ព័ត៌មានផ្សេងៗទៀត
ថ្នាក់ដឹកនាំក្រសួងកសិកម្ម អញ្ជើញដឹកនាំកិច្ចប្រជុំ និងតម្រង់ទិសមន្ត្រីកសិកម្មឃុំចំនួន៣ខេត្ត ដើម្បីជំរុញការរៀបចំស្រែ–ចម្ការបង្ហាញ និងការប្រើប្រាស់ធាតុចូលកសិកម្មប្រកបដោយប្រសិទ្ធភាព
ចេញផ្សាយ ១២ កញ្ញា ២០២៦ 2138
ចាប់ពីថ្ងៃទី៩ ដល់ថ្ងៃទី១១ ខែកញ្ញា ឆ្នាំ២០២៦ ឯកឧត្តមបណ្ឌិត យ៉ង សាំង កុមារ រដ្ឋលេខាក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំ និងតម្រង់ទិសមន្ត្រីកសិកម្មឃុំ នៅខេត្តព្រៃវែង ស្វាយរៀង និងកណ្តាល ក្នុងគោលបំណងពង្រឹងការអនុវត្តការងារកសិកម្មនៅមូលដ្ឋាន ជាពិសេសការផ្សព្វផ្សាយបច្ចេកទេសកសិកម្ម និងការរៀបចំ ស្រែ–ចម្ការបង្ហាញ ដើម្បីជួយកសិករឱ្យទទួលបានចំណេះដឹង និងបទពិសោធន៍ជាក់ស្តែងសម្រាប់យកទៅអនុវត្តក្នុងការផលិតរបស់ខ្លួន។
នៅក្នុងកិច្ចប្រជុំ ឯកឧត្តមបណ្ឌិតបានផ្តោតការណែនាំ និងតម្រង់ទិសលើការប្រើប្រាស់ធាតុចូលកសិកម្ម ជាពិសេសជី និងថ្នាំកសិកម្ម ឱ្យបានត្រឹមត្រូវ ប្រសិទ្ធភាព និងមាននិរន្តរភាព ដើម្បីបង្កើនផលិតភាព និងគុណភាពកសិផល កាត់បន្ថយថ្លៃដើមផលិតកម្ម និងកាត់បន្ថយការប្រើប្រាស់ថ្នាំគីមីដែលមិនចាំបាច់។
ជាមួយគ្នានេះ ការរៀបចំស្រែ–ចម្ការបង្ហាញ នឹងជួយឱ្យកសិករទទួលបានចំណេះដឹង និងបទពិសោធន៍ជាក់ស្តែងក្នុងការអនុវត្តបច្ចេកទេសកសិកម្ម សំដៅលើកកម្ពស់ ជីជាតិ និងសុខភាពដី ព្រមទាំងផលិតកម្មកសិកម្មប្រកបដោយប្រសិទ្ធភាព សុវត្ថិភាព និងនិរន្តរភាព៕
