ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ សៀក ឡេង អញ្ជើញជួបប្រជុំជាមួយក្រុមការងារ FAO ដើម្បីពិភាក្សា និងពិនិត្យប្រព័ន្ធដែល FAO គ្រោងនិងកំពុងអភិវឌ្ឍន៍តាមរយៈគម្រោង PEARL និងគម្រោងផ្សេងទៀត
ចេញផ្សាយ ៩ មិថុនា ២០២៦ 3260
នៅថ្ងៃទី៨ ខែមិថុនា ឆ្នាំ២០២៦ ឯកឧត្ត សៀក ឡេង អនុរដ្ឋលេខាធិការទទួលបន្ទុកការងារឌីជីថល ក្រសួងកសិកម្ម រុក្ខាប្រមាញ់ និងនេសាទ បានអញ្ជើញជួបប្រជុំជាមួយក្រុមការងារ FAO នៅបន្ទប់ប្រជុំនាយកដ្ឋានបរិវត្តកម្មឌីជីថល ដើម្បីពិភាក្សា និងពិនិត្យប្រព័ន្ធដែល FAO គ្រោង និងកំពុងអភិវឌ្ឍន៍តាមរយៈគម្រោង PEARL និងគម្រោងផ្សេងទៀតរួមមានប្រព័ន្ធតាមដានដំណាំស្រូវ (Crop Monitoring System-CropWatch) ដែលជាប្រព័ន្ធតាមដានកសិកម្មតាមរយៈរូបភាពផ្កាយរណប, ប្រព័ន្ធផ្តល់ព័ត៌មានព្យាករណ៍អាកាសធាតុនិងព័ត៌មានកសិកម្មដល់កសិករតាមរយៈ App និង SMS (Cambodia Agrometeorological Service-CAS) ដែលអាចជួយឱ្យកសិករត្រៀមខ្លួនចំពោះការប្រែប្រួលអាកាសធាតុ និងគ្រោះធម្មជាតិ, ប្រព័ន្ធសហគមន៍កសិកម្ម (Cooperative Platform-CP) ជាប្រព័ន្ធឌីជីថលដែលនឹងត្រូវបានបង្កើតឡើងដើម្បីគាំទ្រដល់ការគ្រប់គ្រង និងការអភិវឌ្ឍសហគមន៍កសិកម្ម, ប្រព័ន្ធគាំទ្រការសម្រេចចិត្ត (Landscape-Level Agroecology Monitoring system-LAMS) )ដែលនឹងត្រូវបានរចនាឡើងដើម្បីបូកបញ្ជូលទិន្នន័យអាកាសធាតុ កសិ-អេកូឡូស៊ី បរិស្ថាន និងសង្គម-សេដ្ឋកិច្ចដើម្បីគាំទ្រដល់ការអភិវឌ្ឍកសិកម្មប្រកបដោយនិរន្តរភាព និងការវិនិយោគដែលធន់នឹងអាកាសធាតុ និងប្រព័ន្ធTraceability។
ក្នុងកិច្ចប្រជុំនេះឯឧត្តមបានស្នើឱ្យFAO ពិនិត្យលទ្ធភាពដើម្បីបន្ស៊ីគ្នានូវប្រព័ន្ធ ទាំងឡាយ ដែលមុខងារប្រហាក់ប្រហែលឬស្រដៀងគ្នាទៅនឹងប្រព័ន្ធ ដែលក្រសួង បាននិងកំពុងអភិវឌ្ឍចៀសវាងការធ្វើប្រព័ន្ធជាន់គ្នា។ បន្ថែមពីនេះ ឯកឧត្តមបានឡើងផងដែរថារសម្រាប់ពេលអនាគត FAO គួរពិចារណាផ្តល់ការគាំទ្រ ក្នុងការអភិវឌ្ឍនិងពង្រីកវិសាលភាពប្រព័ន្ធដែលមានស្រាប់របស់ក្រសួងបន្ថែមទៀតដើម្បីប្រមូលទិន្នន័យនិងប្រើប្រាស់ឱ្យបានទូលំទូលាយផងដែរ៕
