ព័ត៌មានផ្សេងៗទៀត
សហគមន៍ព្រៃឈើដំណាក់អ្នកតាថ្មពូនបានទទួលការលើកទឹកចិត្ត
ចេញផ្សាយ ២២ មករា ២០១៨ 4284
ឯកឧត្តមបណ្ឌិត ចន្ទ័ សារុន រដ្ឋមន្ត្រីក្រសួងកសិកម្ម និងសហការី កាលពីថ្ងៃទី ២៩ឧសភា បានអញ្ជើញទៅពនិត្យសហគមន៍ព្រៃឈើដំណាក់អ្នកតាថ្ម និសំណេះសំណាល ជាមួយប្រជាសហគមន៍ចំនួន៤០០គ្រួសារនៅភូមិព្រៃយ៉ាវ ឃុំស្រែក្នុង ស្រុកជុំគិរី។
សហគមន៍ព្រៃឈើ អ្នកតាថ្មពូន ជាសហគមន៍មួយ ដែលបានបង្កើតឡើងនៅឆ្នាំ២០០៣ ហើយប្រកាសទទួលស្គាល់ជាផ្លូវការនៅឆ្នាំ២០០៦។ សហគមន៍អ្នកតាថ្មពូនមានផ្ទៃដីសរុប៩៨៥ហិកតា ដែលរដ្ឋបាលព្រៃឈើ បានសហការជាមួយអង្កការDANIDA ចែកសហគមន៍នេះជា ៤តំបន់ ដែលបីតំបន់ជាតំបន់ប្រមូលផល និងមួយតំបន់ទៀតសម្រាប់ការពារការហូរច្រោះ។
ខណៈនោះលោក ឆេង គឹមស៊ុន ប្រធានរដ្ឋបាលព្រៃឈើ បានសូមអំពាវនាវដលប្រជាជន ដែលរស់នៅក្នុងតំបន់ព្រៃសហគមន៍នេះ ឲជួយការពារហើយរដ្ឋបាលព្រៃឈើក៏កំពុងតែអំពាវនាវរកជំនួយ ពីរដៃគូរអភិវឌ្ឍន៍នានា ដើម្បីបន្តជួយដល់ការងារសហគមន៍បជាបន្តទៀត។
ឆ្លៀតក្នុងឱកាសនេះ បន្ទាប់ពីសេចក្តីរាយការណ៍របស់លោកឆេង គឹមស៊ុន រួចមក ឯកឧត្តមរដ្ឋមន្ត្រី ក៏អនុញ្ញាត្តឲប្រជាជនសហគមន៍ ឡើងមានមតិនូវបញ្ហា ដែលជួបប្រទះក៏ជាសំណូមពរ ។ ដោយមើលឃើញថា ប្រជាជនសហគមន៍មានការយល់ដឹង ពីរសារសំខាន់នៃការរក្សាព្រៃឈើ ដែលបានជួយទិន្នផលស្រូវ របស់ពួកគេឲមានការកើនឡើង ពីឆ្នាំមុនត្រឹមតែ១, ៣តោន ក្នុងមួយហិកតាមក ២,៥តោនក្នុងមួយហិកតា។ ទប់ទល់ការហូរច្រោះដីខ្សាច់មក វាលស្រែដីស្រែប្រែពីដីសមកជាដីខ្មៅដោយសារកម្ទេចស្លឹកឈើ។
ឯកឧត្តមរដ្ឋមន្ត្រី បានពន្យល់ពីផលប្រយោជន៍ នៃការដាំដុះសណ្តែក ហើយ បានបញ្ជាក់បន្ថែមថា សហគមន៍ព្រៃឈើ គឺជាការប្រគល់ផ្ទេរ ឲថ្នាក់ក្រោមគ្រប់គ្រង ដើម្បីបានផលប្រយោជន៍ ចឹញ្ចឹមសហគមន៍ ដែលស្របតាមគោលនយោបាយរបស់រដ្ឋាភិបាល។
ឯកឧត្តមបន្តទៀតថា ខណ្ឌរដ្ឋបាលព្រៃឈើ ត្រូវបណ្តុះកូនឈើ ហើយចែកជូនដើម្បីដាំនៅកន្លែងដីទំនេរក្នុងព្រៃសហគមន៍ នេះ (រៀបចំកន្លែងបណ្តុះជូនគាត់) កន្លែងណាអាចបញ្ជូលដាំឬស្សី ឬផ្តៅបានគួរដាំបញ្ជូល។ ឯកឧត្តមបានបញ្ជក់ថា មានព្រៃឈើ មានមុខរបរ រក្សាព្រៃបាន គឺរក្សាបាននូវជីវចម្រុះ។ ព្រៃឈើផ្តល់សារប្រយោជន៍មានដូចជា ការទប់ស្កាត់ ការហូរច្រោះផ្តល់ជីជាតិដល់ដី។
ឯកឧត្តមរដ្ឋមន្ត្រី បានណែនាំដល់រដ្ឋបាលព្រៃឈើថា ដើម្បីឲស្របតាមកម្មវិធីព្រៃឈើជាតិ ត្រូវបង្កើតសហគមន៍ព្រៃឈើ ឲបាន២លានហិកតានៅឆ្នាំ២០២៩គឺគប្បីជំរុញឲបានជាក់ស្តែងពីពេលនេះទៅ។ ជំរុញឲមានការប្រលងប្រណាំងប្រចាំឆ្នាំដើម្បីជ្រើសរើសប្រសហគមន៍គំរូទូទាំងប្រទេស(២៧២សហគមន៍)។
នៅទីនោះឯកឧត្តមរដ្ឋមន្ត្រី ក៏បានឧបត្ថម្ភថវិការ១លានរៀល សម្រាប់ជីកអណ្តូងទឹក១កន្លែង ផ្តល់កង់១២គ្រឿងដល់សហគមន៍ និងប្រជាសហគមន៍ម្នាក់ទទួលបានកូនឈើហូបផ្លែ០១ដើម និងក្រមា០១។
