ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក

ចេញ​ផ្សាយ​ ១៩ កញ្ញា ២០២៤ 1285

នៅព្រឹកថ្ងៃទី១៩​ ខែកញ្ញា ឆ្នាំ២០២៤ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ និងឯកឧត្តម ថោ ជេដ្ឋា រដ្ឋមន្ដ្រីក្រសួងធនធានទឹក និងឧតុនិយម បានរួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការសម្របសម្រួលអនុវត្តកម្មវិធី​នយោបាយ​ និងសកម្មភាពដែលពាក់ព័ន្ធនឹងសហគមន៍កសិកម្មទំនេីប​ សហគមន៍កសិករ​ប្រេីប្រាស់ទឹក​ និងភូមិគំរូ​។

នៅក្នុងកិច្ចប្រជុំដែលរៀបចំធ្វើនៅទីស្តីការក្រសួងធនធានទឹក​និងឧតុនិយមនេះ ឯកឧត្តមរដ្ឋមន្ដ្រី ឌិត ទីណា បានលើកឡើងអំពីលទ្ធភាពដែលក្រសួងទាំង៣ អាចរួមគ្នាបង្កើតសមិទ្ធផលសម្រាប់ជាតិ និងប្រជាជន តាមរយៈការផ្តល់សេវាសាធារណៈ ការបង្កើតសហគមន៍រួមគ្នា ការរៀបចំរចនាសម្ព័ន្ធ និងផែនការអនុវត្តរួមគ្នា ដើម្បីធានានូវប្រសិទ្ធភាព និងប្រសិទ្ធផលខ្ពស់នៃការងារ ក្រោមអភិក្រមជវភាពនៃប្រព័ន្ធតួអង្គតែមួយ។

តាមរយៈកិច្ចពិភាក្សាពេញមួយព្រឹក ឯកឧត្តមរដ្ឋមន្ដ្រីនៃក្រសួងទាំង៣ បានព្រមព្រៀងគ្នាជាគោលការណ៍ និងបានដាក់ចេញនូវការងារសំខាន់ចំនួន ៣ រួមមាន៖

១. បន្តការអនុវត្តនូវរបបប្រជុំទៀងទាត់ រៀងរាល់៣ខែម្តង ដើម្បីតាមដានការងារដែលបានដាក់ចេញ និងកំណត់ទិសដៅការងារបន្ត។

២. ការបង្កើតនូវតួនាទី និងភារកិច្ចទទួលខុសត្រូវ (ToR) មួយ សម្រាប់ក្រុមការងារ ស្តីពីការងារត្រី-វិស័យ (កសិកម្ម ទឹក និងជនបទ) ធ្វើយ៉ាងណាឱ្យមានភាពស៊ីចង្វាក់គ្នា ដើម្បីជួយលើកកម្ពស់ជីវភាពប្រជាជននៅទីជនបទ ដោយតម្កល់ប្រយោជន៍ជាតិជាធំ។

៣. កំណត់ និងឯកភាពតំបន់គោលដៅយុទ្ធសាស្ត្រ ដែលជាអាទិភាពរួមរបស់ការងារត្រី-វិស័យ ហើយដាក់ធនធានរួមគ្នា ដើម្បីសហការអនុវត្តឱ្យបានជោគជ័យ និងឆាប់រហ័ស។

ទន្ទឹមគ្នានេះ ឯកឧត្តមរដ្ឋមន្ដ្រីទាំង ៣រូប នឹងអញ្ជើញចុះបេសកកម្មរួមគ្នា ដើម្បីពិនិត្យសហគមន៍យុទ្ធសាស្ត្រនាពេលខាងមុខ​ ក្នុងគោលដៅជំរុញការងារនេះឱ្យចេញជារូបរាងពិតប្រាកដ ឆាប់រហ័ស មានលទ្ធផលល្អ ជាគំរូដល់សហគមន៍នានា ទទួលបាននូវភោគផលសេដ្ឋកិច្ច និងសេដ្ឋកិច្ចមាត្រដ្ឋានខ្ពស់ ដែលស្របនឹងគោលនយោបាយជាតិ កម្ពុជាឆ្ពោះទៅជាប្រទេសមានចំណូលខ្ពស់នៅឆ្នាំ ២០៥០។

