ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញដឹកនាំក្រុមការងារប្រជុំពិនិត្យ និងវាយតម្លៃការងារដំណាំឧស្សាហកម្ម នៅខេត្តប៉ៃលិន
ចេញផ្សាយ ២០ ឧសភា ២០២៥ 850
នៅថ្ងៃទី១៩ ខែឧសភា ឆ្នាំ២០២៥ ឯកឧត្តម ឈុំ ឆុនលី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារក្រោមឱវាទមន្ទីរកសិកម្ម រុក្ខាប្រមាញ់ និងនេសាទ ខេត្តប៉ៃលិន ដើម្បីចុះពិនិត្យ និងវាយតម្លៃផលិតកម្មដំណាំឧស្សាហកម្មនៅក្នុងខេត្ត។
នាឱកាសនោះ ឯកឧត្តមអនុរដ្ឋលេខាធិការ បានគូសបញ្ជាក់ថា ដោយអនុលោមតាមគោលនយោបាយរបស់រាជរដ្ឋាភិបាល ប្រធានមន្ទីរកសិកម្មខេត្តប៉ៃលិន បាននឹងកំពុងតែកៀរគរកសិករឱ្យរួមគ្នាបង្កើតសហគមន៍កសិកម្មទំនើបក្នុងពេលឆាប់ៗខាងមុខនេះ។ ក្រោយពេលកសិករចងក្រងជាសហគមន៍កសិកម្មទំនើបហើយ ឯកឧត្តមសង្ឃឹមថាដំណាំឧស្សាហកម្ម និងតម្លៃទីផ្សារដំណាំឧស្សាហកម្មនៅខេត្តប៉ៃលិនកាន់តែមានភាពល្អប្រសើរឡើង។
សូមបញ្ជាក់ថា ខេត្តប៉ៃលិនមានផ្ទៃដីសរុបចំនួន ១១៩៤.៦១ គីឡូម៉ែត្រការ៉េ ដែលផ្ទៃដីកសិកម្មមាន ៤៥.៨០០ហិកតា ផ្ទៃដីអនុវត្តដាំបានមាន៨០.០០០ ហិកតា (ធ្វើ២ដង)។ ក្នុងនោះដំណាំស្វាយចន្ទីមាន ២.២០០ហិកតា ទទួលបានផល១,៥ តោន/១ហិកតា។
ជាមួយគ្នានោះដែរ ផ្ទៃដីដាំដំឡូងមីមានចំនួន ៤៤.០០ហិកតា ទទួលបរិមាណផលប្រហែល ១.០០០ .០០០ តោន(មួយលានតោន)ចំណែកមៀនប៉ៃលិនវិញ មានផ្ទៃដី ៤.៩០០ ហិកតា ដែលអាចទទួលបរិមាណផលបាន ៣.៥១០ តោន៕
