ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម បានអញ្ជើញចូលរួមកិច្ចប្រជុំគណៈកម្មការសម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប ស្តីពី សេចក្តីព្រាងផែនការយុទ្ធសាស្ត្រ សម្រាប់គ្រប់គ្រងឋបនីយជីវមណ្ឌលបឹងទន្លេសាប

ចេញ​ផ្សាយ​ ១៣ មិថុនា ២០២៤ 2112

ឯកឧត្តម ទឹម ​បូរក្ស អនុរដ្ឋលេខាធិការក្រសួងកសិកម្ម និងជាសមាជិក​គណៈកម្មការសម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប បានអញ្ជើញចូលរួមកិច្ចប្រជុំគណៈកម្មការ​សម្របសម្រួលការ​គ្រប់គ្រងឋបនីយជីវមណ្ឌលបឹងទន្លេសាប ស្តីពី សេចក្តីព្រាងផែនការ​យុទ្ធសាស្ត្រ សម្រាប់គ្រប់គ្រងឋបនីយជីវមណ្ឌល​​​​​​បឹងទន្លេសាប ជាមួយអង្គការដៃគូ ចាប់ពីថ្ងៃទី១០-១២ ខែមិថុនា ឆ្នាំ២០២៤ នៅសណ្ឋាគាររីវ័រសាយ ខេត្តពោធិ៍សាត់។

នៅក្នុងកិច្ចប្រជុំនោះ បានពិគ្រោះយោបល់លើយុទ្ធសាស្រ្តមួយចំនួន រួមមាន អភិបាលកិច្ច និងការគ្រប់គ្រងជលសាស្ត្រ  ការគ្រប់គ្រង ការពារនិងអភិរក្សជីវៈចម្រុះ ព្រៃលិចទឹក និងធនធានធម្មជាតិ ការបំពុល ការគ្រប់គ្រង និងប្រើប្រាស់ដី និងការលើកកម្ពស់ជីវភាពសហគមន៍ និងគោលដៅយុទ្ធសាស្ត្រនៃយុទ្ធសាស្ត្រនីមួយៗ។ ជាមួយគ្នានេះដែរ  កិច្ចប្រជុំក៏បានពិភាក្សាលើមាតិកានៃផែនការយុទ្ធសាស្ត្រនេះ និងបាន​កំណត់​​នូវចក្ខុវិស័យ និងបេសកកម្មសម្រាប់ផែនការ​យុទ្ធសាស្ត្រ​នេះផងដែរ៕