ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ សៀក ឡេង បានអញ្ជើញបើកវគ្គបណ្តុះបណ្តាលស្តីពី « ការផលិតមាតិកាវីដេអូ ផ្សព្វផ្សាយលើបណ្ដាញសង្គម» ដល់មន្រ្តីពាក់ព័ន្ធ នៅខេត្តឧត្តរមានជ័យ
ចេញផ្សាយ ២៨ ធ្នូ ២០២៤ 302
នារសៀលថ្ងៃទី២៧ ខែធ្នូ ឆ្នាំ២០២៤ នៅមន្ទីរកសិកម្ម រុក្ខាប្រមាញ់ និងនេសាទខេត្តឧត្តរមានជ័យ ឯកឧត្តម សៀក ឡេង អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញបើកវគ្គបណ្តុះបណ្តាលស្តីពី «ការផលិតមាតិកាវីដេអូ ផ្សព្វផ្សាយលើបណ្ដាញសង្គម» ដែលមានសិក្ខាកាមចូលរួមសរុបចំនួន៥៧នាក់ ជាមន្ត្រីមន្ទីរកសិកម្ម រុក្ខាប្រមាញ់និងនេសាទ ខេត្តឧត្តរមានជ័យ មន្ត្រីកសិកម្មឃុំ ទីប្រឹក្សាគម្រោងនៃដៃគូអភិវឌ្ឍន៍ និងសហគមន៍កសិកម្ម។
វគ្គបណ្តុះបណ្តាលធ្វើឡើងក្នុងគោលបំណង បង្កើនការយល់ដឹងអំពីមូលដ្ឋានគ្រឹះក្នុងការថតរូបភាព ឬវីដេអូចាប់ប្លង់ និងណែនាំពីការប្រើប្រាស់កម្មវិធី CapCut ដែលក្នុងគោលដៅមួយគឺរួមគ្នាផ្សព្វផ្សាយ និងចេះផលិតមាតិកាថត និងផលិតវីដេអូផ្សព្វផ្សាយ អំពីការអភិវឌ្ឍក្នុងវិស័យកសិកម្ម៕
