របាយការណ៏ប្រចាំខែ៨.២០១៨​ របស់នាយកដ្ឋានកិច្ចការរដ្ឋបាល

ចេញ​ផ្សាយ​ ២៧ សីហា ២០១៨ 18333

ព្រះរាជាណាចក្រកម្ពុជា

ជាតិ សាសនា ព្រះមហាក្សត្រ

3

​​​នាយកដ្ឋានកិច្ចការរដ្ឋបាល​

     ការិយាល័យរដ្ឋបាល     

លេខៈ                                ករប                                                                                              ​​​​  ថ្ងៃ           ខែស្រាពណ៏ ឆ្នាំច សំរឹទ្ធិស័ក ព.ស២៥៦២

                                                                                                            រាជ​ធានីភ្នំពេញ ថ្ងៃទី                ខែសីហា ឆ្នាំ២០១៨

សូមគោ​រពជូន

លោកប្រធាននាយកដ្ឋានកិច្ចការរដ្ឋបាល

កម្មវត្ថុ៖ ​​របាយការណ៍ស្តីពីសកម្មភាពការងារប្រចាំខែសីហា ឆ្នាំ២០១៨។

        សេចក្តីដូចមានក្នុងកម្មវត្ថុខាងលើ ខ្ញុំសូមជម្រាបជូន លោកប្រធាន មេត្តាជ្រាបថា អនុវត្តតាមកម្មវិធី​នយោបាយ​របស់រាជរដ្ឋាភិបាល និង​ទិសដៅ​ការងារ​របស់​ក្រសួងកសិកម្ម រុក្ខាប្រមាញ់ និងនេសាទ ការិយាល័យ​រដ្ឋបាលបានខិតខំបំពេញតួនាទីយ៉ាងសកម្ម ដោយបានប្រមូលផ្តុំកម្លាំង​មន្រ្តីរាជការ​បំពេញ​ការងារប្រកបដោយការ​យក​ចិត្ត​ទុក​ដាក់​ជា​​សំខាន់​លើផ្នែក​គ្រប់គ្រង​លិខិតចេញ-ចូល ផលិតឯកសារ រៀបចំឯកសារ បញ្ជូនលិខិត ផ្សព្វផ្សាយ​ច្បាប់ និងគោលការណ៍​ផ្សេងៗរបស់ក្រសួងកសិកម្ម រុក្ខាប្រមាញ់ និងនេសាទដោយ​ទទួលបាន​លទ្ធផល​ដូចខាងក្រោម៖

១-ការងាររដ្ឋបាលនិងរបៀប

ក/ផ្នែកទទួលលិខិតចូល

- ទទួលពីក្រសួងផ្សេងៗ ស្ថាប័ននានាបានចំនួន ២ ៣៦១ច្បាប់ ក្នុងនោះខែសីហា មានចំនួន ៣៨៤ច្បាប់

- ទទួលពីអង្គភាពក្រោមឱវាទបានចំនួន ២ ៥៤៤ច្បាប់ ក្នុងនោះខែសីហា មានចំនួន ៥០៩ច្បាប់

- ទទួលពីរាជធានី ខេត្តបានចំនួន ១ ០៧២ច្បាប់ ក្នុងនោះខែសីហា មានចំនួន ២៨៥ច្បាប់

ខ/ផ្នែកចរន្ត និងផលិតឯកសារ

ក្រោយពីទទួលបានលិខិតចូលពីក្រសួង ស្ថាប័ន និងអង្គភាពក្រោមឱវាទរួចការិយាល័យរដ្ឋបាលបាន​ចាត់ចែង​ដូចខាងក្រោម៖

- រៀបចំចាត់ចែងក្នុងក្រសួង (ដីការអម លិខិត និងចម្លងជូន)