សូមរំ​ឭក​ជូនថា នេះគឺជាលើកទី២ហើយ ដែលឯកឧត្តមរដ្ឋមន្ដ្រីទាំង៣រូប ជួបប្រជុំក្នុងក្របខណ្ឌត្រីភាគី ដោយកិច្ចប្រជុំអន្ដរក្រសួងលើកទី១ រៀបចំធ្វើនៅទីស្ដីការក្រសួងកសិកម្ម រុក្ខាប្រមាញ់ នៅថ្ងៃទី៦ ខែឧសភា ឆ្នាំ២០២៤ ដោយមានការចូលរួមពីថ្នាក់ដឹកនាំ និងមន្ត្រីជំនាញនៃក្រសួងទាំង៣។

តាមរយៈកិច្ចប្រជុំលើកទី១ ក្រសួងទាំង៣ បានចេញសេចក្ដីប្រកាសព័ត៌មានរួមគ្នាចំនួនបួនចំណុច រួមមាន៖

១. កំណត់គោលដៅយុទ្ធសាស្ត្រជាអាទិភាពរបស់ក្រសួងទាំងបី ដោយដាក់កម្លាំងនិងធនធានរួមគ្នាដើម្បីសហការអនុវត្តឱ្យបានជោគជ័យ។

២. ប្រឹក្សាយោបល់ជាមួយគ្នាតាមជំនាញនិងវិស័យរៀងៗខ្លួនឱ្យបានទៀងទាត់និងជាប់លាប់ ដើម្បីបង្ការ និងទម្លុះនូវភាពរាំងស្ទះទាំងឡាយ ដើម្បីឈានទៅសម្រេចបាននូវគោលដៅដែលបានកំណត់។

៣. ផ្សារភ្ជាប់គម្រោងនិងកម្មវិធីនយោបាយដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ធ្វើយ៉ាងណាជួយដល់ប្រជាពលរដ្ឋនៅតាមមូលដ្ឋានឱ្យទទួលបានអត្ថប្រយោជន៍ជាអតិបរមា។

៤. ឯកភាពជាគោលការណ៍បង្កើតក្រុមការងារអន្តរក្រសួង ដើម្បីធ្វើការរួមគ្នាជាប់លាប់ និងដាក់ចេញនូវរបបប្រជុំទៀងទាត់រៀងរាល់បីខែម្ដង ដើម្បីតាមដានការងារដែលបានដាក់ចេញ និងកំណត់ផែនការអនុវត្តការងារបន្ត៕

ព័ត៌មានផ្សេងៗទៀត
ចេញ​ផ្សាយ​ ១៩ មករា ២០២៥ 205

ឯកឧត្ដមរដ្ឋលេខាធិការ ឱម គឹមស៊ា អញ្ជើញដឹកនាំក្រុមការងារ ចុះពិនិត្យការ​ប្រមូល​ផលស្រូវបែបលក្ខណៈគ្រួសារ នៅខេត្តកំពង់ឆ្នាំង

នៅថ្ងៃទី១៨ ខែមករា ឆ្នាំ២០២៥ ឯកឧត្ដម ឱម គឹមស៊ា រដ្ឋលេខាធិការក្រសួង​កសិកម្ម រុក្ខាប្រមាញ់ និងនេសាទ អមដំណើរដោយ ឯកឧត្តមអនុរដ្ឋលេខាធិការ គង់ ចាន់ លោកប្រធានមន្ទីរ ងិន...
ចេញ​ផ្សាយ​ ១៩ មករា ២០២៥ 197

តំណាងដេប៉ូ អរគុណដល់មន្ទីរកសិកម្មខេត្តតាកែវ ដែលបើកវគ្គបណ្តុះបណ្តាលអប់រំសមត្ថភាពវិជ្ជាជីវៈដល់អាជីវករលក់ថ្នាំ និងជីកសិកម្ម

