ព័ត៌មានផ្សេងៗទៀត
ឯកឧត្តមរដ្ឋមន្រ្តី វេង សាខុន និងលោកជំទាវ ព្រមទាំងសហការី បានឆ្លៀតឱកាសអញ្ជើញចូលទស្សនាការតាំងលក់បន្លែសុវត្ថិភាពនៅផ្សារណាត់ជាប់ដងស្ទឹងសៀមរាប
ចេញផ្សាយ ២៧ កក្កដា ២០២០ 2949
បន្ទាប់ពីបានចុះពិនិត្យកសិដ្ឋានចិញ្ចឹមកង្កែបនៅស្រុកប្រាសាទបាគងរួចមក ឯកឧត្តមរដ្ឋមន្រ្តី វេង សាខុន និងលោកជំទាវ ព្រមទាំងសហការី បានឆ្លៀតឱកាសអញ្ជើញចូលទស្សនាការតាំងលក់បន្លែសុវត្ថិភាព នៅផ្សារណាត់ជាប់ដងស្ទឹងសៀមរាប ទីរួមខេត្តសៀមរាប។ ឯកឧត្តមរដ្ឋមន្រ្តី បានសម្តែងក្តីរីករាយ និងសាទរចំពោះកសិករ ដែលបានខិតខំប្រឹងប្រែងអភិវឌ្ឍន៍ការងារដាំដុះរបស់ខ្លួន ពីការដាំដុះតាមបែបពឹងផ្អែកទៅតាមអាកាសធាតុ មកជាការដាំដុះក្នុងរោងសំណាញ់ ឬផ្លាស្ទិក និងបានផលិតជាបន្លែសុវត្ថិភាព ដើម្បីចូលរួមចំណែកលើកកម្ពស់សុខមាលភាពរបស់ប្រជាពលរដ្ឋកម្ពុជា។ ជាមួយគ្នានេះ ឯកឧត្តមរដ្ឋមន្រ្តី ក៏បានពិនិត្យឃើញថា កសិករបានអភិវឌ្ឍន៍ខ្លួនពីការដាំដុះផ្អែកលើផលិតកម្ម ទៅជាការដាំដុះទៅតាមតម្រូវការទីផ្សារ ដោយអនុវត្តតាមយន្តការផលិតកម្មតាមកិច្ចសន្យា។ ឯកឧត្តមរដ្ឋមន្រ្តី ក៏បានលើកទឹកចិត្តដល់កសិករឱ្យខិតខំពង្រីកការដាំដុះបន្លែសុវត្ថិភាពឱ្យបានកាន់តែច្រើន ទៅតាមតម្រូវការទីផ្សារ ។
