ឯកឧត្ដម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីចែកគោពូជជូនប្រជាកសិករក្រីក្រចំនួន៦៤គ្រួសារ

ចេញ​ផ្សាយ​ ០៧ វិច្ឆិកា ២០១៨ 3224

នៅភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំនាព្រឹកថ្ងៃពុធ ១៤រោច ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែវិច្ឆិកា ឆ្នាំ២០១៨ ឯកឧត្ដម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីចែកគោពូជជូនប្រជាកសិករក្រីក្រចំនួន៦៤គ្រួសារ ដើម្បីយកទៅចិញ្ចឹម ដែលគោពូជទាំងអស់ជាអំណោយរបស់អង្គការ Muslim Aid។ ឯកឧត្តមឈួរ ច័ន្ទឌឿន អភិបាលនៃគណៈអភិបាលខេត្តកំពង់ឆ្នាំ ឯកឧត្ដម លោកជំទាវថ្នាក់ដឹកនាំក្រសួង លោកខៃ រ៉ូលហាហ្វីស នាយកអង្គការ Muslim Aid សមាជិក សមាជិកានិងបងប្អូនប្រជាពលរដ្ឋអ្នកទទួលផលក៏បានអញ្ជើញចូលរួមយ៉ាងច្រើនកុះករ។ ក្នុងឱកាសនោះ ឯកឧត្តមរដ្ឋមន្រ្តី ព្រមទាំងថ្នាក់ដឹកនាំក្រសួង និងឯកឧត្តមអភិបាលខេត្ត បានពាំនាំនូវការផ្តាំផ្ញើសួរសុខទុក្ខ និងការនឹករឭកដ៏ជ្រាលជ្រៅពីសំណាក់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិតប៊ុនរ៉ានី ហ៊ុន សែន ដែលសម្តេចទាំងពីរសូមជូនពរបវរប្រសើរចំពោះឯកឧត្តម លោកជំទាវ លោក លោកស្រី មន្ត្រីរាជការ និងបងប្អូនជនរួមជាតិទាំងអស់សូមទទួលនូវពរជ័យទាំងបួនប្រការកុំបីឃ្លៀងឃ្លាតឡើយ។
យោងតាមសេចក្តីរាយការណ៍របស់ អង្គការ Muslim Aid បានបញ្ជាក់ឲ្យដឹងថាគម្រោងរបស់អង្គការ Muslim Aid នៅកម្ពុជា បានចាប់ដំណើរសកម្មភាពរបស់ខ្លួនចាប់តាំងពីឆ្នាំ២០០៧មកម៉្លេះ ។ ដោយឡែកចំពោះគម្រោងកម្មវិធីចែកគោនាថ្ងៃនេះ គឺជាគម្រោងកម្មវិធីថ្មី ដែលមានរយៈពេល៣ឆ្នាំ គឺ២០១៨-២០២១ ដែលត្រូវអនុវត្តក្នុងភូមិចំនួន៣០ ក្នុងស្រុកកំពង់ត្រឡាច នោងស្រុករលាប្អៀរ និងក្រុងកំពង់ឆ្នាំង ខេត្តកំពង់ឆ្នាំង ដែលមានកសិករក្រីក្រចំនួន ៦០៥ គ្រួសារននឺងទទួលផលពីគម្រោងដោយត្រង់ និងដោយប្រយោលប្រមាណ ៤៩១៥០ គ្រួសារ។ ការចែកគោជូនប្រជាជននាថ្ងៃនេះគឺជាកម្មវិធីទី២ ដែលចែកគោជូនចំនួន១២៨ ក្បាល ជូនប្រជាជនចំនួន៦៤គ្រួសារ ដោយគ្រួសារនីមួយៗទទួលបានគោពីរក្បាល ញីមួយ និងឈ្នោលមួយ (ចែកជូន១ក្បាល និង១ក្បាលទៀតធ្វើការប្រវ៉ាស់គ្នា) ដោយឡែកកម្មវិធីទី១ គឺបានប្រព្រឹត្យនៅថ្ងៃទី២៨ ខែកញ្ញា ឆ្នាំ២០១៨ កន្លងទៅ ដែលបានចែកគោចំនួន ១១២ក្បាល ជូនប្រជាកសិករក្រីក្រចំនួន ៥៦គ្រួសារ មកពី១២ភូមិ ក្នុង៤ឃុំ ក្នុងស្រុកកំពង់ត្រឡាច ក្រោមអធិបតីភាពលោកជំទាវ ហោ ម៉ាលីន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ ហើយក្នុងអំឡុងខែធ្នូខាងមុខ អង្គការ នឹងធ្វើការបែងចែក៤០ គ្រួសារបន្ថែមថែមទៀត សរុបទាំង ៣លើកមានចំនួន១៦០គ្រួសារ។ បើយោងតាមលក្ខខ័ណ្ឌរបស់អង្គការនេះ ការចែកជូនគោជូនប្រជាកសិករគឺបានផ្តល់អាទិភាពទៅលើ៖១/ស្រ្តីដឹកនាំគ្រួសារមានលទ្ធភាពតិចតួចក្នុងការទទួលបានទ្រព្យសម្បត្តិ ២/គ្រួសារមានជនពិការនិងត្រូវចុះឈ្មោះជាជនក្រីក្រ
៣/គ្រួសាររបស់ជនជាតិដើមភាគស 
៤/គ្រួសារមានជនជាតិភាគតិចដែលមានទ្រព្យសម្បត្តិតិចតួច ជាជនជាតិខ្មែរឥស្លាម។ តាមការបញ្ជាក់របស់លោកនាយកអង្គការនេះឲ្យដឹងថាមុនចែកជូនគោយកទៅ ចិញ្ចឹមអង្គការនេះបានធ្វើការបណ្តុះបណ្តាលបច្ចេកទេសជាមូលដ្ឋានដល់ប្រជាកសិករដើម្បីធានាថាពួកគាត់ចេះមើលថែរក្សាសត្វបានល្អទាំងការផ្តល់ចំណី ការការពារ និងព្យាបាលជំងឺ។ 
នាឱកាសនេះ ឯកឧត្តមរដ្ឋមន្រ្តីបានថ្លែងនូវការកោតសរសើរនិង អំណរគុណ និងបានវាយតម្លៃយ៉ាងខ្ពស់ចំពោះអង្គការ Muslim Aid ដែលបានផ្តល់ជំនួយសប្បុរសជាពូជគោដល់ប្រជាកសិករក្រីក្រ និងបានស្នើសុំអង្គការពិនិត្យលទ្ធភាពពង្រីកកម្មវិធីគម្រោងឲ្យបានច្រើនបន្ថែមទៀតនៅតាមតំបន់ ឬខេត្តមានបងប្អូនជនជាតិឥស្ថាមរស់នៅច្រើនប្រយោជន៍ដើម្បីកាត់បន្ថយភាពក្រីក្រ និងបានសំណូមពរឲ្យបងប្អូនប្រជាកសិករដែលទទួលបានគោនាថ្ងៃនេះ សូមយកចិត្តទុកដាក់មើលថែរក្សា គង់វង្ស និងទទួលបានការរីកចម្រើនបានល្អប្រសើរដើម្បីជាប្រយោជន៍ក្នុងការបង្កើនប្រាក់ចំណូលក្នុងគ្រួសារ ។ ទន្ទឹមនឹងនេះបានស្នើដល់ មន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំងឲ្យបន្តយកចិត្តទុកដាក់ខ្ពស់ក្នុងការជួយឧបត្ថម្ភផ្តល់សេវាបច្ចេកទេស លើការថែទាំសុខភាពសត្វ និងការបង្កាត់ពូជសិប្បនិមិត្តជូនដល់ប្រជាកសិករដែលទទួលបានគោនាថ្ងៃនេះ ដើម្បីលើកកម្ពស់ក្នុងការបង្កើនចំណូលរបស់កសិករបន្ថែមទៀត ហើយទន្ទឹមនឹងនេះ ឯកឧត្តម ។បានស្នើសុំអង្គការពិនិត្យលទ្ធភាពពង្រីកកម្មវិធីគម្រោងឲ្យបានច្រើនបន្ថែមទៀតទៅកាន់តំបន់ផ្សេងទៀត។

