ព័ត៌មានផ្សេងៗទៀត
ខណ្ឌរដ្ឋបាលជលផលខេត្តពោធិ៍សាត់ សហការជាមួយ កម្លាំង សមត្ថកិច្ចពាក់ព័ន្ធ ចុះប្រតិបត្តិការបង្រ្កាបបទល្មើសនៅចំណុចព្រែកទាល់លិច ភូមិក្អមសំណរ ឃុំមេទឹក ស្រុកបាកាន ខេត្តពោធិ៍សាត់
ចេញផ្សាយ ២០ មីនា ២០២៤ 3213
នៅថ្ងៃទី២០ ខែមីនា ឆ្នាំ២០២៤ កម្លាំងផ្នែករដ្ឋបាល ជលផលរាំងទិល ដោយមានកិច្ចសហការជាមួយ កម្លាំង យោធាខេត្ត កងកម្លាំងរាជអាវុធហត្ថខេត្តពោធិ៍សាត់ បានចេញល្បាតទប់ស្កាត់ការបង្ក្រាបបទល្មើសជលផល ស្ថិតនៅចំណុច ព្រែកទាល់លិច ភូមិក្អមសំណរ ឃុំមេទឹក ស្រុកបាកាន ខេត្តពោធិ៍សាត់ ដោយបានប្រើមធ្យោបាយ មានកាណូត០១គ្រឿង និងកងកម្លាំងសមត្ថកិច្ច ពាក់ព័ន្ធសរុប០៤នាក់ បានប្រទះឃើញជនសង្ស័យកំពុងធ្វើសកម្មភាពនេសាទដោយប្រើប្រាស់ឧបករណ៏ឆក់។
ជាលទ្ធផល កម្លាំងសមត្ថកិច្ចបានបង្ក្រាបបទល្មើស នេសាទបាន០១ករណី ដែលនេសាទដោយឧបករណ៏ឆក់ ប៉ុន្តែជនសង្ស័យពេលឃើញសមត្ថកិច្ចក៏បានទម្លាក់ចោលឧបករណ៏ឆក់ត្រីនៅនឹងកន្លែងហើយរត់គេចខ្លួនបាត់។
បន្ទាប់មកក្រុមកម្លាំងចម្រុះបានរឹបអូសយកវត្ថុតាង មករក្សាទុកនៅផ្នែករដ្ឋបាលជលផលរាំងទិលដើម្បីស្រាវជ្រាវកំណត់មុខសញ្ញាជនសង្ស័យ និងធ្វើសំណុំរឿងតាមនីតិវិធីច្បាប់ស្តីពីជលផល ។ ចំពោះវត្ថុតាងរួមមាន ក្បាលឆក់ (អាំងវ៉ែកទ័រ)០៤គ្រឿង អាគុយ៤០អំពែរ ១២ វ៉ុល០៤គ្រឿង និងដងឆក់០៤គូ៕
