ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ស្រី វុឌ្ឍី អញ្ជើញដឹកនាំក្រុមការងារចុះពិនិត្យការងារសេវាសាធារណៈ និងការប្រមូលផលស្រូវប្រាំងរបស់កសិករ នៅស្រុកមង្គលបូរី ខេត្តបន្ទាយមានជ័យ
ចេញផ្សាយ ៩ មីនា ២០២៥ 3505
នៅថ្ងៃទី០៨ ខែមីនា ឆ្នាំ២០២៥ ឯកឧត្តម ស្រី វុឌ្ឍី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទអមដំណើរដោយឯកឧត្តម គង់ វ៉ាញ អគ្គាធិការ លោក ប៉ែន វុទ្ធី ប្រធាននាយកដ្ឋាននីតិកម្មកសិកម្ម លោក ឡោ ប៊ុណ្ណា នាយកវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា និងសហការី បានចុះពិនិត្យការងារសេវាសាធារណៈ និងអត្រានុកូលដ្ឋាន នៅក្នុងមូលដ្ឋានឃុំគោកបល្ល័ង្គ ឃុំស្រះរាំង ឃុំសំបួរ ស្រុកមង្គលបូរី ខេត្តបន្ទាយមានជ័យ។
នៅក្នុងកិច្ចប្រជុំនោះ ឯកឧត្តមអនុរដ្ឋលេខាធិការ បានណែនាំដល់រដ្ឋបាលឃុំទាំង៣ បន្តខិតខំពង្រឹងការងារផ្តល់សេវាសាធារណៈ និងពន្លឿនការងារកែតម្រូវអត្រានុកូលដ្ឋានដល់ប្រជាពលរដ្ឋឱ្យកាន់តែល្អប្រសើរ។
ទន្ទឹមនឹងនោះ ឯកឧត្តមអនុរដ្ឋលេខាធិការនិងក្រុមការងារ បានបន្តចុះពិនិត្យការប្រមូលផលស្រូវប្រាំងរបស់កសិករនៅឃុំគោកបល្ល័ង្គ ។ មុននឹងបញ្ចប់កម្មវិធីចុះពិនិត្យ ឯកឧត្តមក៏បានពន្យល់ណែនាំ ផ្សព្វផ្សាយ អំពីអត្ថប្រយោជន៍នៃការចូលរួមចងក្រងជាសហគមន៍កសិកម្មទំនើប ដែលអាចជួយប្រជាកសិករក្នុងការកាត់បន្ថយថ្លៃដើមផលិត រៀបចំមានផែនការផលិតកម្មច្បាស់លាស់ និងមានទីផ្សារពិតប្រាកដ៕
