ឯកឧត្ដមបណ្ឌិត ហ៊ាន វណ្ណហន អញ្ជើញដឹកនាំកិច្ចប្រជុំពិនិត្យវឌ្ឍនភាពការងារ ជំរុញ ផលិតកម្មដំណាំរដូវ និងសិក្សាកំណត់សហគមន៍ដែលមានសក្តានុពល និងសមត្ថភាពក្នុងការផលិតនិងផ្គង់ផ្គង់ផលិតផលបន្លែឆ្លើយតបទៅនឹងតម្រូវការបន្លែនៅកម្ពុជា

ចេញ​ផ្សាយ​ ៧ ឧសភា ២០២៦ 3786

នារសៀលថ្ងៃទី៧ ខែឧសភា ឆ្នាំ២០២៦ នៅទីស្តីការក្រសួងកសិកម្ម ឯកឧត្ដម បណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំ កិច្ចប្រជុំពិនិត្យវឌ្ឍនភាពការងារជំរុញផលិតកម្មដំណាំរដូវ និងដោះស្រាយបញ្ហាប្រឈមនានា ពិសេសផែនការផ្គត់ផ្គង់ផលិតកម្មបន្លែនៅកម្ពុជា និងការជំរុញការផលិតដំណាំរដូវជាអាទិភាព រួមមាន៖ ដំឡូងមី ពោតក្រហម ម្នាស់ និងដំណាំរួមផ្សំផ្សេងៗទៀត។
ក្នុងកិច្ចប្រជុំ ឯកឧត្ដមបណ្ឌិត បានសង្កត់ធ្ងន់លើសារៈសំខាន់នៃការលើកកម្ពស់ ផលិត កម្ម ដំណាំរដូវ ដោយផ្តោតលើការប្រមូលទិន្នន័យឱ្យបានច្បាស់លាស់ និងគ្រប់ជ្រុងជ្រោយ តាមបណ្ដាខេត្តដែលមានសក្ដានុពលខ្ពស់។ គោលបំណង សំខាន់ គឺជំរុញការបង្កើនផលិតភាព និងគុណភាពផលិតផល ឱ្យស្របតាម ស្តង់ដា រទីផ្សារ និងអាចប្រកួតប្រជែង ជាមួយផលិតផលនាំចូលពី បរទេស។
ទន្ទឹមនឹងនោះ ឯកឧត្ដមបណ្ឌិត បានណែនាំឱ្យក្រុមការងារជំនាញរៀបចំផែនការ ចុះ ពិនិត្យវឌ្ឍនភាពការងារនៅតាមបណ្ដាខេត្តជាជំហានៗ ដោយផ្តោតលើ ការ ពង្រឹងស្ថានីយ៍ ស្រាវជ្រាវពូជដំណាំ និងបន្លែ ការកែលម្អប្រព័ន្ធស្រោចស្រព ការបណ្ដុះ បណ្ដាលបច្ចេកទេសកសិកម្មទំនើបដល់ប្រជាកសិករ ព្រមទាំងការ រៀបចំ និងគ្រប់គ្រងទិន្នន័យផ្លូវការ ដោយសហការជាមួយ មន្ទីរកសិកម្ម រាជធានី-ខេត្ត។
បន្ថែមពីនេះ ឯកឧត្ដមបណ្ឌិត នឹងដឹកនាំជំនាញចុះពិនិត្យស្ថានភាព និងសក្ដានុ ពល ដំណាំរដូវនៅខេត្ដកំពង់ចាម និងខេត្ដព្រៃវែង នៅសប្ដាហ៍ក្រោយ ដើម្បីលើក ទឹកចិត្ត ពង្រឹង សមត្ថភាពមន្ត្រីកសិកម្មឃុំ-សង្កាត់ ឱ្យក្លាយជាកម្លាំងស្នូលដ៏សំខាន់ ក្នុងការជួយគាំទ្រប្រជាកសិករ ទាំងផ្នែកបច្ចេកទេស ការផ្សព្វផ្សាយព័ត៌មានទីផ្សារ និងការប្រមូលទិន្នន័យ កសិកម្មឱ្យបានទាន់ពេលវេលា និងមានប្រសិទ្ធភាព៕