នៅថ្ងៃទី១៣-១៤ ខែមករា ឆ្នាំ២០២៥ មន្ទីរកសិកម្ម រុក្ខាប្រមាញ់ និងនេសាទ បានសហការជាមួយអគ្គនាយកដ្ឋានគ្រប់គ្រងធនធានដីកសិកម្ម នៃអគ្គនាយកដ្ឋានកសិកម្ម និងតំណាងនាយកដ្ឋាន...
ចេញ​ផ្សាយ​ ១៩ មករា ២០២៥ 203

ឯកឧត្តមរដ្ឋលេខាធិការ តូច ប៊ុនហួរ ដឹកនាំក្រុមការងារចុះពិនិត្យមើលការបង្កបង្កើនផលស្រូវ និងជួបសំណេះសំណាលជាមួយប្រជាពលរដ្ឋនៅស្រុកចំនួនពីរ ក្នុងខេត្តតាកែវ

នៅថ្ងៃទី១៨ ខែមករា ឆ្នាំ២០២៥ ឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារក្រសួងកសិកម្ម ឯកឧត្តម ឈុំ ឆុនលី និង ឯកឧត្តម...
ចេញ​ផ្សាយ​ ១៩ មករា ២០២៥ 200

ឯកឧត្តមរដ្ឋលេខាធិការ ឃុន សាវឿន អញ្ជើញដឹកនាំក្រុមការងារចុះពិនិត្យការប្រមូលផលស្រូវរបស់ប្រជាកសិករស្ថិតនៅខេត្តសៀមរាប

នៅថ្ងៃទី១៨ ខែមករា ឆ្នាំ២០២៥ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំក្រុមការងារ រួមមានលោក ទារ គឹមសុទ្ធ ប្រធានមន្ទីរកសិកម្ម...
ចេញ​ផ្សាយ​ ១៨ មករា ២០២៥ 255

លោកជំទាវអនុរដ្ឋលេខាធិការ យ៉ើ អាស៊ីគីន អញ្ជើញដឹកនាំក្រុមការងារ ចុះពិនិត្យ ការប្រមូលផលស្រូវនិងតម្លៃស្រូវ សែនក្រអូប និង OM និងជួបជាមួយរោងម៉ាស៊ីនកិនស្រូវ នៅស្រុកមង្គលបូរី ខេត្តបន្ទាយមានជ័យ

នៅថ្ងៃទី១៦-១៧ខែមករា ឆ្នាំ២០២៥ លោកជំទាវ យ៉ើ អាស៊ីគីន អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់...
ចេញ​ផ្សាយ​ ១៨ មករា ២០២៥ 238

កសិករនៅស្រុកមង្គលបូរី ខេត្តបន្ទាយមានជ័យ ធ្វើស្រូវសែនក្រអូបទទួលបានតម្លៃខ្ពស់លើទីផ្សារ

កសិករធ្វើពូជស្រូវសែនក្រអូប រស់នៅភូមិត្រាង ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ លោក ដែង វ៉ាន់វ៉ែន បញ្ជាក់ថា មូលហេតុដែលលោកចាប់យកពូជស្រូវសែនក្រអូបមកដាំដុះ...
ចេញ​ផ្សាយ​ ១៨ មករា ២០២៥ 230

ឯកឧត្តមបណ្ឌិតរដ្ឋលេខាធិការ មាស ពិសិដ្ឋ អញ្ជើញដឹកនាំក្រុមការងារ ជួបសំណេះសំណាលជាមួយថ្នាក់ដឹកនាំ និងមន្ត្រីនៃមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំងសំណេះសំណាលជាមួយកសិករដែលផលិតស្រូវប្រាំង ក្នុងខេត្តត្បូងឃ្មុំ

នៅព្រឹកថ្ងៃទី១៦ ខែមករា ឆ្នាំ២០២៥ ឯកឧត្តមបណ្ឌិត មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយ ឯកឧត្តមអនុរដ្ឋលេខាធិការ ចាន់ សុវត្ថិភាព...
ចេញ​ផ្សាយ​ ១៨ មករា ២០២៥ 228

