ព័ត៌មានផ្សេងៗទៀត
ទិន្នផលត្រីឆ្នាំនេះកើនជាងឆ្នាំមុន
ចេញផ្សាយ ១៥ មករា ២០១៨ 3481
កាលពីព្រឹកថ្ងៃទី១៨ ខែមេសា លោកខូយ សុខា ទីប្រឹក្សាផ្ទាល់សម្ដេចអគ្គមហាសេនាបតីតេជោហ៊ុន សែន និងជាអភិបាលខេត្ដពោធិ៍សាត់ រួមជាមួយលោកណៅ ធួក ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលជលផល បានចុះពិនិត្យការប្រមូលផលត្រីនៅឡូត៍នេសាទលេខ៦ និងឡូត៍នេសាទលេខ៧ ស្ថិតនៅក្នុង ឃុំរាំងទិល ស្រុកកណ្ដៀង ។
លោកធាម ឈុន និងលោកឈួ ងួន អ្នកទទួលសិទ្ធិធ្វើអាជីវកម្មឡូត៍នេសាទលេខ៦ និងឡូត៍នេសាទលេខ៧ បានរៀបរាប់ឱ្យដឹងថា សកម្មភាពនៃការប្រមូលផលត្រីរបស់ឡូត៍នេសាទទាំងពីរចាប់ផ្ដើមដំណើរការ តាំងពីពាក់កណ្ដាលខែមីនា កន្លងមករហូតមកដល់បច្ចុប្បន្នបានផលត្រីសរុបប្រមាណ១០០តោនប៉ុណ្ណោះ។
តាមការប៉ាន់ស្មានទិន្នផលត្រីក្នុងរដូវនេសាទឆ្នាំ២០០៩-២០១០ នេះកើនជាងរដូវនេសាទឆ្នាំ២០០៨-២០០៩។ លោកសេង ស៊ុនហ៊ួត នាយកខណ្ឌរដ្ឋបាលជលផលពោធិ៍សាត់ បានរាយការណ៍ឱ្យដឹងថា នៅខេត្ដពោធិ៍សាត់មានឡូត៍នេសាទធ្វើអាជីវកម្មចំនួន៥ឡូត៍ គឺឡូត៍នេសាទលេខ១ លេខ២ លេខ៣ លេខ៦ និងឡូត៍នេសាទលេខ៧ ហើយភាគច្រើនជាឡូត៍នេសាទធ្វើអាជីវកម្មប្រមូលត្រីក្នុងបឹងទន្លេសាបដោយផ្ទាល់ដែលប្រជាពលរដ្ឋបឹងទន្លេសាបនិយមហៅឡូត៍ក្រៅ ។
ដោយឡែកលើសកម្មភាពធ្វើអាជីវកម្មនេសាទប្រមូលផលត្រីចាប់ពីដើម រដូវនេសាទឆ្នាំ២០០៩-២០១០ រហូតមកដល់ដើមខែមេសា ឆ្នាំ២០១០ នៅទូទាំងខេត្ដប្រមូលផលត្រីបាន៧.៤៨០តោន និងផលកំពឹសសរុបបាន១៤៧តោន បើប្រៀបធៀបរយៈពេលដូចគ្នានឹងដើមរដូវនេសាទឆ្នាំ២០០៨-២០០៩ ទិន្នផលត្រីមានការកើនឡើងចំនួន២៧០តោន ។
នៅចំពោះមុខប្រជានេសាទ និងអ្នកប្រមូលទិញផលនេសាទ លោកណៅ ធួក បានមានប្រសាសន៍លើកឡើងថា ពិនិត្យជារួមនៅទូទាំងប្រទេសផលត្រីមានការកើនឡើងជាងរដូវនេសាទឆ្នាំ២០០៨-២០០៩ ពី៥ទៅ១០ភាគរយ ប៉ុន្ដែតំបន់មួយចំនួនមានការថយចុះដោយសារតែតំបន់ទាំងនោះមិនបានធ្វើការបង្ក្រាបបទល្មើសជលផលជាប្រចាំ ។ ហេតុនេះតាងនាមថ្នាក់ដឹកនាំក្រសួងកសិកម្ម រុក្ខា ប្រមាញ់ និងនេសាទ និងថ្នាក់ដឹកនាំរដ្ឋបាល ជលផល ពិសេសលោកបណ្ឌិតច័ន្ទ សារុន រដ្ឋមន្ដ្រីក្រសួងកសិកម្មរុក្ខា ប្រមាញ់ និងនេសាទ សូមធ្វើការអំពាវនាវដល់បងប្អូនប្រជាពលរដ្ឋត្រូវចូលរួមទាំងអស់គ្នាលុបបំបាត់បទល្មើសជលផលដែលនាំឱ្យវិនាសហិនហោចផលត្រីដល់ក្នុងមូលដ្ឋានរបស់ខ្លួនដូចជា ការធ្វើនេសាទដោយឧបករណ៍ឆក់ លូស្បៃមុង អួនក្រឡាញឹកតូចជាង១,៥សង្ទីម៉ែត្រឧបករណ៍បរត្រី និងការកាប់បំផ្លាញព្រៃលិចទឹកដែលជាជម្រកចាំបាច់របស់ត្រីជាដើម ហើយអាជីវករឡូត៍នេសាទត្រូវមានកាតព្វកិច្ចអនុវត្ដឱ្យបានត្រឹមត្រូវតាមច្បាប់ស្ដីពីជលផល និងសៀវភៅបន្ទុកឡូត៍នេសាទ។
ដោយឡែកសមត្ថកិច្ចជលផលគ្រប់លំដាប់ថ្នាក់ត្រូវរឹតបន្ដឹងការអនុវត្ដន៍ច្បាប់ និងធ្វើការបង្ក្រាបបទល្មើសជលផលជាប្រចាំដើម្បីថែរក្សាការពារ និងការប្រើប្រាស់ធនធានជលផលទាំងនេះប្រកបដោយនិរន្ដរភាព ព្រោះធនធានជលផលនៅក្នុងបឹងទន្លេសាបគឺជាជង្រុកស្រូវមានតម្លៃមហាសាលរបស់ប្រជានេសាទក្នុងបឹងទន្លេសាប ។នៅក្នុងឱកាសនោះ លោកខូយ សុខា បានបញ្ជាក់បន្ថែមថា ប្រទេសយើងមានច្បាប់ហេតុនេះក្នុងនាមអាជ្ញាធរខេត្ដសំណូមពរដល់ប្រជាពលរដ្ឋទាំងអស់ត្រូវចូលរួមគោរពច្បាប់ទាំងអស់គ្នា ដើម្បីថែរក្សាធនធានជលផលរបស់យើងក្នុងមូលដ្ឋានទុកសំរាប់កូនចៅជំនាន់ក្រោយៗទៀត ស្របតាមអនុសាសន៍របស់សម្ដេចអគ្គមហាសេនាបតី តេជោហ៊ុន សែន។ ពិសេសចូលរួមចំណែកយ៉ាងសំខាន់ក្នុងការបង្កើនកំរិតជីវភាពរស់នៅ និងកាត់បន្ថយភាពក្រីក្ររបស់បងប្អូនប្រជានេសាទដែលរស់នៅពឹងផ្អែកលើរបរធ្វើនេសាទជាសំខាន់ ។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
