ព័ត៌មានផ្សេងៗទៀត
ឯកឧត្តមរដ្ឋលេខាធិការ ប្រាក់ ដាវីដ អញ្ជើញចូលរួមសន្និសីទកិច្ចសហប្រតិបត្តិការកសិកម្មអាស៊ាន-ចិន នៅទីក្រុងណាននីង ប្រទេសចិន
ចេញផ្សាយ ២៦ កញ្ញា ២០២៤ 424
នៅថ្ងៃទី២៣ ខែកញ្ញា ឆ្នាំ២០២៤ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានចូលរួមថ្លែងសុន្ទរកថានៅក្នុងសន្និសីទកិច្ចសហប្រតិបត្តិការកសិកម្មអាស៊ាន-ចិន និងបានចុះហត្ថលេខាលើអនុស្សរណៈនៃការយោគយល់គ្នា ស្តីពីគម្រោងរួមគ្នាលើកកម្ពស់វិស័យកសិកម្ម និងកិច្ចសហប្រតិបត្តិការកាត់បន្ថយភាពក្រីក្រ រវាងក្រសួងកសិកម្ម និងរដ្ឋាភិបាលនៃតំបន់ស្វយ័តជនជាតិជាំងក្វាងស៊ី នៃសាធារណរដ្ឋប្រជាមានិតចិន នៅទីក្រុងណាននីង ខេត្តក្វាងស៊ី ប្រទេសចិន។
ថ្លែងទៅកាន់អង្គសន្និសីទ ឯកឧត្តមរដ្ឋលេខាធិការ បានលើកឡើងពីទំនាក់ទំនងយ៉ាងជិតស្និទរវាងអាស៊ាន និងចិន លើកិច្ចសហប្រតិបត្តិការលើគ្រប់វិស័យ រាប់បញ្ចូលទាំងវិស័យកសិកម្ម។ វិស័យកសិកម្មបានដើរតួនាទីយ៉ាងសំខាន់ក្នុងការធានាបាននូវសន្តិសុខស្បៀង ស្របពេលដែលពិភពលោកមានការវិវត្តឥតឈប់ឈរ និងពិបាកគ្រោងទុក។ ហេតុដូចនេះ អាស៊ាន និងចិនមានភាពចាំបាច់ណាស់ក្នុងការរួមគ្នាពង្រឹងកិច្ចសហប្រតិបត្តិការបន្ថែមទៀត ដើម្បីធានាបាននូវសន្តិសុខស្បៀងក្នុងតំបន់។
ឯកឧត្តមបញ្ជាក់ថា នាពេលបច្ចុប្បន្ន ក្រសួងកសិកម្ម រុក្ខាប្រមាញ់ និងនេសាទ បាននឹងកំពុងជំរុញការបង្កើតសហគមន៍កសិកម្មទំនើប ដើម្បីធានាបាននូវនិរន្តរភាពនៃការផ្គត់ផ្គង់ទាំងបរិមាណ និងគុណភាព ដែលនឹងជួយជំរុញដល់សន្តិសុខស្បៀងក្នុងស្រុក តំបន់ និងសកលផងដែរ។ ទន្ទឹមនឹងនេះ ក្រសួងកសិកម្ម រុក្ខាប្រមាញ់ និងនេសាទ នឹងបន្តពង្រឹងកិច្ចសហប្រតិបត្តិការកសិ-ពាណិជ្ជកម្ម រវាងកម្ពុជា និងអាស៊ាន ព្រមទាំងកម្ពុជា និងចិន ដើម្បីជំរុញកំណើនសេដ្ឋកិច្ច និងរួមគ្នាធានាបាននូវសន្តិសុខស្បៀងរវាងអាស៊ាន និងចិន។
នៅក្នុងអង្គពិធីនោះ ឯកឧត្តមរដ្ឋលេខាធិការ ដែលជាតំណាងក្រសួងកសិកម្ម រុក្ខាប្រមាញ់ និងនេសាទ ជាមួយនឹងតំណាងរដ្ឋាភិបាលនៃតំបន់ស្វយ័តជនជាតិជាំងក្វាងស៉ី បានចុះហត្ថលេខាលើអនុស្សរណៈនៃការយោគយល់គ្នា ស្តីពីគម្រោងរួមគ្នាលើកកម្ពស់វិស័យកសិកម្ម និងកិច្ចសហប្រតិបត្តិការកាត់បន្ថយភាពក្រីក្រ។
