៅ ទឹក និងស្រា។
លទ្ឋផលនៃការផ្សងប្រផ្នូល ត្រូវបានអាចារ្យចាត់ចែងកម្មវិធីថ្វាយ និងជម្រាបជូនអង្គពិធីថាគោឧសភរាជបានបិភោគ ១- ពោតក្នុងឆ្នាំនេះទទួលបានផលល្អប្រសើរ។ ២- សណ្តែកឆ្នាំនេះទទួលផលបានបង្គួរ និង ៣- ស្មៅ បានសេចក្តីថា ឆ្នាំនេះកម្លាំងអូសទាំងឡាយដូចជាគោសេះ និងក្របីនឹងត្រូវប៉ះពាល់ដោយជំងឺរាតត្បាតបន្តិចបន្តួច។
ជាមួយនឹងការប្រមូលលទ្ឋផលទៅប្រផ្នូលដូចច្នេះ អាចារ្យបុរោហិត បានលើកឡើងថា នេះគឺជាការជារផ្សងប្រផ្នូល ទៅតាមទំនៀមទម្លាប់ព្រះនង្គ័ល ដែលមានតាំងពីបុរាណកាលមកប៉ុណ្តោះ ក៏ដូចជាការប្រកាសថា រដូវវប្បបង្គលចូលមកដល់ហើយ។ ដូច្នេះសួមប្រជាកសិករត្រៀមលក្ខណៈសម្បត្តិ ប្រុងប្រៀបរៀបចំការងារបង្កបង្កើនផល ឲ្យបានទទួលនូវទិន្នផលខ្ពស់ ដើម្បីស្ទួយកម្រិតជីវភាពបានល្អប្រពៃ។
សូមបញ្ជក់ថា ការព្យាករណ៏បែបនេះ បានធ្វើឡើងដោយសារតែគោឧសភារាជ បានបិភោគតែពោតច្រើនជាងគេ បន្ទាប់មកសណ្តែត និងស្មៅ ។ ក្រៅពីនោះគោឧសភរាជ មិនបានបរិភោគស្រូវ ល្ង និងផឹកទឹកឬស្រាឡើយ។ ក្នុងព្រះរាជពិធីច្រត់ព្រះនង្គ័លនា ថ្ងៃ៤រោច ខែពិសាខ ត្រូវនឹងថ្ងៃសៅរ៏ ទី២១ ឧសភាឆ្នាំ២០១១នេះ បានប្រារព្ឋឡើងដោយមាន ឯកឧត្តមសាយ ឈុំ អនុប្រធានទី២រដ្ឋសភា និងជាសមាជិកសភាមណ្ឌលខេត្តកំពង់ស្ពឺ ធ្វើជាស្តេចមាឃ។ រីឯលោកជំទាវ កែ ចន្ទមុនី សមាជិករដ្ឋសភាមណ្ឌលកំពង់ឆ្នាំង ត្រូវបានជ្រើសតាំងជាព្រះមេហួ។
ព្រះរាជពិធីប្រចាំឆ្នាំនេះ បានប្រារព្ឋឡើងក្រោមព្រះរាជាធិបតីភាព របស់ព្រះបរមនាថនរោត្តមសីហមុនី ព្រមទាំងប្រធានរដ្ឋសភា សម្តេចហេង សំរិន ថ្នាក់ដឹកនាំសមាជិកព្រឹទ្ឋសភារដ្ឋសភា រាជរដ្ឋាភិបាល ព្រមទាំងប្រជាពលរដ្ឋសិក្សានុសិស្ស និងកម្លាំងនគរបាលជាច្រើនរូប។ ក៏ប៉ុន្តែក្នុងព្រះរាជពិធីច្រត់ព្រះនង្គ័លនោះ មិនមានវត្តមានរបស់សម្តេចនាយករដ្ឋមន្ត្រីហ៊ុនសែន និងជាស៊ីម ប្រធានព្រឹទ្ឋសភាឡើយ។
កាលពីឆ្នាំមុន ព្រះរាជពិធីច្រត់ព្រះនង្គ័ល ត្រូវបានប្ររព្ឋធ្វើនៅទីលានជល់ដំរី ខេត្តសៀមរាប ដោយមានព្រះអង្គម្ចាស់ស៊ីសុវត្ថិវជ្ជរ៉ាវឌ្ឍ និងព្រះអង្គម្ចាស់ក្សត្រីនរោត្តរស្មីផនីតា ជាស្តេចមាឃ និងព្រះមេហូ។ ព្រះរាជពិធីច្រត់ព្រះនង្គ័ល ត្រូវបានរៀបចំប្រារព្ឋឡើងអធិកអធមជារៀងរាល់ឆ្នាំ នៅថ្ងៃ៤រោច ខែពិសាខ។ ព្រះរាជពិធីនេះជាពិធីមង្គលមួយ ដែលព្រះករុណព្រះមហាក្សត្រចាត់ទុកថា ជាការចាប់ផ្តើមប្រកក់ប្រសិទ្ឋ ឲ្យដល់ប្រជាកសិករក្នុងការធ្វើស្រែចំការ នូវរដូវវស្សាឲ្យទទួលបានទិន្នផល។
សម្រាប់ព្រះរាជពិធីច្រត់ព្រះនង្គ័លឆ្នាំនេះ នៅវាលព្រះស្រែក្នុងវាលព្រះមេរុ ក៏មានការតាំងបង្ហាញពិព័រណ៏កសិករ ដែលបានដាក់បង្ហាញផលិតផលកសិកម្ម និងឧស្សាហកម្ម ព្រមទាំងផល និងអនុផលព្រៃឈើរបស់ប្រជាកសិករតាមបណ្តា២៤ខេត្ត-រាជ-ធានីផងដែរ៕
