វគ្គបណ្តុះបណ្តាលស្តីពីការអនុវត្តកសិកម្មល្អ (GAP) លើបច្ចេកទេសដាំដុះដំណាំបន្លែ

ចេញ​ផ្សាយ​ ០២ សីហា ២០២៤ 3636

លោក ឌិន នរិន្ទ អនុប្រធាននាយកដ្ឋានសាកវប្បកម្ម និងដំណាំរួមផ្សំ នៃអគ្គនាយកដ្ឋានកសិកម្ម អមដំណើរដោយសហការី បានចូលរួមធ្វើជាគ្រូឧទ្ទេសក្នុងវគ្គបណ្តុះបណ្តាលស្តីពីការអនុវត្តកសិកម្មល្អ (GAP) លើបច្ចេកទេសដាំដុះដំណាំបន្លែ ដែលមានរយះពេល ២ថ្ងៃ គឺគិតចាប់ពីថ្ងៃទី៣១ ខែកក្កដា ដល់ថ្ងៃទី១ ខែសីហា ឆ្នាំ២០២៤ នៅភូមិក្រចាប់ សង្កាត់អូរតាវៅ ក្រុងប៉ៃលិន ខេត្តប៉ៃលិន ក្រោមការគាំទ្រដោយគម្រោងការកសាងភូមិសន្តិភាព និងមានអ្នកចូលរួមជាសិក្ខាកាមមកពីមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន និងកសិករដាំដុះដំណាំបន្លែសរុបចំនួន ៤៣នាក់ ក្នុងនោះមានស្រ្តីចំនួន ២១នាក់។ គោលបំណងវគ្គបណ្តុះបណ្តាលនេះ គឺដើម្បីបញ្ជ្រាបការយល់ដឹងទៅដល់កសិករ និងអ្នកពាក់ព័ន្ធអំពីការអនុវត្តន៍កសិកម្មល្អ (GAP) លើបច្ចេកទេសផលិតកម្មដំណាំបន្លែ និងនិតិវិធីក្នុងការស្នើសុំ ដើម្បីទទួលបានវិញ្ញាបនបត្រការអនុវត្តកសិកម្មល្អ។