តាមរយៈអនុស្សរណៈនៃការយោគយល់គ្នានេះ ក្រសួងនឹងអនុវត្តគម្រោងចំនួនពីរ ជាមួយតំបន់ស្វយ័តជនជាតិជាំងក្វាងស៉ី រួមមាន គម្រោងកិច្ចសហប្រតិបត្តិការឧស្សាហកម្មអង្ករទំនើបក្វាងស៊ី រវាងកម្ពុជា និងចិន និងគម្រោងជំនួយក្វាងស៊ីនៅកម្ពុជាលើកកិច្ចសហប្រតិបត្តិការបច្ចេកវិទ្យាកសិកម្មទំនើប និងការកាត់បន្ថយភាពក្រីក្រ ដែលគម្រោងទាំងពីរនេះស្ថិតក្រោមកិច្ចសហប្រតិបត្តិការច្រករបៀងមច្ឆានិងអង្ករ៕
ចេញផ្សាយ ០៧ តុលា ២០២៤ 102
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន 102 Farm Group
ចេញផ្សាយ ០៤ តុលា ២០២៤ 341
«ស្ថានភាពថ្លៃស្រូវនៅខេត្តបាត់ដំបង និងពោធិ៍សាត់ ដែលបានវិលមករកសភាពធម្មតា និងអាចគ្រប់គ្រងបាន»
ចេញផ្សាយ ០៤ តុលា ២០២៤ 278
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 290
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 268
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 286
ក្រសួងកសិកម្ម រុក្ខាប្រមាញ់ និងនេសាទ បានសម្របសម្រួលឱ្យមានរោងម៉ាសុីនកិនស្រូវធំៗមួយចំនួន នៅរង់ចាំទិញស្រូវពីប្រជាកសិករយើងដែលត្រូវការលក់បន្ទាន់ក្នុងពេលឈប់សម្រាកបុណ្យភ្ជុំបិណ្ឌ
ចេញផ្សាយ ៣០ កញ្ញា ២០២៤ 410
ក្រសួងកសិកម្មបញ្ជាក់ពីស្ថានភាពថ្លៃស្រូវ និងអំពាវនាវដល់ប្រជាកសិករ ឱ្យប្រុងប្រយ័ត្នពីការផ្សព្វផ្សាយព័ត៌មានមិនពិតអំពីតម្លៃស្រូវ
ចេញផ្សាយ ២៩ កញ្ញា ២០២៤ 449
មន្រ្តីជំនាញអភិរក្សជលផល អំពាវនាវដល់ប្រជានេសាទ តាមដាន និងសង្គ្រោះផ្សោតឱ្យទាន់ពេលវេលា នៅរដូវវស្សា
ចេញផ្សាយ ២៨ កញ្ញា ២០២៤ 443
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយវិទ្យាស្ថានបណ្តុះបណ្តាល និងស្រាវជ្រាវដេីម្បីអភិវឌ្ឍន៍កម្ពុជា (CDRI)
ចេញផ្សាយ ២៨ កញ្ញា ២០២៤ 460
លោកជំទាវអនុរដ្ឋលេខាធិការ អ៊ឹម រចនា អញ្ជើញជួបសំណេះសំណាលជាមួយមន្ត្រីឆ្មាំទន្លេអភិរក្សសត្វផ្សោតកាំពី ខេត្តក្រចេះ
ចេញផ្សាយ ២៨ កញ្ញា ២០២៤ 460
មន្រ្តីកសិកម្មឃុំ នៅស្រុកបរសេដ្ឋ ខេត្តកំពង់ស្ពឺ សម្របសម្រួលទីផ្សារស្រូវសែនក្រអូបជូនកសិករក្នុងឃុំមួយចំនួននៅតំបន់នោះ ទៅកាន់រោងម៉ាស៊ីនស្រូវ
