ឯកឧត្តម ឡឹក សុធារ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងក្រុមការងារ អញ្ជើញចុះពិនិត្យរោងម៉ាស៊ីនស្តុកស្រូវ និងកែច្នៃអង្ករសម្រាប់នាំចេញ នៅខេត្តកំពង់ចាម និងខេត្តកំពង់ធំ

ចេញ​ផ្សាយ​ ២ ឧសភា ២០២៤ 2358

នៅថ្ងៃទី០១ ខែឧសភា ឆ្នាំ២០២៤ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ឌិត ទីណា រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឡឹក សុធារ  អនុរដ្ឋលេខាធិការ និងឯកឧត្តមបណ្ឌិត គង់ គា ប្រធាននាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានអញ្ជើញចុះទៅពិនិត្យរោងម៉ាស៊ីនរក្សាស្តុកស្រូវ និងការកែច្នៃអង្ករសម្រាប់ធ្វើការនាំចេញ ដែលមានរោងម៉ាស៊ីនកិនស្រូវភូមិយើង រោងម៉ាស៊ីនសេកមាស ស្ថិតនៅក្នុងខេត្តកំពង់ចាម និងរោងម៉ាស៊ីនអេមរុរ៉ាយស៍ ស្ថិតនៅក្នុងខេត្តកំពង់ធំ។

សូមបញ្ជាក់ថា រោងម៉ាស៊ីនស្រូវទាំងអស់ខាងលើ សុទ្ធតែជារោងម៉ាស៊ីនដែលទទួលបានហិរញ្ញប្បទានពិសេសពីរាជរដ្ឋាភិបាល តាមរយៈគោលនយោបាយសម្របសម្រួលទីផ្សារ និងរក្សាលំនឹងថ្លៃកសិផល។ ឯកឧត្តម ឡឹក សុធារ  បានបញ្ជាក់បន្ថែមថា ការចុះត្រួតពិនិត្យរោងម៉ាស៊ីនស្រូវនេះ ក្រុមការងារនឹងធ្វើឡើងជាបន្តបន្ទាប់ទៀត នៅខេត្តបាត់ដំបង ខេត្តបន្ទាយមានជ័យ និងតាមបណ្តាលខេត្តផ្សេងៗទៀត នៅក្នុងប្រទេសកម្ពុជា៕