ព័ត៌មានផ្សេងៗទៀត
ចេញ​ផ្សាយ​ ០៦ មីនា ២០២៥ 158

ឯកឧត្តមរដ្ឋលេខាធិការ​ អុឹម​ សុីថុល​ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី​ ឌិត​ ទីណា​ ទទួលជួបសម្តែងការគួរសម​ និងអញ្ជេីញជាអធិបតីក្នុងពិធីចុះហត្ថលេខាលេីអនុស្សរណៈនៃការយោគយល់គ្នាជាមួយក្រសួងកសិកម្ម​គុយបា

នៅព្រឹកថ្ងៃទី០៦ ខែមីនា ឆ្នាំ២០២៥ ឯកឧត្តម អុឹម ស៊ីថុល រដ្ឋលេខាធិការប្រចាំការ​ និងជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី​ ឌិត​ ទីណា​ បានទទួលជួបសម្តែងការគួរសម​ជាមួយលោកជំទាវ...
ចេញ​ផ្សាយ​ ០៥ មីនា ២០២៥ 286

ឯកឧត្ដមអនុរដ្ឋលេខាធិការ ឡឹក សុធារ អញ្ជើញចុះពិនិត្យការអនុវត្ត:កម្មវិធី «ផ្ដល់អាហារតាមសាលារៀនដោយប្រើប្រាស់​កសិផល​ក្នុងសហគមន៍» នៅស្រុកទឹកផុស ខេត្តកំពង់ឆ្នាំង

នៅថ្ងៃទី០៤ ខែមីនា ឆ្នាំ២០២៥ ឯកឧត្ដម ឡឹក សុធារ អនុរដ្ឋ​លេខា​ធិការ ក្រសួងកសិកម្ម រុក្ខាប្រមាញ់ និងនេសាទ អមដំណើរដោយ​ជនបង្គោល​ថ្នាក់​ខេត្ត និងមន្រ្តីកសិកម្មឃុំ ក្នុងស្រុកទឹកផុស...
ចេញ​ផ្សាយ​ ០៥ មីនា ២០២៥ 253

ឯកឧត្តមបណ្ឌិតរដ្ឋលេខាធិការ យ៉ង សាំងកុមារ បន្តដឹកនាំកិច្ចប្រជុំ​តម្រង់​ទិស ដល់មន្ត្រីកសិកម្មឃុំចាស់-ថ្មី ដែលដាក់ពង្រាយនៅក្នុង​ខេត្តកំពង់ឆ្នាំង

នៅព្រឹកថ្ងៃទី០៥ ខែមីនា ឆ្នាំ២០២៥ ឯកឧត្តមបណ្ឌិត យ៉ង សាំងកុមារ រដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ បន្តដឹកនាំកិច្ច​ប្រជុំ​​តម្រង់​ទិសដល់មន្ត្រីកសិកម្មឃុំចាស់-ថ្មី...
ចេញ​ផ្សាយ​ ០៥ មីនា ២០២៥ 239

ពិធីសំណេះសំណាលជាមួយអាជីវករលក់ជី និងថ្នាំកសិកម្មក្នុងខេត្តព្រៃវែង

អាជីវករលក់ជី និងថ្នាំកសិកម្មក្នុងខេត្តព្រៃវែង យល់ច្បាស់អំពីតួនាទី និងសារ:សំខាន់នៃការចូលរួមជួយផ្សព្វផ្សាយគាំទ្រដល់ប្រជាកសិករ និងវិស័យកសិកម្ម តាមរយ:ពិធីសំណេះសំណាលជាមួយថ្នាក់ដឹកនាំក្រសួងកសិកម្ម...
ចេញ​ផ្សាយ​ ០៤ មីនា ២០២៥ 303

ឯកឧត្តមអនុរដ្ឋលេខាធិការ សៀក ឡេង អញ្ជើញជួបតំណាងក្រុមហ៊ុន Branch of Guud (International) Pte Ltd (GUUD) ដែលមានឯកទេសក្នុងការរៀបចំអភិវឌ្ឍប្រព័ន្ធគ្រប់គ្រងទិន្នន័យ និងលំហូរការងារ

នៅថ្ងៃទី៤ ខែមីនាឆ្នាំ២០២៥ ឯកឧត្តម សៀក ឡេង អនុរដ្ឋលេខាធិការទទួលបន្ទុកការងារឌីជីថល នៃក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួបតំណាងក្រុមហ៊ុន GUUD ដើម្បីស្តាប់បទបង្ហាញអំពីការរៀបចំអភិវឌ្ឍប្រព័ន្ធ/កម្មវិធីសម្រាប់គ្រប់គ្រងទិន្នន័យ...
ចេញ​ផ្សាយ​ ០៤ មីនា ២០២៥ 285

ឯកឧត្តមអនុរដ្ឋលេខាធិការ ទឹម បូរក្ស អញ្ជើញចូលរួមប្រជុំអន្តរក្រសួងចង្អៀតពិនិត្យ និងពិភាក្សាលើសំណើសុំបន្តនីតិវីធីផ្តល់សិទ្ធិប្រទាន លើកិច្ចព្រមព្រៀងអភិរក្ស និងប្រើប្រាស់ជីវៈចម្រុះសមុទ្រ នៅទីស្តីការគណៈរដ្ឋមន្ត្រី

