ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម និងមន្ត្រីជំនាញចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពី ការដាក់តំបន់បឹងក្រពិត ក្នុងខេត្តចំនួនពីរ ជាតំបន់ការពារធម្មជាតិ

ចេញ​ផ្សាយ​ ២១ មីនា ២០២៤ 1865

កាលពីថ្ងៃទី១៨ ខែមីនា ឆ្នាំ២០២៤ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម ពុំ សុថា ប្រតិភូរាជរដ្ឋាភិបាល ទទួលបន្ទុករដ្ឋបាលជលផល ព្រមទាំងមន្ត្រីជំនាញបានចូលរួមកិច្ចប្រជុំពិគ្រោះយោបល់ថ្នាក់ជាតិនៅសាលាខេត្តត្បូងឃ្មុំ ស្តីពី ការដាក់តំបន់បឹងក្រពិត ភូមិសាស្រ្តស្រុកអូររាំងឳ ខេត្តត្បូងឃ្មុំ និងស្រុកកោះសូទិន ខេត្តកំពង់ចាម ជាតំបន់ការពារធម្មជាតិ។

កិច្ចប្រជុំនេះប្រព្រឹត្តទៅក្រោមការដឹកនាំដោយឯកឧត្តម សឹម យ៉ារ៉ែន អនុរដ្ឋលេខាធិការក្រសួងបរិស្ថាន និងមានការអញ្ជើញចូលរួមពី ឯកឧត្តម ផារ៉ា មង្គល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ឯកឧត្តម ម៉ៅ វិបុល អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ឯកឧត្តម អ៊ុក វុទ្ធី អនុរដ្ឋលេខាធិការ ក្រសួងធនធានទឹក និងឧតុនិយម អភិបាលរងខេត្តត្បូងឃ្មុំ និងខេត្តកំពង់ចាម អភិបាលរងស្រុកអូររាំងឪ និងស្រុកកោះសូទិន មន្ទីរនិងអង្គភាពពាក់ព័ន្ធចំណុះរដ្ឋបាលខេត្តត្បូងឃ្មុំ និងរដ្ឋបាលខេត្តកំពង់ចាម និងអាជ្ញាធរភូមិឃុំពាក់ព័ន្ធ៕