នៅរសៀលថ្ងៃដដែល ឯកឧត្តមរដ្ឋមន្រ្តី វេង សាខុន និងលោកជំទាវ អញ្ជើញមកចូលកម្មវិធីទីពីរ ដែលជាពិពណ៌ផ្សារណាត់បន្លែ និងផលិតផល សុវត្ថិភាព រៀបចំធ្វើនៅក្នុងទីរួមខេត្តពោធិ៍សាត់

ចេញ​ផ្សាយ​ ២០ កក្កដា ២០១៨ 3151

នៅរសៀលថ្ងៃដដែល ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងលោកជំទាវ រួមជាមួយសហ ការរីបាន បន្តដំណើរអញ្ជើញមកចូលរួមក្នុងកម្មវិធីទីពីរដែល រៀបចំធ្វើនៅក្នុងទីរួមខេត្តពោធិ៍សាត់នៅរសៀលថ្ងៃដដែល។ ជារួមពិពណ៌ផ្សារណាត់បន្លែ និងផលិតផល សុវត្ថិភាពដែលរៀបចំដោយអគ្គនាយកដ្ឋាកសិកម្ម សហការជាមួយមន្ទីរកសិកម្ម រុក្ខាប្រមាញ់ និងនេសាទនៃខេត្តទាំងពីរ មានទិដ្ឋភាពប្រហាក់ប្រហែលគ្នា ប៉ុន្តែខេត្តពោធិ៍សាត់មានលក់សាច់មាន់និងទា ពិសេសតូប ឬស្តង់លក់នីមួយៗរៀបចំផលិតផលលក់ដូច តូបលក់បន្លែត្រី សាច់នៅតាមទីផ្សារនានាគឺមានបន្លែ ត្រីសាច់ គ្រឿងទេស និងផ្លែឈើ និងម្ចាស់តូបស្លៀកពាក់ស្អាតបាត ហើយនេះគឺជាសិល្បៈនៃការទាក់ទាញ និងការរក្សាបាននូវអនាម័យ ជាង នេះទៅទៀត មន្ទីរបានរៀបចំការដើរបង្ហាញម៉ូតសម្លៀកបំពាក់ដោយយកផលិតផលបន្លែមកកែច្នៃ តាក់តែងរៀបចំជាសម្លៀកបំពាក់ គួរឲ្យគយគន់។ សិល្បៈនេះចង់បង្ហាញគណៈអធិបតិ ភ្ញៀវ និងប្រជាពលរដ្ឋថាខេត្តមានលទ្ធភាពគ្រប់គ្រាន់ក្នុងការផលិត បន្លែ និងផលិតផលសុវត្ថិភាពដើម្បីផ្គត់ផ្គង់ឲ្យទីផ្សារ ធានាបាននូវសុវត្ថិភាព និងសុខភាពសាធារណៈ។ ហេតុផលនេះ ក្នុងបរិយាកាសសប្បាយរីករាយ និងមោទនភាពក្នុងនាមថ្នាក់ដឹកនាំក្រសួង ក៏ដូចខ្លួនលោកផ្ទាល់ ឯកឧត្តមរដ្ឋមន្រ្តី និងឯកឧត្តមខួយ សុខា ប្រធានក្រុមប្រឹក្សាខេត្ត និងជាអតីតអភិបាលនៃគណៈអភិបាលខេត្តបានអំពាវនាវយ៉ាងទទួចដល់ប្រជាពលរដ្ឋគ្រប់ស្រទាប់វណ្ណៈឲ្យងាកមក ចូលរួម ឧបត្ថម្ភ គាំទ្រប្រើប្រាស់ និងបរិភោគផលិតផលរបស់យើង ដែលប្រជាជនយើងជាអ្នកផលិត ដើម្បីសុខភាពយើង និងជាពិសេសគឺដើម្បីសេដ្ឋកិច្ចជាតិយើង។ ឯកឧត្តមរដ្ឋមន្រ្តី បាន វាយតម្លៃខ្ពស់ និងថ្លែងអំណរគុណជាអនេកជូនដល់ថ្នាក់ដឹកនាំ មន្រ្តីគម្រោង ផលិតករ សហគមន៍ ក្រុមហ៊ុន អាជ្ញាធរដែនដីគ្រប់លំដាប់ថ្នាក់ដែល បានចូលរួមសហការ យ៉ាងសកម្មទាំងកំលាំងកាយ ចិត្តធ្វើឲ្យគម្រោងជំរុញផលិតកម្មស្បៀងទទួល បានជោគជ័យជាបន្តបន្ទាប់។