ឯកឧត្ដម ប្រាក់ ដាវីដ រដ្ឋលេខាធិការក្រសួងកសិកម្ម អញ្ជើញចូលរួមប្រជុំគណៈកម្មាធិការរៀបចំឯកសារសម្រាប់ការត្រួតពិនិត្យគោលនយោបាយពាណិជ្ជកម្មកម្ពុជា ក្រោមក្របខណ្ឌអង្គការពាណិជ្ជកម្មពិភពលោក

ចេញ​ផ្សាយ​ ១៨ មីនា ២០២៤ 2101

នៅថ្ងៃទី១៨ ខែមីនា ឆ្នាំ២០២៤ ឯកឧត្ដម ប្រាក់ ដាវីដ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមកិច្ចប្រជុំអន្តរក្រសួងនៃគណៈកម្មាធិការរៀបចំឯកសារសម្រាប់ការត្រួតពិនិត្យគោលនយោបាយពាណិជ្ជកម្មកម្ពុជា ក្រោមក្របខណ្ឌអង្គការពាណិជ្ជកម្មពិភពលោក (គ.ត.ព.) នៅទីស្តីការក្រសួងពាណិជ្ជកម្ម។

ក្នុងកិច្ចប្រជុំនេះ ប្រព្រឹត្តទៅក្រោមការដឹកនាំដោយ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម  ដែលមានការអញ្ជើញចូលរួមពី ឯកឧត្តម លោកជំទាវ លោក លោកស្រី ដែលជាតំណាងក្រសួង-ស្ថាប័នសរុបចំនួន១៧។

គួរបញ្ជាក់ថា កិច្ចប្រជុំនេះធ្វើឡើងក្នុងគោលបំណងរាយការណ៍អំពីបច្ចុប្បន្នភាពនៃការរៀបចំសមាសភាព គ.ត.ព.  ព្រមទាំងពិនិត្យពិភាក្សាលើកាលបរិច្ឆេទនិងរបៀបវារៈនៃសិក្ខាសាលាស្ដីពីត្រៀមរៀបចំការត្រួតពិនិត្យគោលនយោបាយពាណិជ្ជកម្មរបស់កម្ពុជា (TPR) លើកទី៣ ក្រោមក្របខ័ណ្ឌអង្គការ WTO  ក៏ដូចជាកម្មវិធីការងាររបស់រាជរដ្ឋាភិបាលកម្ពុជា ក្រោមក្របខ័ណ្ឌអង្គការ WTO និងការត្រៀមសម្រាប់កិច្ចប្រជុំ គ.ត.ព.៕