- ឆ្លើយតបទៅស្ថាប័ន និងក្រសួងនានា

- កំពុងចរន្តបន្ត និងព្រាងលិខិត

- បញ្ជូនទៅតាមអង្គភាពអមទីស្តីការក្រសួងដើម្បីចាត់ការបន្ត

- ពិនិត្យផ្តល់យោបល់ជូនថ្នាក់ដឹកនាំ

- សម្របសម្រួលសុំយោបល់អគ្គលេខាធិការដ្ឋាន និងថ្នាក់ដឹកនាំ

- រៀបចំជាលិខិតឆ្លើយតបទៅក្រសួង ស្ថាប័ន និងអង្គភាពផ្សេងតាមការសម្រេចរបស់ឯកឧត្តមរដ្ឋមន្រ្តី

- សម្របសម្រួលដល់ការចូលរួមប្រជុំរបស់អង្គភាពក្រោមឱវាទ និងថ្នាក់ដឹកនាំ

- រៀបលិខិតអញ្ជើញប្រជុំជូនថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ

- រៀបចំលិខិតជូនពរ និងប្រកាសព័ត៌មានផ្សេងៗពាក់ព័ន្ធនឹងវិស័យកសិកម្ម

- រៀបលិខិតបញ្ជាបេសកម្មជូនថ្នាក់ដឹកនាំ អង្គភាពក្រោមឱវាទក្រសួងកសិកម្ម រុក្ខាប្រមាញ់ និងនេសាទ និងក្រុមការងារផ្សេងៗ ដែលដឹកនាំដោយក្រសួងកសិកម្ម រុក្ខាប្រមាញ់ និងនេសាទ

- ផ្សព្វផ្សាយសេចក្ដីជូនដំណឹង សារាចរ និងសេចក្ដីណែនាំរបស់រាជរដ្ឋាភិបាលដល់ថ្នាក់ដឹកនាំក្រសួង​ កសិកម្ម រុក្ខាប្រមាញ់ និងនេសាទ និងអង្គភាពក្រោមឱវាទ

- សម្របសម្រួលរៀបចំសុន្ទរកថាជូនថ្នាក់ដឹកនាំ។

គ/ផ្នែកចុះលិខិតចេញ

- បញ្ជូនទៅក្រសួងស្ថាប័នផ្សេងៗ អង្គភាពក្រោមឱវាទ និងរាជធានី-ខេត្ត ចំនួន៨ ២៣១ច្បាប់ ក្នុងនោះ​ខែសីហា មានចំនួន១ ៦៨៧ច្បាប់

- លិខិតចម្លងចំនួន១៥៥ច្បាប់ ក្នុងនោះខែសីហា មានចំនួន៣៣ច្បាប់

- សេចក្តីសម្រេច និងប្រកាសមានចំនួន៣៤៥ច្បាប់ ក្នុងនោះខែសីហា មានចំនួន៧៦ច្បាប់។

ឃ/ផ្នែកកុំព្យូរទ័រ និងម៉ាស៊ីនថតចម្លង

- ម៉ាស៊ីនកុំព្យូទ័រនៅការិយាល័យរដ្ឋបាលអាចដំណើការបានចំនួន១០គ្រឿង

- ម៉ាស៊ីនថតចម្លងមានចំនួន០១គ្រឿង។

ង/ផ្នែកសរុប

- ចូលរួមធ្វើកំណត់ហេតុក្នុងកិច្ចប្រជុំអន្តរនាយកដ្ឋាននានាតាមការចាត់តាំងរបស់ថ្នាក់ដឹកនាំក្រសួងកសិកម្ម

រុក្ខាប្រមាញ់ និងនេសាទ និងក្រុមការងារផ្សេងៗ

- បានធ្វើការបូកសរុបរបាយការណ៍ប្រចាំខែ ឆមាស និងឆ្នាំ ​របស់ក្រសួងយ៉ាងទៀងទាត់ និងបញ្ជូនទៅ​ តាមគោលដៅបានទាន់ពេលវេលា។

២. បញ្ហាប្រឈម

- អង្គភាពក្រោមឱវាទមួយចំនួនផ្ញើររបាយការណ៍មកយឺតយ៉ាវជាហេតុធ្វើឱ្យការិយាល័យរដ្ឋបាលពិបាក

