ព័ត៌មានផ្សេងៗទៀត
ឯកឧត្តម គង់ ច័ន្ទវាសនា និងឯកឧត្តម រស់ សូដែន អញ្ជើញចូលរួមកិច្ចប្រជុំតម្រង់ទិសការងារវិស័យរៀបចំដែនដី នគរូបនីយកម្ម និងសំណង់ នៅខេត្តកោះកុង
ចេញផ្សាយ ៦ កុម្ភៈ ២០២៦ 1644
នារសៀលថ្ងៃទី៦ ខែកុម្ភៈ ឆ្នាំ២០២៦ ឯកឧត្តម គង់ ច័ន្ទវាសនា និងឯកឧត្តម រស់ សូដែន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ព្រមទាំងថ្នាក់ដឹកនាំអគ្គនាយកដ្ឋានជលផល និងអគ្គនាយកដ្ឋានព្រៃឈេី និងសត្វព្រៃ បានអញ្ជេីញចូលរួមកិច្ចប្រជុំតម្រង់ទិសការងារវិស័យរៀបចំដែនដី នគរូបនីយកម្ម និងសំណង់ នៅខេត្តកោះកុង ក្រោមអធិបតីភាពដ៏ខ្ពង់ខ្ពស់របស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
កិច្ចប្រជុំនេះមានការចូលរួមពីថ្នាក់ដឹកនាំក្រសួង-ស្ថាប័នពាក់ព័ន្ធ ក្រុមការងាររាជរដ្ឋាភិបាលចុះមូលដ្ឋានខេត្តកោះកុង រដ្ឋបាលខេត្តកោះកុង អាជ្ញាធរមូលដ្ឋានក្រុង-ស្រុក និងអង្គភាពក្រោមឱវាទរដ្ឋបាលខេត្ត និងមានគោលបំណងពិនិត្យពិភាក្សាលេីការចុះបញ្ជីដីធ្លីជូនបងប្អូនប្រជាពលរដ្ឋខេត្តកោះកុង៕
