ព័ត៌មានផ្សេងៗទៀត
ក្រសួងកសិកម្ម រុក្ខាប្រមាញ់ និងនេសាទ ប្រជុំផ្សព្វផ្សាយលទ្ធផលសន្និបាតការងារប្រយុទ្ធប្រឆាំងគ្រឿងញៀន
ចេញផ្សាយ ១៤ មីនា ២០២៥ 158
នាព្រឹកថ្ងៃទី១៤ ខែមីនា ឆ្នាំ២០២៤ ឯកឧត្តម គង់ ច័ន្ទវាសនា រដ្ឋលេខាធិការ និងជាប្រធានក្រុមការងារផ្សព្វផ្សាយ អប់រំ បង្ការ ទប់ស្កាត់ ការប្រេីប្រាស់ និងជួញដូរគ្រឿងញៀនប្រចាំក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំផ្សព្វផ្សាយលទ្ធផលសន្និបាតរបស់អាជ្ញាធរជាតិប្រយុទ្ធប្រឆាំងគ្រឿងញៀន ដល់អង្គភាពចំណុះទាំងអស់របស់ក្រសួង។
ក្រសួងកសិកម្ម រុក្ខាប្រមាញ់ និងនេសាទ យកចិត្តទុកដាក់ខ្ពស់ និងចូលរួមអនុវត្តយ៉ាងសកម្មនូវផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់របស់រាជរដ្ឋាភិបាលកម្ពុជា ជាពិសេសការអប់រំផ្សព្វផ្សាយដល់អង្គភាពចំណុះក្រសួង និងគ្រឹះស្ថានឧត្តមសិក្សាទាំង៣, ការផ្សព្វផ្សាយអំពី App No Drug, ការធ្វេីតេស្តទឹកមូត្ររកសារធាតុញៀនជាបន្តបន្ទាប់ និងការចូលរួមសហការអនុវត្តនិយាមប្រតិបត្តិស្តីពីការគ្រប់គ្រងត្រួតពិនិត្យសារធាតុញៀន និងគីមីផ្សំ។
ក្នុងកិច្ចប្រជុំនេះ ឯកឧត្តមរដ្ឋលេខាធិការបានណែនាំដល់អង្គភាពចំណុះទាំងអស់ឱ្យបន្តយកចិត្តទុកដាក់ខ្ពស់ផ្សព្វផ្សាយលទ្ធផលនៃសន្និបាត និងអប់រំណែនាំដល់មន្ត្រីរាជការក្រោមឱវាទទាំងអស់ ឱ្យចៀសឆ្ងាយពីគ្រឿងញៀន និងបន្តអប់រំដល់សមាជិកគ្រួសារឱ្យនៅឆ្ងាយពីគ្រឿងញៀនផងដែរ ដេីម្បីចូលរួមចំណែកជាវិជ្ជមានជាមួយរាជរដ្ឋាភិបាលកម្ពុជា ក្នុងការប្រយុទ្ធប្រឆាំងគ្រឿងញៀនខុសច្បាប់ តាមអភិក្រម "សម្អាតចកចេញពីផ្ទៃបឹង និងរក្សាផ្ទៃបឹងឱ្យនៅថ្លាជាប្រចាំ" និងក្នុងស្មារតី "គ្រឿងញៀនជាបញ្ហារួមដែលត្រូវចូលរួមដោះស្រាយទាំងអស់គ្នា"៕