រៀបចំរបាយការណ៍សម្រាប់ក្រសួង

- ខ្វះការសហការពីអង្គភាពមួយចំនួនលើការចរាចរលិខិតដែលត្រូវចាត់ការបន្ទាន់

- អង្គភាពមួយចំនួនពុំមានមន្រ្តីប្រចាំការនៅតាមការិយាល័យរដ្ឋបាល

- ក្រុមការងារមួយចំនួនដែលមានសមាសភាពចូលរួមពីអង្គភាពពាក់ព័ន្ធគ្រប់គ្រាន់ហើយនៅតែប្រគល់

ការងារដល់ការិយាល័យរដ្ឋបាលមុខការជំនួស

- ម៉ាស៊ីនហ្វូតូកូពីតូច ពិបាកក្នុងការថតចម្លងឯកសារមិនទាន់ពេលវេលាឆាប់ខូច ព្រោះឯកសារដែលត្រូវថត

ចម្លងមានចំនួនច្រើនលើសលុប

- ខ្វះសម្ភារការិយាល័យមួយចំនួនដូចជា តុ ទូឯកសារ កៅអីកុំព្យូរទ័រនិងសម្ភារៈប្រើប្រាស់ក្នុងការិយាល័យ

- សំណើសុំជួសជុលផ្សេងៗបានដោះស្រាយយឺតយ៉ាវ

- ការិយាល័យមួយចំនួនពុំបានផ្ញើរបាយការណ៍ដល់ការិយាល័យដើម្បីសរុប

- នៅតាមអង្គភាពមួយចំនួនបានយកលិខិតប្រជុំមកទុកនៅការិយាល័យរដ្ឋបាលឱ្យផ្ញើជូន។

៣.សំណូមពរ

- ជួយជំរុញដល់ការស្នើសុំជួសជុល កុំព្យូរទ័រ និងម៉ាស៊ីនថតចម្លងឱ្យបានរហ័សទាន់ពេលវេលា

- ស្នើសុំតុ ទូឯកសារ និងកៅអីបន្ថែម។​

៤-សេចក្តីសន្និដ្ឋាន

សរុបមកក្នុងខែសីហា ឆ្នាំ២០១៨នេះក្រោមការដឹកនាំ ណែនាំរបស់លោកប្រធាននាយកដ្ឋានកិច្ចការ​រដ្ឋបាល រួមផ្សំនឹងការយកចិត្តទុកដាក់​របស់មន្រ្តីរាជការ​គ្រប់លំដាប់​ថ្នាក់ក្នុង​ការិយាល័យ​រដ្ឋបាល បានធ្វើឱ្យការិយាល័យ​​​​រដ្ឋបាលសម្រេចបាននូវស្នាដៃជាច្រើនក្នុងការងាររបស់ខ្លួន។ ទន្ទឹមនឹងលទ្ធផលសម្រេចបាននេះក៏នៅមាន​ការ​ខ្វះ​ខាត និងអសកម្ម​ដោយ​ស្ថានភាព​ការងារនៅក្នុងការិយាល័យរដ្ឋបាលមានការមមាញឹកច្រើនហើយលទ្ធភាព និង​ធនធាន​មនុស្ស​នៅមានកម្រិតការផ្តល់ឧបករណ៍​សម្រាប់បម្រើការងារ​ផលិតឯកសារនៅ​មានការ​ខ្វះខាត និងមិនទាន់​បានផ្តល់​តាមសំណូមពរនៅឡើយ។

                   អាស្រ័យដូចបានជម្រាបជូនខាងលើ សូម ​លោកប្រធាន មេត្តាជ្រាប​និងផ្តល់នូវអនុសាសន៍​ណែនាំ​ដោយ​ក្តីអនុគ្រោះ។

                   សូម លោកប្រធាន​ មេត្តាទទួលនូវសេចក្តីគោរពដ៏ខ្ពង់ខ្ពស់អំពីខ្ញុំបាទ។

                                                                                                                       ប្រធានការិយាល័យរដ្ឋបាល