ឯកឧត្តមអនុរដ្ឋលេខាធិការ ទឹម បូរក្ស អញ្ជើញដឹកនាំក្រុមការងារចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល នៅភូមិបទសន្ទ្រា ខេត្តព្រៃវែង

ចេញ​ផ្សាយ​ ២៤ កក្កដា ២០២៥ 1122

នៅថ្ងៃទី២៤ ខែកក្កដា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខប្រមាញ់ និងនេសាទ តាមការណែនាំពីឯកឧត្តមរដ្ឋលេខាធិការ ហាស់ សារ៉េត  ដោយបានអញ្ជើញដឹកនាំ លោក កងសុវណ្ណារ៉ា នាយផ្នែករដ្ឋបាលជលផលកំពង់លាវ បានដឹកនាំសង្កាត់រដ្ឋបាលជលផលទួលតាកែវ ពារាំង និងមន្ត្រីក្រោមឱវាទ ចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល០១ករណី  នៅចំណុចបឹងផ្លាំង ភូមិបទសន្ទ្រា ឃុំកំពង់អំពិល ស្រុកពារាំង ខេត្តព្រៃវែង។

វត្ថុតាងដែលក្រុមការងារដកហូតបាន និងរុះរើបំផ្លាញចោលនៅនឹងកន្លែងនេសាទ រួមមាន លូស្បៃមុងចំនួន២១មាត់ របាំងព្រួលស្បៃមុងប្រវែង១២៦០ម៉ែត្រ  និងបង្គោលចម្រឹងចំនួន៤២០ដើម ព្រមទាំងចាក់លែងត្រីចម្រុះចូលទៅក្នុងបឹងធម្មជាតិវិញចំនួន៨៥គីឡូក្រាម។

បើតាមឯកឧត្តមអនុរដ្ឋលេខាធិការ ការចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល នៅចំណុចបឹងផ្លាំង ភូមិបទសន្ទ្រា ឃុំកំពង់អំពិល ស្រុកពារាំង ខេត្តព្រៃវែង ដើម្បីពង្រឹងការអនុវត្តន៍ច្បាប់ និងការគ្រប់គ្រង និងអភិរក្សធនធានជលផល៕