ព័ត៌មានផ្សេងៗទៀត
កសិករត្រូវតែចាប់អារម្មណ៌ទៅលើការប្រើប្រាស់ពូជ
ចេញផ្សាយ ១៧ មករា ២០១៨ 4789
ឯកឧត្តម បណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានរំលឹកដល់កសិករថា ដើម្បីអោយចំណូលកើនឡើង និងស្របតាមតំលៃទីផ្សារនោះ ការធ្វើកសិកម្មត្រូវជ្រើសរើសពូជ និងអនុវត្តបច្ចេកទេសថ្មី ដែលមានប្រសិទ្ធភាពសេដ្ឋកិច្ចជាងការធ្វើតាមទម្លាប់។
ខណះនៃ ការជួបកសិករជិត ៤០០នាក់ នាពេលចួលសម្ភោធផ្លូវលំមួយខ្សែ ប្រវែងជិត ២គីឡូម៉ែត្រ ក្នុងឃុំសំរោង ស្រុកត្រាំកក់ កាលពីពេលថ្មីនេះ ឯកឧត្តមរដ្ឋមន្ត្រី បានមានប្រសាសន៌ ថាប្រមុខរដ្ឋាភិបាលនៃយើង បានកំណត់រួចមកហើយ ក្នុងការធ្វើយ៉ាងណា អោយប្រទេសកម្ពុជា នាំអង្ករចេញនាពេលអនាគត ដែលចាប់ផ្តើម ពីឆ្នាំ២០១៥ អោយបាន ១លានតោអង្ករ។ ឯកឧត្តមរដ្ឋមន្ត្រីបន្តទៀតថា ក្រសួងកំពុងជំរុញ ការអនុវត្តនូវគោលនយោបាយនេះ។
ប៉ុន្តែដើម្បីសម្រេចបានលុះត្រា តែមានការចួលរួម និងផ្លាស់ផ្តូរ ឥរិយាបថជាច្រើន របស់ប្រជាកសិករ នៅទូទាំងប្រទេសផងដែរ។ យើងត្រូវកែប្រែទម្លាប់ខ្លះនិងមិនអាចបន្តធ្វើស្រែដោយប្រើប្រាស់ ពូជតាមទម្លាប់ដដែលៗទៀតទេ។
គឺ ប្រើប្រាស់ពូជណាដែលមានតម្លៃនៅលើទីផ្សារ។ ធ្វើស្រូវស្រាលមិនប្រកាន់រដូវ ដូចជាពូជសែនពោដោ អីអ៊ែរ៦៦ រឺក៏ស្រូវពូជផ្ការំដួល ផ្ការមៀត ផ្ការំដេង ផ្កាច័ន្ទសែនស។ល។ ឯកឧត្តម រដ្ឋមន្ត្រី បានជំរុញអោយ មន្ត្រីជំនាញរបស់ក្រសួង សកម្មថែមទៀត ក្នុងការចុះផ្សព្វផ្សាយអប់រំ ដល់កសិករអំពីវិធីសាស្ត្រខាងលើ ជាមួយនិងការបង្ហាត់បង្រៀនកសិករអោយ ចេះទុកដាក់ពូជការប្រមួលផល ដែលមានការបាតបង់តិចជាទូទៅការប្រមួល ផលបាត់បង់១៣ភាគរយ ការប្រើឧបករណ៌កសិកម្មទំនើប ដែលចំនាយពូជតិចនិងការផ្តល់ទិន្នផល បានច្រើនពិសេសនោះការផ្តល់ព័ត៌មានទីផ្សារកសិម្ម ដល់កសិករទាន់ពេលវាលា។ ការកសាងប្រព័ន្ធធារាសាស្ត្រ នៅមួលដ្ឋានការបង្កើតប្រភពទឹកការគ្រប់គ្រង ទឹកក៏ជាកត្តាមួយដែលពុំអាមខ្វះបានដែរ៕
