ឯកឧត្តមអនុរដ្ឋលេខាធិការ ប៉ែន ផល្លីកា ដឹកនាំកម្លាំង​អន្តរាគមន៍ពាក់ព័ន្ធ ចុះត្រួតពិនិត្យ និងបង្ក្រាបបទល្មើសជលផល នៅក្នុងភូមិសាស្រ្តស្រុកសូទ្រនិគម ខេត្តសៀមរាប

ចេញ​ផ្សាយ​ ០៥ សីហា ២០២៤ 962

នៅថ្ងៃទី០៣ ខែសីហា ឆ្នាំ២០២៤ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរ​ដោយ​លោកនាយអធិការដ្ឋានរដ្ឋបាលជលផលខាងជើងបឹងទន្លេសាប បានដឹកនាំកម្លាំងអន្តរាគមន៍ថ្នាក់ជាតិ ចុះពិនិត្យនិងបង្ក្រាបបទល្មើស​ជលផលប្រចាំកន្លែងអភិរក្សជលផលកំពង់ភ្លុក និងចាប់ពីចំណុចតាទូ​ ស្ថិតក្នុងភូមិសាស្ត្រឃុំកំពង់ភ្លុក ដល់ចំណុចកំពង់ឃ្លាំង និងកន្លែងអភិរក្ស​ជលផលអតីតឡូត៍នេសាទលេខ៦ ស្ថិតក្នុងភូមិសាស្រ្តឃុំកំពង់ឃ្លាំង ស្រុកសូទ្រនិគម ខេត្តសៀមរាប។ ក្នុងប្រតិបត្តិការបង្រ្កាបនោះ ក្រុមការងារនិងសមត្ថកិច្ចពាក់ព័ន្ធបានរុះរើ និងបំផ្លាញចោលរបាំង​សាច់អួន​ក្រឡាញឹកចំនួន ១ករណី ដែលរួមមាន៖ របាំងសាច់អួនក្រឡា​ញឹក ​៣កន្លែង ប្រវែង ៣០០ម៉ែត្រ លូចំនួន ៣មាត់ បង្គោលចម្រឹង​ចំនួន ១៥០ដើម។ ឯកឧត្តម ប៉ែន ផល្លីកា ក៏បានអញ្ជើញលែងត្រីចម្រុះចំនួន៥គីឡូក្រាម និងបានអប់រំប្រជានេសាទចំនួន ៦នាក់ ដែលនេសាទដោយឧបករណ៍លប រួមផ្សំរបាំងដែលមានប្រវែងវែង និងខុសក្រឡាក្នុងរដូវបិទនេសាទ​ ដោយស្នើឱ្យម្ចាស់រុះរើដោយខ្លួនឯង៕