ព័ត៌មានផ្សេងៗទៀត
ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងកម្មវិធីសិក្ខាសាលា ចាប់ផ្ដើមអនុវត្តគម្រោងជលផលសមុទ្រ និងតំបន់ឆ្នេរប្រកបដោយចីរភាព
ចេញផ្សាយ ២២ វិច្ឆិកា ២០២៣ 3635
នាព្រឹកថ្ងៃទី២១ ខែវិច្ឆិកា ឆ្នាំ២០២៣ ឯកឧត្តមរដ្ឋលេខាធិការ ហាស់ សារ៉េត តំណាងឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ និងក្នុងនាមជាប្រធានគណៈកម្មការតម្រង់ទិសនៃកម្មវិធី អញ្ជើញជាអធិបតីក្នុងកម្មវិធីសិក្ខាសាលា ចាប់ផ្តើមអនុវត្តគម្រោងជលផលសមុទ្រ និងតំបន់ឆ្នេរប្រកបដោយចីរភាព។
គម្រោងនេះរៀបចំដោយរដ្ឋបាលជលផល សហការជាមួយធនាគារអភិវឌ្ឍន៍អាស៊ី (ADB) និងទីភ្នាក់ងារបារាំងសម្រាប់អភិវឌ្ឍន៍(AFD) ដោយមានការចូលរួម ពីតំណាងក្រសួងពាក់ព័ន្ធ រដ្ឋបាលខេត្ត ដៃគូអភិវឌ្ឍន៍ មន្ទីរអង្គភាពពាក់ព័ន្ធ។
នាសៀលថ្ងៃដដែល ឯកឧត្តមរដ្ឋលេខាធិការ ហាស់ សារ៉េត បានបន្តចូលរួមកិច្ចប្រជុំពិភាក្សា រវាងអង្គភាពអនុវត្តគម្រោងនៃរដ្ឋបាលជលផល ក្រសួងបរិស្ថាន និងក្រសួងសេដ្ឋកិច្ចហិរញ្ញវត្ថុ ជាមួយនឹងក្រុមការងារ ADB និង AFD ដើម្បីពិនិត្យការរៀបចំអនុវត្តគម្រោង វឌ្ឍនភាព និងការតម្រង់ទិសនៃការអនុវត្ត៕
