ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ប៉ែន ផល្លីកា អញ្ជើញដឹកនាំក្រុមការងារចុះល្បាត និងផ្សព្វផ្សាយបទល្មើសជលផល ក្នុងភូមិសាស្ត្រមួយចំនួន នៅខេត្តសៀមរាប
ចេញផ្សាយ ០៤ មករា ២០២៥ 239
នៅថ្ងៃទី០៣ ខែមករា ឆ្នាំ២០២៥ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោក កើត គា នាយអធិការរដ្ឋបាលជលផលខាងជើងបឹងទន្លេសាប និងសហការី លោក ខា អ៊ីត អនុប្រធានការិយាល័យវិវាទកម្ម នៃរដ្ឋបាលជលផល បានចុះសំណេះសំណាល និងថ្លែងអំណរគុណ ដល់កងកម្លាំងរាជអាវុធហត្ថលើផ្ទៃប្រទេស ដែលដឹកនាំដោយលោកវរសេនីយ៍ឯក ស៊ិន លី មេបញ្ជាការស្ដីទី កងរាជអាវុធហត្ថ តំណាងលោកឧតុ្តមសេនីយ៍ត្រី សៀ ទីន ដែលមានកម្លាំងសរុបចំនួន១៣នាក់ ជាកម្លាំងដែលមកពីបញ្ជាការដ្ឋានកងរាជអាវុធ ក្រុងសៀមរាប ក្រុងរុនតាឯក និងស្រុកប្រាសាទបាគង ខេត្តសៀមរាប ។
បន្ទាប់ពីកិច្ចសំណេះសំណាល ឯកឧត្តមអនុរដ្ឋលេខាធិការ បានបន្តដឹកនាំកម្លាំងចម្រុះថ្នាក់ជាតិ ចុះទប់ស្កាត់ និងបង្រ្កាបបទល្មើសជលផលបឹងទន្លេសាប ប្រចាំការស្នាក់ការកំពង់ភ្លុក ចុះត្រួតពិនិត្យនិងបង្រ្កាបបទល្មើសនៅកន្លែងអភិរក្សជលផលកំពង់ភ្លុក និងកន្លែងអភិរក្សជលផលឡូត៍លេខ៤ ជាលទ្ធផល ពុំបានជួបប្រទះឃើញមានការលួចធ្វើនេសាទ នៅក្នុងកន្លែងអភិរក្សជលផលទាំងនោះទេ ៕
