ព័ត៌មានផ្សេងៗទៀត
ឯកឧត្តម គង់ ច័ន្ទវាសនា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំកិច្ចប្រជុំដើម្បីពង្រឹងការងារគ្រប់គ្រងជីកសិកម្ម ថ្នាំកសិកម្ម និងពូជដំណាំ
ចេញផ្សាយ ០៥ មីនា ២០២៤ 2417
នៅថ្ងៃទី០៥ ខែមីនា ឆ្នាំ២០២៤ ឯកឧត្តម គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំកិច្ចប្រជុំដើម្បីពង្រឹងការងារគ្រប់គ្រងជីកសិកម្ម ថ្នាំកសិកម្ម និងពូជដំណាំ ដែលកិច្ចប្រជុំមានការអញ្ជើញចូលរួមពី ឯកឧត្តម លោកជំទាវអនុរដ្ឋលេខាធិការ ថ្នាក់ដឹកនាំនៃអគ្គនាយកដ្ឋានកសិកម្ម និងអគ្គលេខាធិការដ្ឋាន ព្រមទាំងមានការចូលរួម ពីមន្ទីរកសិកម្មរាជធានី-ខេត្តទាំង២៥ (តាមប្រព័ន្ធ អនឡាញ) សរុបប្រមាណ៩០នាក់។ កិច្ចប្រជុំនេះ ធ្វើឡើងនៅទីស្តីការក្រសួងកសិកម្ម។
គោលបំណងសំខាន់ៗនៃកិច្ចប្រជុំ គឺដើម្បីផ្សព្វផ្សាយ និងណែនាំដល់អង្គភាពពាក់ព័ន្ធ និងមន្ទីរកសិកម្មរាជធានី-ខេត្តទាំងអស់ ឱ្យបន្តពង្រឹងការអនុវត្តការងារ គ្រប់គ្រងជីកសិកម្ម ថ្នាំកសិកម្ម និងពូជដំណាំដែលស្ថិតក្រោមសមត្ថកិច្ចរបស់ខ្លួនឱ្យកាន់តែល្អប្រសើរ និងបន្តពង្រឹងកិច្ចសហការជាមួយអាជ្ញាធរ មូលដ្ឋាន លើការងារអនុវត្តការងារបន្តទៀត៕
