ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពចូលរួមក្នុងពិធីផ្ទេរ និងប្រកាសចូលកាន់ តំណែងមន្ត្រីរាជការនៃក្រសួងកសិកម្ម រុក្ខាប្រមាញ់ និងនេសាទ

ចេញ​ផ្សាយ​ ២៤ កុម្ភៈ ២០១៨ 2998

នៅរសៀលថ្ងៃទី២៧ ខែកុម្ភៈ ឆ្នាំ២០១៧ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន រដ្ឋមន្រ្តីនៃក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីចូលរួមក្នុងពិធីផ្ទេរ និងប្រកាសចូលកាន់តំណែងមន្រ្តីរាជការនៃក្រសួងកសិកម្ម រុក្ខាប្រមាញ់ និងនេសាទ។ អញ្ជើញចូលរួមក្នុងពិធីនោះមានឯកឧត្តម លោកជំទាវជាថ្នាក់ដឹកនាំក្រសួង និងឯកឧត្តម អស់លោក លោកស្រីជាថ្នាក់ដឹកនាំអង្គភាពក្រោមឱវាទក្រសួងទាំងអស់។ សូមជម្រាបជូនជ្រាបថា ពិធីនេះ មានការប្រកាសចូលកាន់តំណែង៖

១-ឯកឧត្ដម ឆេង គឹមស៊ុន ជាអនុរដ្ឋលេខាធិការក្រសួងកសិកម្ម រុក្ខាប្រមាញ់និងនេសាទ

២-ឯកឧត្ដម អ៊ុង សំអាត ជាប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ មានឋានៈស្មើអនុរដ្ឋលេខាធិការ

៣-លោក សាម៉េង កែវមុនីន ជាអគ្គនាយករងនៃអគ្គនាយកដ្ឋានកសិកម្ម។ សូមរកមើលសុន្ទរកថារបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ថ្លែង ក្នុងរូបភាពខាងលើ។