ឯកឧត្តមរដ្ឋលេខាធិការ ចាន់ សុវុឌ្ឍ អញ្ជើញជាអធិបតីក្នុងពិធីបើកវិញ្ញាសាប្រឡងបញ្ចប់ការសិក្សារបស់និសិ្សតថ្នាក់បរិញ្ញាបត្ររងបច្ចេកទេសកសិកម្មផ្នែកអាហារូបករណ៍ ជំនាន់ទី២៨ និងផ្នែកបណ្តុះបណ្តាលបន្តជំនាន់ទី១៣ ក្នុងឆ្នាំសិក្សា២០២៣-២០២៤ នៅខេត្តកំពង់ចាម

ចេញ​ផ្សាយ​ ១៤ មីនា ២០២៥ 116

នៅព្រឹកថ្ងៃទី១៤ ខែមីនា ឆ្នាំ២០២៥ ឯកឧត្តម ចាន់ សុវុឌ្ឍ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានគណៈកម្មការទទួលខុសត្រូវរួម បានអញ្ជើញជាអធិបតីក្នុងពិធីបើកវិញ្ញាសាប្រឡងបញ្ចប់ការសិក្សារបស់និសិ្សតថ្នាក់បរិញ្ញាបត្ររងបច្ចេកទេសកសិកម្មផ្នែកអាហារូបករណ៍ ជំនាន់ទី២៨ និងផ្នែកបណ្តុះបណ្តាលបន្តជំនាន់ទី១៣ ក្នុងឆ្នាំសិក្សា២០២៣-២០២៤ នៅវិទ្យាស្ថានជាតិកសិកម្មកំពង់ចាម ខេត្តកំពង់ចាម។

ក្នុងពិធីនេះ ឯកឧត្តមរដ្ឋលេខាធិការ បានផ្តល់អនុសាសន៍ណែនាំដល់និសិ្សតដែលប្រឡងបញ្ចប់ការសិក្សា ត្រូវយកចិត្តទុកដាក់បំពេញសន្លឹកកិច្ចការរៀងៗខ្លួន និងត្រូវគោរពវិន័យនៃការប្រឡងឱ្យបានខ្ជាប់ខ្ជួន ដោយឈរលើគោលការណ៍ “អ្នកចេះគឺជាប់”។ ទន្ទឹមនឹងនេះ ឯកឧត្តម បានផ្តាំផ្ញើឱ្យនិស្សិតខិតខំប្រឹងប្រែងបន្តការសិក្សាថ្នាក់បរិញ្ញាបត្រ និងថ្នាក់បន្តបន្ទាប់ទៀត ដើម្បីពង្រឹងសមត្ថភាពបន្ថែម និងចំណេះជំនាញរបស់ខ្លួន ឆ្ពោះទៅសម្រេចបាននូវចក្ខុវិស័យរបស់រាជរដ្ឋាភិបាល នីតិកាលទី៧ នៃរដ្ឋសភា។