ក្រុមការងារក្រសួងកសិកម្ម និងតំណាងធនាគារពិភពលោកប្រចាំកម្ពុជា អញ្ជើញពិនិត្យសហគមន៍កសិកម្មនៅស្រុកភ្នំព្រឹក ខេត្តបាត់ដំបង

ចេញ​ផ្សាយ​ ៣១ មករា ២០២៤ 2986

នៅថ្ងៃទី៣១ ខែមករា ឆ្នាំ២០២៤ នេះ ក្រុមការងារក្រសួងកសិកម្មដឹកនាំដោយលោកបណ្ឌិត សរ ចិត្រា អគ្គលេខាធិការរង នៃក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង CASDP និងលោកស្រី Mariam Sherman នាយិកាធនាគារពិភពលោកប្រចាំប្រទេសកម្ពុជា មីយ៉ាន់ម៉ា និងឡាវ បានអញ្ជើញទៅទស្សនកិច្ចនៅសហគមន៍កសិកម្ម «ពន្លឺថ្មីពេជ្រចិន្តា» ស្ថិតនៅក្នុងស្រុកភ្នំព្រឹក ខេត្តបាត់ដំបង។

នាឱកាសនៃដំណើរទស្សនកិច្ចនោះ ប្រជាសហគមន៍កសិកម្មពន្លឺថ្មីពេជ្រចិន្តា បានទទួលស្វាគមន៍យ៉ាងកក់ក្ដៅចំពោះដំណើរទស្សនកិច្ចនៃគណៈប្រតិភូ ដើម្បីស្វែងយល់ពីការដាំដំណាំបន្លែនៅក្នុងផ្ទះសំណាញ់ ដែលបានបន្តអនុវត្តទៅលើផែនការអាជីវកម្ម ដែលបានអនុម័តដោយគម្រោងពិពិធកម្មកសិកម្មកម្ពុជា​ (CASDP)។

សមាសភាពដែលបានអញ្ជើញចូលរួមក្នុងដំណើរនោះដែរមាន លោកជំទាវ ចំរើន មុទិតា ប្រធានក្រុមការងាររបស់ធនាគារពិភពលោក សម្រាប់គម្រោងCASDP និងសហការី ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង និងតំណាងភ្នាក់ងារអនុវត្តគម្រោង និងក្រុមការងារគម្រោង៕