ព័ត៌មានផ្សេងៗទៀត
ប្រធាននាយកដ្ឋានសវនកម្មផ្ទៃក្នុង លោកស្រី អន ស៊ីថា អញ្ជើញបន្តដឹកនាំក្រុមការងារចូលរួមពិធីកាន់បិណ្ឌទី១២ នៅវត្តមុនីរតនារាមអន្លង់ថ្ងាន់កើត និងវត្តបឹងត្រាវ នៅឃុំបត់ត្រង់ ស្រុកមង្គលបូរី ខេត្តបន្ទាយមានជ័យ
ចេញផ្សាយ ១៩ កញ្ញា ២០២៥ 870
នៅថ្ងៃទី១៩ ខែកញ្ញា ឆ្នាំ២០២៥ លោកស្រី អន ស៊ីថា ប្រធាននាយកដ្ឋានសវនកម្មផ្ទៃក្នុង នៃក្រសួងកសិកម្ម រុក្ខាប្រមាញ់ និងនេសាទ និងមន្ត្រីរាជការ ក្រុមការងាររាជរដ្ឋាភិបាលចុះមូលដ្ឋានឃុំបត់ត្រង់ ដោយការអញ្ជើញចូលរួមពីលោកមេឃុំ ក្រុមប្រឹក្សាឃុំ មេភូមិ អនុភូមិ និងសមាជិកភូមិ ប្រជាពុទ្ធបរិស័ទ ចូលរួមកាន់បិណ្ឌ១២ នៅវត្តមុនីរតនារាមអន្លង់ថ្ងាន់កើត និងវត្តបឹងត្រាវ ស្ថិតក្នុងឃុំបត់ត្រង់ ស្រុកមង្គលបូរី ខេត្តបន្ទាយមានជ័យ។
ក្នុងឱកាសពិធីកាន់បិណ្ឌ១២ ក្រុមការងារក៏បាននាំយកនូវទេយ្យទាន វេរប្រគេនដល់ព្រះសង្ឃ ដែលគង់ចាំព្រះវស្សាអស់កាលត្រីមាសនិងជូនក្រមាដល់តាជី យាយជី និងពុទ្ធបរិស័ទសរុបប្រមាណ១៧០នាក់។
ជាមួយគ្នានោះក៏បានធ្វើពិធីរាប់បាត្រ បង្សុកូលឧទ្ទិសកុសលផលបុណ្យ ជូនដល់ដួងវិញ្ញាណក្ខន្ធ ចំពោះមាតាបិតា ជីដូនជីតា ញាតិការទាំង៧សន្តាន ដែលបានចែកឋានទៅកាន់លោកខាងមុខ ព្រមទាំងឧទ្ទិសកុសលដល់ដួងវិញ្ញាណក្ខន្ធ កម្មាភិបាល វរកងទ័ព ដែលបានពលីជីវិតក្នុងបុព្វហេតុការពារ ជាតិមាតុភូមិកម្ពុជា និង សូមមកទទួលយកមគ្គផលដែលបានឧទ្ទិសជូនតាមរយៈព្រះសង្ឃ ក្នុងរដូវកាលបុណ្យកាន់បិណ្ឌ និងភ្ជុំបិណ្ឌនេះ សូមឱ្យអំណាចនៃអានិសង្ឃនេះ ជួយទ្រទ្រង់ឱ្យវិញ្ញាណក្ខន្ធអ្នកទាំងនោះ បានទៅកាន់ ក្នុងឋានសុគតិភពកុំបីខានឡើយ៕
