ប្រជាកសិករឃុំគោលាប់ ស្រុកចិត្របុរី ខេត្តក្រចេះ ថ្លែងអំណរគុណក្រសួងកសិកម្ម និងមន្ទីរកសិកម្មខេត្ត ដែលយកចិត្តទុកដាក់ ជួបសួរសុខទុក្ខ និងពិនិត្យដំណាំស្រូវដែលរងការខូចខាតដោយសារទឹកជំនន់

ចេញ​ផ្សាយ​ ១២ សីហា ២០២៥ 330

ប្រជាកសិកររស់នៅ ឃុំគោលាប់ ស្រុកចិត្របុរី ខេត្តក្រចេះ បានសម្តែងនូវក្តីរីករាយ និងបានថ្លែងអំណរគុណ ចំពោះការយកចិត្តទុកដាក់ពីក្រសួងកសិកម្ម មន្ទីរកសិកម្មខេត្ត អាជ្ញាធរមូលដ្ឋាន មន្រ្តីកសិកម្មឃុំ ដែលបានចំណាយពេលជួបសួរសុខទុក្ខ និងពិនិត្យដំណាំស្រូវដែលរងការខូចខាតដោយសារទឹកជំនន់។ ការលើកឡើងនេះ បន្ទាប់ពីប្រជាកសិករ បានជួបសំណេះសំណាលជាមួយ លោកជំទាវអនុរដ្ឋលេខាធិការ អ៊ឹម រចនា នៅថ្ងៃទី០៩ ខែសីហា ឆ្នាំ២០២៥។ នាឱកាសដែរ ប្រជាកសិករបានសម្ដែងការចាប់អារម្មណ៍ចង់ដូរមកដាំពូជស្រូវយុទ្ធសាស្រ្តរបស់រាជរដ្ឋាភិបាល ក្រោយពីបានស្តាប់ការពន្យល់របស់លោកជំទាវ ដែលថា ស្រូវពូជយុទ្ធសាស្ត្រជាតិ ដូចជា ផ្ការំដួល សែនក្រអូប០១ និងចំប៉ីស៧០ជាដើម គឺមិនត្រឹមតែមានតម្លៃខ្ពស់ប៉ុណ្ណោះទេ ថែមទាំងមានស្ថិរភាពតម្លៃ និងកំពុងទទួលបានការគាំទ្រពេញនិយមនៅលើទីផ្សារអន្តរជាតិ៕