ព័ត៌មានផ្សេងៗទៀត
ឯកឧត្តម ម៉ៅ រិទ្ធីថា រដ្ឋលេខាធិការក្រសួងកសិកម្ម អញ្ជើញដឹកនាំមន្ត្រីជំនាញ ចុះពិនិត្យដំណាំ ដែលរងការបំផ្លិចបំផ្លាញដោយសត្វល្អិតចង្រៃ (ដង្កូវហ្វូង)នៅក្នុងខេត្តត្បូងឃ្មុំ
ចេញផ្សាយ ២៨ មិថុនា ២០២៤ 986
នៅថ្ងៃទី២៧ ខែមិថុនា ឆ្នាំ២០២៤ ឯកឧត្តម ម៉ៅ រិទ្ធីថា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំមន្ត្រីជំនាញ ចុះពិនិត្យដំណាំ ដែលរងការបំផ្លិចបំផ្លាញដោយសត្វល្អិតចង្រៃ (ដង្កូវហ្វូង) ក្នុងខេត្តត្បូងឃ្មុំ ដែលមានការអញ្ជើញចូលរួមពី ឯកឧត្តម ចាន់ សុវត្ថិភាព អនុរដ្ឋលេខាធិការ តំណាងអគ្គនាយកដ្ឋានកសិកម្ម លោកប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តត្បូងឃ្មុំ មន្រ្តីជំនាញពាក់ព័ន្ធ មន្រ្តីកសិកម្មឃុំ អាជ្ញាធរមូលដ្ឋាន និងប្រជាកសិករដែលរងផលប៉ះពាល់ដំណាំស្រូវ។
ផ្អែកតាមការចុះពិនិត្យជាក់ស្ដែង និងមានការរាយការណ៍បន្ថែមពីមន្រ្តីជំនាញ នៅក្នុងភូមិសាស្រ្តខេត្តត្បូងឃ្មុំ ក្នុងនោះមានស្រុកចំនួន៣ ដែលរងការប៉ះពាល់រាតត្បាតពីដង្កូវហ្វូង គឺស្រុកពញ្ញាក្រែក ស្រុកគោគស្រុក និងស្រុកតំបែរ មានផ្ទៃដីប្រមាណជាង៦៧៩ ហិកតា។ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានផ្សព្វផ្សាយពីវិធានការ អន្តរាគមន៍ទប់ស្កាត់នានា និងបានផ្ដល់ថ្នាំកសិកម្មជូនប្រជាកសិករចំនួន១៤០ដប ព្រមទាំងមានការចូលរួមអនុវត្តន៍យ៉ាងសស្រាក់សស្រាំពីប្រជាកសិករ ដើម្បីទប់ស្កាត់កម្ចាត់ដង្កូវហ្វូង ប៉ុន្តែដោយមានភ្លៀងធ្លាក់ជាបន្តបន្ទាប់ផងនោះ បានធ្វើឱ្យដំណាំស្រូវ និងដំណាំដំឡូងមី ដែលរងការរាតត្បាតទាំងអស់ មានការដុះលូតលាស់យ៉ាងល្អប្រសើរឡើងវិញ។
ក្នុងឱកាសនៃការចុះត្រួតពិនិត្យនោះ ឯកឧត្ដម ម៉ៅ រិទ្ធីថា បានអំពាវនាវឱ្យប្រជាកសិករទាំងអស់ត្រូវអនុវត្តន៍ទៅតាមមន្រ្តីជំនាញបច្ចេកទេសកសិកម្ម ដើម្បីស្វែងយល់ច្បាស់ពីវិធីកម្ចាត់ដង្កូវហ្វូង និងថែទាំដំណាំឱ្យបានល្អប្រសើរ ក្នុងករណីជួបប្រទះបញ្ហាណាមួយក្នុងវិស័យកសិកម្មត្រូវរាយការណ៍ទៅអាជ្ញាធរមូលដ្ឋាន ឬមន្រ្តីកសិកម្មឃុំ ដើម្បីដោះស្រាយជូនប្រជាកសិករបានទាន់ពេលវេលា។
ជាមួយគ្នានេះដែរ ក្រុមការងារបានផ្តល់ការណែនាំមួយចំនួនជូនប្រជាកសិករដូចជា៖ ត្រូវចុះពិនិត្យស្រែជាប្រចាំ ដើម្បីតាមដាន និងកម្ចាត់សមាសភាពចង្រៃឱ្យទាន់ពេលវេលា ជាពិសេសសម្អាតស្មៅចង្រៃនៅក្នុងស្រែ ភ្លឺស្រែ និងក្នុងចម្ការព្រៃសងខាងនៃចម្ការ ឱ្យបានស្អាត ប្រើវិធានការមេកានិក ដើម្បីកម្ចាត់ជម្រកកត្តាចង្រៃផ្សេងៗ និងចំពោះស្រែ និងចម្ការ ដែលមានការបំផ្លាញខ្លាំង ដោយសមាសភាពចង្រៃខាងលើជម្រើសចុងក្រោយគឺប្រើប្រាស់ថ្នាំកសិកម្មដើម្បីបាញ់កម្ចាត់៕
