ព័ត៌មានផ្សេងៗទៀត
ឯកឧត្តមរដ្ឋលេខាធិការ ឃុន សាវឿន អញ្ជើញដឹកនាំកិច្ចប្រជុំពិភាក្សាស្តីពី «ការជំរុញ និងអភិវឌ្ឍន៍វារីវប្បកម្ម»
ចេញផ្សាយ ៣ កញ្ញា ២០២៥ 426
នៅថ្ងៃទី២ ខែកញ្ញា ឆ្នាំ២០២៥ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំពិភាក្សាស្តីពី «ការជំរុញ និងអភិវឌ្ឍន៍វារីវប្បកម្ម» នៅសាលប្រជុំរដ្ឋបាលជលផល ដោយមានការចូលរួមពី លោក ង៉ាន ណានី អគ្គលេខាធិការរងក្រសួងកសិកម្ម រុក្ខាប្រមាញ់ និងនេសាទ លោក ថាយ សុមុនី ប្រធាននាយកដ្ឋានអភិវឌ្ឍន៍វារីវប្បកម្ម នៃរដ្ឋបាលជលផល និងលោក លោកស្រីជាមន្ត្រីជំនាញពាក់ព័ន្ធការងារវារីវប្បកម្ម។
កិច្ចប្រជុំនេះរៀបចំឡើង ក្នុងគោលបំណង ដើម្បីពិនិត្យរៀបចំផែនការជំរុញ និងលើកកម្ពស់វារីវប្បកម្ម សំដៅគាំទ្របច្ចេកទេស និងជួយសម្របសម្រួលតភ្ជាប់រវាងអ្នកផលិត និងអ្នកមានតម្រូវការទិញផលវារីវប្បកម្ម។
ក្នុងឱកាសនោះដែរ ឯកឧត្តមរដ្ឋលេខាធិការ បានណែនាំឱ្យនាយកដ្ឋាន វិទ្យាស្ថាន និងមជ្ឈមណ្ឌលពាក់ព័ន្ធនឹងការស្រាវជ្រាវ និងអភិវឌ្ឍន៍វារីវប្បកម្ម នៃរដ្ឋបាលជលផល បន្តជំរុញលើការបង្កាត់ពូជ-ភ្ញាស់ពូជវារីសត្វដែលមានគុណភាព និងស្តង់ដារ ដែលឆ្លើយតបនឹងតម្រូវការទីផ្សារចិញ្ចឹម ព្រមទាំងបន្តផ្សព្វផ្សាយបច្ចេកទេស វារីវប្បកម្មឱ្យបានទូលំទូលាយបន្ថែមទៀត៕
