ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ចុះពិនិត្យស្ថានភាពតំបន់គ្រប់គ្រងជលផលប្រជុំកោះពោធិ៍ កោះអាចម៍សេះ និងកោះទន្សាយខេត្តកែប

ចេញ​ផ្សាយ​ ២៤ វិច្ឆិកា ២០២២ 3246

ឈានចូលកម្មវិធីទី២៖២២-១១-២០២២ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ចុះពិនិត្យស្ថានភាពតំបន់គ្រប់គ្រងជលផលប្រជុំកោះពោធិ៍ កោះអាចម៍សេះ និងកោះទន្សាយខេត្តកែប។ ========================🌱🌿🎋🦀🦐🐋 បន្ទាប់ពីបានចុះពិនិត្យកសិដ្ឋានចិញ្ចឹមសេះ និងគោពូជសុទ្ធនៅខេត្តកែប នៅថ្ងៃដដែលនេះ ឯកឧត្តមរដ្ឋមន្ត្រីបានបន្តដំណើរជាមួយថ្នាក់ដឹកនាំ និងមន្រ្តីជំនាញជលផល ព្រមទាំងអាជ្ញាធរមូលដ្ឋានដើម្បីចុះពិនិត្យមើលស្ថានភាពតំបន់គ្រប់គ្រងជលផលសមុទ្រនៅប្រជុំកោះពោធិ៍ កោះអាចម៍សេះ និងកោះទន្សាយ នៅខេត្តកែប។ ក្នុងដំណើរទស្សនកិច្ចនេះ ឯកឧត្តមរដ្ឋមន្ត្រី បានជួបសំណេះសំណាលជាមួយនគរបាលវរៈព្រំដែនទឹក អង្គការអភិរក្សសមុទ្រកម្ពុជា (Marines Cooperation Camboda-MCC) ដែលបានធ្វើការងារអភិរក្សយ៉ាងសកម្មនៅក្នុងតំបន់នេះ។ ក្នុងពេលនោះ ឯកឧត្តមរដ្ឋមន្ត្រី បានផ្តល់ការលើកទឹកចិត្ត និងណែនាំដល់រដ្ឋបាលជលផល អង្គការ MCC អាជ្ញាធរខេត្ត និងមន្រ្តីជំនាញពាក់ព័ន្ធ រួមសហការគ្នាការពារតំបន់អភិរក្សឱ្យបានល្អ កំណត់ផែនទី (GPS) តំបន់ហាមឃាត់ដើម្បីឱ្យបងប្អូនប្រជានេសាទងាយស្រួលចូលរួមសហការអនុវត្ត និងអាចធានានិរន្តរភាពធនធានសមុទ្រ ព្រមទាំងអាចការពារមច្ឆារជាតិដែលជិតផុតពូជដូចជា អណ្តើកសមុទ្រ ត្រីដូហ្វីន ជ្រូកទឹកឬសេះសមុទ្រជាដើម ។ល។ ចំពោះអ្នកល្មើសច្បាប់ ឯកឧត្តមបានលើកទឹកចិត្តឱ្យអាជ្ញាធរ ពង្រឹងវិធានការ ទាំងការអប់រំ ការដាក់សម្ពាធផ្លូវចិត្ត និងផ្លូវច្បាប់ ដើម្បីធានាបាននូវភាពសំបូរបែបនៃធនធានសមុទ្រ។ នៅតាមផ្លូវត្រលប់មកវិញ ឯកឧត្តមបានចូលរួមលេងមេពូជក្តាមសេះចំនួន ២៥គីឡូក្រាម នៅក្នុងដែនជម្រកសុវត្ថិភាពក្នុងតំបន់អភិរក្ស និងបានទម្លាក់ប្រអប់បេតុងសប្បនិម្មិតមួយចំនួនចូលក្នុងសមុទ្រដើម្បីបង្កើតបានជាជម្រកការពារជលផលសមុទ្រពីការនេសាទខុសច្បាប់ផងដែរ៕