របរ​ក្រៅពី​ធ្វើស្រែ​កំពុង​បង្កើន​ចំណូល​កសិករ​ស្រុក​បានកាន

ចេញ​ផ្សាយ​ ១៥ មករា ២០១៨ 6011

លោកអ៊ិត ណូឌី អនុរដ្ឋលេខា​​​ធិការ​​​​ក្រសួង​កសិកម្ម​រុក្ខាប្រមាញ់​និង​នេសាទ កាលពីថ្ងៃ​ទី១៨ ខែកុម្ភះ ២០១០ កន្លង​ទៅនេះ បាន​ដឹកនាំ​ប្រតិភូ មួយ​ក្រុម​ចុះទៅ​ពិនិត្យ​មើល​សហគមន៏​ចំនួនពីរ​នៅក្នុង​ស្រុកបាកាន ខេត្ត ពោធិ៍សាត់ ព្រម​ទាំងពិនិត្យ​កន្លែង​តាំងពិព័រណ៏​លក់សំម្ភារះ​របស់​សហគមន៏​និងបានចែកសម្ភារះ​ដល់​សហគមន៏​ផងដែរ។ មន្រ្តី​មន្ទីរកសិកម្ម​ខេត្តពោធិ៍សាត់​ឪ្យដឹងថា ប្រតិភូ​បានចុះ​ទៅពិនិត្យ​សហគមន៏​នៅភូមិ​ពិតត្រង់ ឃុំត្រពាំងជង​ដែលនៅទីនោះ​មានកសិករ​ចំនួន៣៦គ្រួសារ​បានប្រកប​មុខរបរ​ត្បាញមួក កាបូបយួរ ធុងសំរាម ធ្វើកៅអី កែច្នៃ​របស់​របរ​ប្រើប្រាស់​ធ្វើពីកំប្លោក…។

នៅទីនោះ​ប្រតិភូ​បានសន្យា​ផ្តល់ស្រះ​ចិញ្ចឹមត្រី​មួយនិងផ្តល់​ពូជត្រី​អណ្តែង​៣០០ ក្បាល។ បន្ទាប់មក​ប្រតិភូ​ក៏បាន​ចុះពិនិត្យ​កន្លែង​តាំងពិព័រណ៏​ផលិតផល​នៅភូមិ​ក្រពើរោទិ៍ ឃុំស្នាមព្រះ ដែល​ដាក់តាំង រួមមាន​ចង្រ្កានឡូវ តម្បាញក្រាមា កញ្ឆេ រពាក់ កន្ទេល ត្រក​ធ្វើអំពី​ស្លឹករំចាក និងវល្លិ​ថ្លឹងជាដើម។ ប្រិតភូ ក៏បាន​ចុះទៅ​ពិនិត្យ​សហគមន៏​ដាំផ្កាចន្ទ័​នៅភូមិ​បឹងប្រិយ ឃុំត្រពាំងជង ដែលនៅ​នីនោះ​មានកសិករ​ចំនួន ៦២គ្រួសារ​បានដាំ​ផ្កាច័ន្ទ នៅលើផ្ទៃដី​ចំនួន៦​ទៅ​៧ហិកតា។ ផ្កានេះ​អាច​កាត់លក់​បានរាល់ថ្ងៃ​សីល​បាន៤ដងក្នុង​មួយខែ ដែលម្តងៗ​អាចទទួល​ប្រាក់កម្រៃ​បា​នពី៨​ម៉ឺនរៀល​គិតជាមធ្យម។ សូមបញ្ជាក់​ដែរថា ក្នុងឪកាស​ប្រតិភូ​ចុះទៅពិនិត្យ​សហគមន៏​ខាងលើនេះ​បានចែក​ជូនកង់៣១​គ្រឿង​ដល់ប្រធាន​ក្រុមមុខរបរ៣១​នាក់ ផ្តល់ទូរស័ព្ទ​ដៃ៣១គ្រឿង​ដល់តំណាង​រកទីផ្សារ៣១នាក់ ព្រមទាំងផ្តល់​គ្រាប់ពូជដំណាំ​៧មុខ ស្មើ៥៦​គីឡូក្រាម និងសៀវភៅ​ឯកសារពាក់ព័ន្ធ​ទៅនឹងបច្ចេកទេស​ដល់កសិករ​៦៥​គ្រួសារ​ផងដែរ។

លោកអ៊ិត ណូឌី អនុរដ្ឋលេខា​ធិកា​រ​ក្រសួងកសិកម្ម​រុក្ខាប្រមាញ់​និងនេសាទ​បានថ្លែង​អោយដឹងថា រាល់ជំនួយ​ឧបត្ថម្ភ​ដល់​សហគមន៏​ទាំងនេះ គឺ​បាន​ធ្វើ​សកម្មភាព​ដោយផ្ទាល់​ពីគម្រោង​ដែលអោយ​ឈ្មោះថា OPEC តាមរយះ​អង្គការ FAO។ លោក​ថ្លែងទៀត​ថាកសិករ​ត្រូវចេះ​ច្នៃប្រឌិត​ខ្លួន​ក្នុង​ការបង្កើន​មុខរបរ​ដើម្បី​ប្រែក្លាយ​អោយមាន​ជីវភាព​ធូរធារ​តាមរយះ​ការងារ​ដែលបាន​បង្កើត​ឡើងនេះ។ ពីព្រោះថា បន្ទាប់​ពីធ្វើ​ស្រែយើង​ត្រូវ​ចាប់យក​របរ​ផ្សែងៗ​ទៀត​កុំទុក​ខ្លួន​អោយ​ទំនេរ​ជា​ការ​ឥត​ប្រយោជន៏។