ចេញផ្សាយ ២១ វិច្ឆិកា ២០២៤ 134
ឯកឧត្តមរដ្ឋមន្រ្តី ឌិត ទីណា អញ្ជេីញជាគណៈអធិបតីក្នុងពិធីប្រកាសចូលកាន់តំណែងប្រធានមន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ
ចេញផ្សាយ ២០ វិច្ឆិកា ២០២៤ 178
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទស្សនកិច្ចរោងចក្រជីវម៉ាស របស់ក្រុមហ៊ុន ប៊ី អ៊ី ស៊ី អាយ អេស (ខេមបូឌា)ឯ.ក
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋលេខាធិការ ប្រាក់ ដាវីដ ទទួលជួបជាមួយ ឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា ក្នុងជំនួបសម្តែងការគួរសម និងពិភាក្សាការងារ
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋមន្ត្រី ឌិត ទីណា អនុញ្ញាតឱ្យអង្គការតុកកែញញឹមកម្ពុជា (Smiling Gecko) ចូលជួបសម្តែងការគួរសម និងពិភាក្សាការងារ
ចេញផ្សាយ ១៩ វិច្ឆិកា ២០២៤ 222
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិនិត្យ និងពិភាក្សាសេចក្តីព្រាង "ពិធីសាររវាងអគ្គរដ្ឋបាលគយចិន និងក្រសួងកសិកម្ម រុក្ខាប្រមាញ់ និងនេសាទ ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន
ចេញផ្សាយ ១៩ វិច្ឆិកា ២០២៤ 220
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយលោកជំទាវ Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបាប្រចាំនៅព្រះរាជាណាចក្រកម្ពុជា
ចេញផ្សាយ ១៨ វិច្ឆិកា ២០២៤ 276
អបអរសាទរ ២៥ឆ្នាំ ភាពជោគជ័យនៃការអភិរក្សក្រពើភ្នំនៅកម្ពុជា! Celebrating 25 years of Siamese crocodile conservation in Cambodia!
ចេញផ្សាយ ១៥ វិច្ឆិកា ២០២៤ 423
ប្រទីបក្រសួងកសិកម្ម រុក្ខាប្រមាញ់ និងនេសាទ បណ្តែតនៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៥ វិច្ឆិកា ២០២៤ 447
អបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៣ វិច្ឆិកា ២០២៤ 458
សត្វផ្សោតមួយក្បាល ប្រទះឃើញស្លាប់នៅស្រុកស្ទឹងត្រង់ ខេត្តកំពង់ចាម ដោយសារវ័យចាស់
ចេញផ្សាយ ១៣ វិច្ឆិកា ២០២៤ 473
ឯកឧត្តមរដ្ឋមន្ដ្រី ឌិត ទីណា ទទួលស្តាប់បទបង្ហាញស្តីពី Cambodia Agriculture Forum & Exhibition (CAFE-2025) របស់អង្គការស្បៀង និងកសិកម្មនៃសហប្រជាជាតិប្រចាំកម្ពុជា (FAO)
