ព័ត៌មានផ្សេងៗទៀត
សិក្ខាសាលាកសាងសមត្ថភាពស្តីពីស្តង់ដារអន្តរជាតិស្ដីពីវិធានការភូតគាមអនាម័យលេខ៣៨: ការចរាចរគ្រាប់ពូជជាអន្តរជាតិ (ISPM38)
ចេញផ្សាយ ២ មេសា ២០២៦ 2234
នាថ្ងៃទី១ ខែមេសា ឆ្នាំ២០២៦ នាយកដ្ឋានការពារដំណាំ អនាម័យ និងភូតគាមអនាម័យ បានរៀបចំសិក្ខាសាលាកសាងសមត្ថភាពស្តីពីស្តង់ដារអន្តរជាតិស្ដីពីវិធានការភូតគាមអនាម័យលេខ៣៨: ការចរាចរគ្រាប់ពូជជាអន្តរជាតិ (ISPM38) នៅសណ្ឋាគារសាន់អ៊ែនម៉ូន រាជធានីភ្នំពេញ ក្រោមអធិបតីភាពលោកបណ្ឌិត យន ទ្រី អគ្គនាយករងនៃអគ្គនាយកដ្ឋានក្សេត្រសាស្ត្រ ដែលមានការចូលរួមពីមន្ត្រីជំនាញនៃនាយកដ្ឋានការពារដំណាំ អនាម័យ និងភូតគាមអនាម័យ នាយកដ្ឋានពូជដំណាំ មន្ទីរពិសោធន៍ជាតិកសិកម្ម សាកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្មព្រែកលៀប វិទ្យាស្ថានស្រាវជ្រាវនិងអភិវឌ្ឍន៍កសិកម្មកម្ពុជា និងតំណាងក្រុមហ៊ុននាំចូលពូជដំណាំ សរុបចំនួន៤០រូប។
សិក្ខាសាលានេះ ត្រូវបានរៀបចំឡើងក្នុងគោលបំណងដើម្បីលើកកម្ពស់ការយល់ដឹង និងការពង្រឹងសមត្ថភាពរបស់មន្រ្តីភូតគាមអនាម័យ និងភាគីពាក់ព័ន្ធក្នុងការអនុវត្ត ISPM 38 ស្តីពីស្ដង់ដារនៃការចរាចរគ្រាប់ពូជជាអន្តរជាតិ។
