ព័ត៌មានផ្សេងៗទៀត
ឯកឧត្ដមរដ្ឋលេខាធិការ ឱម គឹមស៊ា អញ្ជើញដឹកនាំក្រុមការងារ ចុះពិនិត្យការប្រមូលផលស្រូវបែបលក្ខណៈគ្រួសារ នៅខេត្តកំពង់ឆ្នាំង
ចេញផ្សាយ ១៩ មករា ២០២៥ 255
នៅថ្ងៃទី១៨ ខែមករា ឆ្នាំ២០២៥ ឯកឧត្ដម ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយ ឯកឧត្តមអនុរដ្ឋលេខាធិការ គង់ ចាន់ លោកប្រធានមន្ទីរ ងិន ហ៊ុន និងសហការីនៃមន្ទីរកសិកម្មខេត្តកំពង់ឆ្នាំង មន្ត្រីកសិកម្មឃុំ កសិកម្មស្រុក អាជ្ញាធរភូមិ-ឃុំ រួមទាំងប្រជាកសិករ បានចុះត្រួតពិនិត្យការប្រមូលផលស្រូវសែនក្រអូប០១របស់កសិករជាលក្ខណៈគ្រួសារ នៅឃុំអភិវឌ្ឍន៍ ស្រុកទឹកផុស និងក្រុងកំពង់ឆ្នាំង។
ដំណើរចុះពិនិត្យនេះ ឯកឧត្ដមរដ្ឋលេខាធិការ បានពាំនាំនូវប្រសាសន៍របស់ឯកឧត្ដមរដ្ឋមន្ត្រី ដែលណែនាំប្រជាកសិករឱ្យចងក្រងគ្នាជាសហគមន៍កសិកម្មទំនើប ដើម្បីប្រមូលផ្ដុំកម្លាំងផលិតទាំងបរិមាណ និងគុណភាពដែលអាចកាត់បន្ថយថ្លៃផលិត ហើយភ្ជាប់ទៅកាន់ទីផ្សារតាមយន្តការផលិតកម្មកសិកម្មតាមកិច្ចសន្យា។
ទន្ទឹមនឹងនោះ ឯកឧត្តមរដ្ឋលេខាធិការ និងសហការី ក៏បានបន្តចុះពិនិត្យដេប៉ូលក់ជី និងថ្នាំកសិកម្ម នៅឃុំពង្រ ស្រុករលាប្អៀរ ខេត្តកំពង់ឆ្នាំងផងដែរ៕
