ឯកឧត្តមរដ្ឋលេខាធិការ គឹម សុន អញ្ជើញចុះពិនិត្យស្ថានភាពបូមទឹក និងពន្យល់អាជ្ញាធរ និងប្រជាកសិករពីអត្ថប្រយោជន៍នៃសហគមន៍កសិកម្មទំនើប

ចេញ​ផ្សាយ​ ២៣ មករា ២០២៥ 2572

នៅថ្ងៃទី២១ ខែមករា ឆ្នាំ២០២៥ ឯកឧត្តម គឹម សុន រដ្ឋលេខាធិការ​ក្រសួង​កសិកម្ម រុក្ខាប្រមាញ់ និងនេសាទ អមដំណើរដោយឯកឧត្តម  ហៃ រស្មី ឯកឧត្តម ឃី កុសល អនុរដ្ឋលេខាធិការ អនុប្រធានមន្ទីរកសិកម្មខេត្តស្វាយរៀង អភិបាល និងអភិបាលរង​ស្រុក ព្រមទាំងអាជ្ញាធរភូមិ ឃុំ បានអញ្ជើញចុះពិនិត្យស្ថានភាព​បូមទឹក និងពន្យល់អាជ្ញាធរមូលដ្ឋាន និងប្រជាកសិករពីអត្ថប្រយោជន៍ នៃសហគមន៍កសិកម្មទំនើបក្នុងខេត្តស្វាយរៀង។

ដំណើរចុះពិនិត្យនិងជួបសំណេះសំណាលនេះ ធ្វើឡើងក្នុងគោលបំណង ចុះពិនិត្យស្ថានភាពបូមទឹកនៅភូមិហែកសំណាញ់ ឃុំម៉ឺនជ័យ ស្រុករំដួល ដែលកសិករកំពុងខ្វះខាតទឹកបង្កបង្កើនផលស្រូវប្រាំង និងចុះផ្សព្វផ្សាយនិង​ពន្យល់អំពីអត្ថប្រយោជន៍នៃការបង្កើតសហគមន៍កសិកម្មទំនើបជូនដល់អាជ្ញាធរភូមិហែកសំណាញ់ ឃុំម៉ឺនជ័យ និងអាជ្ញាធរស្រុករំដួល អាជ្ញាធរស្រុកស្វាយជ្រំ ដោយមានប្រជាកសិករចូលរួមប្រមាណជិត៣០០នាក់៕