ឯកឧត្តមរដ្ឋមន្ត្រី ឌិត ទីណា បានថ្លែងថា រាជរដ្ឋាភិបាលមានទំនួលខុសត្រូវខ្ពស់ចំពោះប្រជាពលរដ្ឋ ដោយគិតពីសេដ្ឋកិច្ច ពាណិជ្ជកម្ម និងកសិកម្ម ដោយមានការគិតគូច្បាស់លាស់លើការប្រើប្រាស់ធនធាន

ឯកឧត្តមរដ្ឋមន្ត្រី ឌិត ទីណា បានថ្លែងថា រាជរដ្ឋាភិបាលមានទំនួលខុសត្រូវខ្ពស់ចំពោះប្រជាពលរដ្ឋ ដោយគិតពីសេដ្ឋកិច្ច ពាណិជ្ជកម្ម និងកសិកម្ម ដោយមានការគិតគូច្បាស់លាស់លើការប្រើប្រាស់ធនធាន...
ចេញ​ផ្សាយ​ ១៨ មករា ២០២៥ 234

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ដំណោះស្រាយ​រយៈពេល​មធ្យម គឺការប្រមូលគ្នាធ្វើសហគមន៍កសិកម្មទំនើបធំមួយឱ្យកើតឡើង ដូច្នេះខាង​ឥណទាន​អាចផ្តល់ប្រាក់កម្ចីច្រើនដើម្បីផលិត

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ដំណោះស្រាយ​រយៈពេល​មធ្យម គឺការប្រមូលគ្នាធ្វើសហគមន៍កសិកម្មទំនើបធំមួយឱ្យកើតឡើង ដូច្នេះខាង​ឥណទាន​អាចផ្តល់ប្រាក់កម្ចីច្រើនដើម្បីផលិត។...
ចេញ​ផ្សាយ​ ១៨ មករា ២០២៥ 256

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ការប្រមូលផលនៅរដូវបុណ្យចូលឆ្នាំចិន-វៀតណាម មានផលវិបាកច្រើន ដោយសារមិនមានកម្មករធ្វើការ ហើយការបញ្ជាទិញពីវៀតណាមក៏មានការថយចុះផងដែរ

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ការប្រមូលផលនៅរដូវបុណ្យចូលឆ្នាំចិន-វៀតណាម មានផលវិបាកច្រើន ដោយសារមិនមានកម្មករធ្វើការ ហើយការបញ្ជាទិញពីវៀតណាមក៏មានការថយចុះផងដែរ។...
ចេញ​ផ្សាយ​ ១៦ មករា ២០២៥ 313

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ការធ្វើស្រូវតាមទំនៀមទម្លាប់មិនទទួលបានទិន្នផលច្រើនជាងចូលក្នុងសហគមន៍កសិកម្មទំនើបនោះទេ

ឯកឧត្តមរដ្ឋមន្ត្រី ឌិត ទីណា មានប្រសាសន៍ថា ការធ្វើស្រូវតាមទំនៀមទម្លាប់មិនទទួលបានទិន្នផលច្រើនជាងចូលក្នុងសហគមន៍កសិកម្មទំនើបនោះទេ។ ឯកឧត្តមរដ្ឋមន្ត្រី ក៏បានអំពាវនាវទៅប្រជាកសិករប្តូរពីធ្វើស្រូវតាមទំនៀមទម្លាប់...
ចេញ​ផ្សាយ​ ១៦ មករា ២០២៥ 307

ឯកឧត្តមរដ្ឋមន្ត្រី ឌិត ទីណា អំពាវនាវទៅប្រជាកសិកររួមគ្នាចូលក្នុងសហគមន៍កសិកម្មទំនើប ដើម្បីកែទម្រង់ វិស័យកសិកម្មឱ្យក្លាយទៅជាបុរេសកម្ម

ឯកឧត្តមរដ្ឋមន្ត្រី ឌិត ទីណា អំពាវនាវទៅប្រជាកសិកររួមគ្នាចូលក្នុងសហគមន៍កសិកម្មទំនើប ដើម្បីកែទម្រង់ វិស័យកសិកម្មឱ្យក្លាយទៅជាបុរេសកម្ម។ ឯកឧត្តមបានថ្លែងដូច្នេះ...