នៅថ្ងៃទី៣ ខែមីនា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមប្រជុំអន្តរក្រសួងចង្អៀតពិនិត្យ និងពិភាក្សាចុះហត្ថលេខា...
ចេញ​ផ្សាយ​ ០៤ មីនា ២០២៥ 316

ឯកឧត្តមឧបនាយករដ្ឋមន្រ្តី​​ ហ៊ុន​ ម៉ានី​ អញ្ជើញជាគណៈអធិបតីក្នុងសិក្ខាសាលា​ ស្តីពី «ការពិនិត្យឡើងវិញ ការវិភាគមុខងារនិងរចនាសម្ព័ន្ធ នៃក្រសួងកសិកម្ម រុក្ខាប្រមាញ់ និងនេសាទ»

នៅរសៀលថ្ងៃទី០៣ ខែមីនា ឆ្នាំ២០២៥ ឯកឧត្តម​ ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានអញ្ជើញជាគណៈអធិបតីក្នុងសិក្ខាសាលា​ ស្តីពី «ការពិនិត្យឡើងវិញ...
ចេញ​ផ្សាយ​ ០៣ មីនា ២០២៥ 360

ឯកឧត្តមរដ្ឋលេខាធិការ ឃុន សាវឿន អញ្ជើញដឹកនាំក្រុមការងារចុះពិនិត្យកសិដ្ឋានចិញ្ចឹមសត្វ និងស្ថានភាពដំណាំស្រូវ ក្រោយការជួយអន្តរាគមន៍ទឹកជួយសង្រ្គោះស្រូវ នៅខេត្តសៀមរាប

ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានដឹកនាំមន្ត្រីជំនាញចុះពិនិត្យកសិដ្ឋានចិញ្ចឹមជ្រូករបស់លោក...
ចេញ​ផ្សាយ​ ០៣ មីនា ២០២៥ 387

អបអរសាទរ ទិវាវប្បធម៌ជាតិ ៣មីនា លើកទី២៧ ឆ្នាំ២០២៥ ក្រោមប្រធានបទ «យុវជនដើម្បីវប្បធម៌ជាតិ»

អបអរសាទរ ទិវាវប្បធម៌ជាតិ ៣មីនា លើកទី២៧ ឆ្នាំ២០២៥ ក្រោមប្រធានបទ «យុវជនដើម្បីវប្បធម៌ជាតិ»
ចេញ​ផ្សាយ​ ០២ មីនា ២០២៥ 419

អាជីវករលក់ជី និងថ្នាំកសិកម្មខេត្តស្វាយរៀង បានទទួលព័ត៌មាន​ និងចំណេះដឹងច្រេីនពីកម្មវិធីសំណេះសំណាល

អាជីវករលក់ជី និងថ្នាំកសិកម្មនៅខេត្តស្វាយរៀង យល់ឃេីញថា​ កិច្ចសំណេះសំណាលជាមួយថ្នាក់ដឹកនាំក្រសួងកសិកម្ម រដ្ឋបាលខេត្ត​ និងមន្ទីរកសិកម្ម ពិតជាមានអត្ថប្រយោជន៍​ និងទទួលបានព័ត៌មាន​...
ចេញ​ផ្សាយ​ ០១ មីនា ២០២៥ 503

ឯកឧត្តមអនុរដ្ឋលេខាធិការ ឡោ រស្មី អញ្ជើញជួបសំណេះសំណាលជាមួយអាជីវករលក់ជី និងថ្នាំកសិកម្មនៅក្នុងខេត្តត្បូងឃ្មុំ និងខេត្តកំពង់ចាម

នៅថ្ងៃទី២៨ ខែកុម្ភៈ ឆ្នាំ២០២៥ ឯកឧត្ដម ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមាន​ចូលរួម​ពី​អភិបាលរងនៃគណៈអភិបាលខេត្ត មន្ទីរកសិកម្មទាំងពីរខេត្ត...
ចេញ​ផ្សាយ​ ០១ មីនា ២០២៥ 509

ឯកឧត្តមបណ្ឌិតរដ្ឋលេខាធិការ យ៉ង សាំងកុមារ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី អញ្ជើញដឹកនាំក្រុមការងារចូលរួមកម្មវិធីបុណ្យពូជដំណាំដូនតា នៅសហគមន៍ភ្នំក្រោម ក្នុងខេត្តសៀមរាប

នៅថ្ងៃទី២៧ ខែកុម្ភៈ ២០២៤ ឯកឧត្តមបណ្ឌិតយ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី បានអញ្ជើញដឹកនាំក្រុមការងារ...